اةةةةةةة جرح الغرام

فز قلبي يا مزنٍ سرى بارق سحابه
ما ظماك الا الهجير اللي بروحي ما رويته

مر بك طيف الخيال ولف قلبي وهتنابه
والدجا سدل جناحه ورتخا الليل وسريته

آه يا جرح الغرام اللي خذا القلب وسرابه
والمسافه تنتهي عند المكان اللي بديته

مل صبري في رجا ونوّخت فيني ركابه
وشام لك قلبي وانا لعطيت شي ما خذيته

اتسلى والتسلي يجرح الهايم حرابه
منتظر ميعاد حلمٍ بالأمل ياما بنيته

يا عذابي ما سليت اللي يسليني عذابه
كم كسى برد المشاعر بالحنان وكم شكيته

كل ما وداه طاري راح له طاري وجابه
والغلا من عز راس ما لغير الله حنيته

بس يا كبر الفراغ اللي تركلي في غيابه
احتواني موج عشقٍ فاض بحره وحتويته

ما بقى للكون في عيني من الضيقه رحابه
يا رجا عينٍ خيالك وين ما ناظر لقيته

ضامني منك الهيام اللي ملا صدري عتابه
وجيت من جرحٍ بنارك كل ما يشكي كويته

لا تخلي هايم الاشواق يشكي من صبابه
كل شيٍ يا حبيبي تذكره والا نسيته

مع تحياتى احمد ملك الرومانسية