Loewe Spring 2024 | In Paris fashion week

Loewe Spring 2024 | In Paris fashion week

السلام عليكم / مرحباً كيفكم صبايا ~

L O E W E B R A N D

ماركه لوي اللي اشتهرت بالجلود, إهي علامه اسبانيه مقرها مدريد تأسست عام 1846 , على يد انريكي لوو ..

وبسنة الـ 1940 افتتح اول محل للسلع الفاخره لهالعلامه التجاريه في مدريد , وبالستينات تم افتتاح بوتيك آخر في لندن , وكانت بدء انتشارها بالهوقت ..

وبالثمانينات اصبحت لوي من الشركات الاكثر مبيعاً ..

هالكوليكشن متنوع جمع الـ pencil skirts رسميه وتجي ضيقه , وايضاً البلايز والسترات و القطع المصنوعه من جلد الغزال , والحرير , وفساتين الجيرسي , والاشكال الهندسيه المستوحاه من البلاط الاسباني "جانب معماري" وأقمشه الجلد المخرمه

والالوان راح تشوفون الترابيه و الرماديه والبحريه واللون الذهبي و لون الشكولاته ..

الكولكشن رايق حبيته لبساطته وفخامته بنفس الوقت ..

نبدا ~

ابتدا الكوليكشن بهالقطعه

عباره عن ستره جلديه ومعاها شورت , وتحتها قميص منقوش

القميص يلفت الانتباه , يعني أول مابتحطي عينك على الصوره , بيطيح عليه

" بالنسبه لي افضل لو كان بدون القميص بتكون القطعه راقيه بشكل "

التوب والتنوره جايين مع بعض , والحزام المعدني مسوي جو كمان

النقشه اللي على التنوره هذي إهي نقشه البلاط الاسباني ..

جميل مبين الجلد كيف فخم هنا , الجزم يحاول المصمم قدر الامكان انه يطقمها مع القطع .

هالقطعه حبيتها من كل قلبي , حبيت الازرار اللي ع التنوره , ونقشه القميص ولونه الرايق ..

فستان حرير مرتب بشكل , الطباعه اللي عليه طباعه سحالي لوول

التوب جميل واللي محليه التنوره , حبيتها من كل قلبي فيها قوة فخامه

الفستان شيفون وفوقه شرائح افقيه , هالقطعه تفاصيلها جميله بشكل .

توب جمييل ورايق والتنوره بنفس طريقه الفستان أعلاه .

البلوزه مزعجه حبتين , لاكن مع التنوره اللؤلؤيه المخرمه , اعطت القطع توازن

هنا اجمل أفضل تكون التنوره بالنقشه المزعجه , التوب جميل بنفس تفاصيل اللي فوق مخرم ..

هالنقشه جريئه , واعجبتني كفستان كامل

جميييله البلوزه و قصة الصدر هذي اعشقها , وخذو بالكم يابنات اللي صدرها كبير لاتفكر تاخذ لها قطعه كذا مسكره ..

هذي ايضاً جميله وواضحه فيها نقشه , الغريب في القطعه الزوائد اللي على الجنبين !!

هنا ايضاً بنفس نقشه ا, افضل اللي فوق اكثر ..

~

يتبع

ن25