قصة حب فرعونية على الشات الفرعونى

قصة حب فرعونية على الشات الفرعونى

شات فرعوني..!

الزمان : زماااااااااااااااااااااااااااان أوي …

…الحوار:

فرعون : هاي … ممكن نتعرف
فرعونة : ممكن طبعا
فرعون : تحتمس فرغلي – 21 سنة – طيبة
فرعونة : كليوباترا ست أبوها – 20 سنة – هليوبليس
فرعون : سجاير يعني ….
فرعونة : ؟؟؟؟؟؟؟
فرعون : هليوبليس ؟. .. شكلك بنت ناس
فرعونة : طبعا … أبويا ظابط جيش فرعوني قد الدنيا .. برتبة تلات أهرامات وأبو الهول …
فرعون : جميل جدا … انتي ايه هواياتك ؟؟
فرعونة : بتعلم هيروغليفي وموسيقى … وانت ؟
فرعون : بحب أرسم على الحيطان …
فرعونة : عيل يعني ….
فرعون : الله الله الله … ولزمته ايه الغلط ده ؟
فرعونة :أنا آسفة … مش قصدي … بس يعني ايه بترسم على الحيطان …
فرعون : يعني بروح الهرم وأرسم على الحيطة بتاعته … رسام يعني
فرعونة : أيوه … سوري … باردون … مكنش قصدي
فرعون : ولا يهمك …
فرعونة : طيب إنت باباك شغال إيه
فرعون : أهو …. عمال بيبني في الهرم التالت … أما نشوف أخرتها إيه

فرعونة : بس أنا سمعت إن الموضوع ده اتمسك فيه مهندس بيغش في المونة …
فرعون : أيوه … أنا عارف … ماهو أبويا
فرعونة : بجد ؟ يعني باباك مجرم ؟؟؟
فرعون : اسمها حرامي لو سمحتي …
فرعونة :طيب …. حرامي حرامي …. أهو كلهم لصوص
فرعون : !!!!!!!!!!!!!!
فرعونة : انت بتحب الشعر
فرعون : أكيد … وأكتر واحد أحبه هوه امنمحات … تحسي إن شعره زي شعبان عبد الرحيم
فرعونة : أيوه … خصوصا في بردية "إيزيس والملوخية"
فرعون : فعلا … دي هيه دي المفضلة عندي …. شكلك ليكي نفس مزاجي … أنا بدأت أرتاحلك
فرعونة : أنا فعلا حاسة إني مرتحالك
فرعون : كليوباترا … أنا عايز أقولك حاجة
فرعونة : قول يا فرغلي
فرعون : بلاش الاسم ده
فرعونة : سوري … قول يا تحتمس
فرعون : أنا حاسس كده إني ….
فرعونة : إنك ايه ؟
فرعون : إني بــ …..
فرعونة : بتـــ … ايه …؟؟؟
فرعون : بحبك
فرعونة : …………..
فرعون : خير في حاجة ؟؟؟
فرعونة : لأ … أصلك صدمتني ….
فرعون : كليوباترا … أنا ممكن أعمل أي حاجة عشان أشوفك …
فرعونة : مينفعش يا تحتمس …. أصل بابي حمقي أوي … ولو شافنا مع بعض هيدفنك بالحيا في سقارة ….
فرعون : أنا ميهمنيش أي حد … المهم أشوفك …… ممكن نهرب مع بعض
فرعونة : طيب ونروح فين ؟
فرعون : أي حتة في مصر
فرعونة : ونسكن فين ؟
فرعون : أي ورقة بردي تغطينا تحتيها
فرعونة : وناكل منين ؟
فرعون : هشتغل أي حاجة … إن شاء الله أزرع بانجو
فرعونة : تحتمس
فرعون : يا عيون تحتمس من جوه ……..
فرعونة : أنا موافقة
فرعون : هيييييييييييييييييه
فرعونة : بس هبقى أكلمك تاني عشان أكد عليك
فرعون : أو-كي …. مفيش بروبلم
فرعونة : طيب باي دلوقتي
فرعون : باي يا كليوباترتي

هههههههههآ’ى ..

آتمني القصه تعجبكم