جمعيه منتدي كويتيات الخيريه اللي تبي الاجر فل تتفضل

السلام عليكم ورحمه الله وبركاته
الحمد لله رب العالمين .. و الصلاة والسلام على اشرف الانبياء والمرسلين نبينا محمدًا عليه افضل الصلاة واتمّ التسليم .. أمّا بعد :-
ابدأ من منطلق كتاب الله سبحانه وتعالى وهو يقول :
قال تعالى : { يَا أَيُّهَا الَّذِينَ آَمَنُوا أَنْفِقُوا مِمَّا رَزَقْنَاكُمْ مِنْ قَبْلِ أَنْ يَأْتِيَ يَوْمٌ لا بَيْعٌ فِيهِ وَلا خُلَّةٌ وَلا شَفَاعَةٌ وَالْكَافِرُونَ هُمُ الظَّالِمُونَ } البقرة / 254 .
خواتي العزيزات انا دايما اقراء في هالمنتدي عن ناس محتاجه والله تدمع عيوني لو شفت محتاج والله لا يوريكم الحاجه
وياما شفت ناس يتصبب منهم العرق قبل لا يشكي حاجته ويمكن محد فكر فينا اشلون حالتهم النفسيه لما مايلاقي مساعده
من احد وفي بعضهم من اقرب الناس لهم واغلبكم يمكن جرب حالتنا ايام الغزو الله لا يعيدها من ايام لما يكون عنج طفل
ومولاقيه له حليب اومسن ومو قادره تشترين له دوا او ياهل يشتهي شغله واهله موقادرين يجيبونها له واكثر الناس المحتاجه عندها يهال وخاص والحمدلله
الكويت دوله الله منعم عليها يارب لك الحمد والمنه والحين العيد علي الابواب في اسر الله مرهي عليها يكون عندها
شغلات مستغنين عنها مثل ملابس يهال تكون نظيفه وغيره اتبرع فيها لاسر متعففه ولا احسسهم بالاحراج يعني اقطهم عند بابهم بالليل والي اخره
المهم الموضوع اني فكرت في مشروع خيري عن طريق المنتدي يعني نفتح قسم خاص للمعونات والتبرعات للمحتاجين
وهالقسم يكون خاص منعا للاحراج للي عندهم عوز وبعد للي تبي تتبرع بالسر وماتبي احد يعرف عنها شي لزياده الاجر
ويكون القائم علي هالمشروع مشرفات يتعاملون بتامه السريه للمتبرع والمحتاج ومنعا لاستغلال هذي الجمعيه لمصالح
خاصه تكون المشرفه تتكفل بتوصيل التبرعات او اللي ما تكون واثقه معوناتها توصل للمحتاجين المشرفه عليها تزود المتبرعه بالعنوان او رقم التفون وانا ادري خواتي الكويتيات سباقات للخير دايما وصدقوني الصدقه تطفئ غضب الرب
وهذا راح يكون رصيدكم بالدنيا والاخره طبعا اللي تبي الله يفرج عنها تتصدق واللي عندها مريض وتبي الله يشافيه تتصدق واللي تبي الله يفرج همومها تتصدق وكل حوائج الدنيا مقضيه بس تصدقوا وانتوا راح تشوفون بعيونكم اشلون الله يفتحها عليكم ولكم اسوه حسنه برسولنا الكريم
و من اقوال السنه ما جاء بها نبينا محمدًا صلى الله عليه وسلم وهو يقول :

عن أبي هريرة رضي الله عنه قال : قال رسول الله صلى الله عليه وسلم : " من تصدق بعدل تمرة من كسب طيب – ولا يقبل الله إلا الطيب – وإن الله يتقبلها بيمينه ، ثم يربيها لصاحبه كما يربي أحدكم فَلوَّه حتى تكون مثل الجبل " . رواه البخاري ( 1344 ) ومسلم ( 1014 )

عن أبي هريرة رضي الله عنه أن النبي صلى الله عليه وسلم قال : " ما من يوم يصبح العباد فيه إلا ملكان ينزلان فيقول أحدهما : اللهم أعط منفقا خلفاً ، ويقول الآخر : اللهم أعط ممسكاً تلفاً " . رواه البخاري ( 1374 ) ومسلم ( 1010 ) .
عن أبي هريرة رضي الله عنه أن رسول الله صلى الله عليه وسلم قال : قال الله أنفق يا ابن آدم أنفق عليك . رواه البخاري ( 5073 ) ومسلم ( 993 ) .

واتمني من الاداره اخذ الموضوع علي محمل الجد ويفتحون جمعيه كويتيات الخيريه وادري فيكم انكم سباقات للخير
واختم موضوعي بقوله تعالي

: { مَثَلُ الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِئَةُ حَبَّةٍ وَاللَّهُ يُضَاعِفُ لِمَنْ يَشَاءُ وَاللَّهُ وَاسِعٌ عَلِيمٌ . الَّذِينَ يُنْفِقُونَ أَمْوَالَهُمْ فِي سَبِيلِ اللَّهِ ثُمَّ لَا يُتْبِعُونَ مَا أَنْفَقُوا مَنًّا وَلا أَذًى لَهُمْ أَجْرُهُمْ عِنْدَ رَبِّهِمْ وَلا خَوْفٌ عَلَيْهِمْ وَلا هُمْ يَحْزَنُونَ } البقرة / 261 ، 262

وقال تعالى : { يَا أَيُّهَا الَّذِينَ آَمَنُوا أَنْفِقُوا مِنْ طَيِّبَاتِ مَا كَسَبْتُمْ وَمِمَّا أَخْرَجْنَا لَكُمْ مِنَ الأَرْضِ وَلا تَيَمَّمُوا الْخَبِيثَ مِنْهُ تُنْفِقُونَ وَلَسْتُمْ بِآَخِذِيهِ إِلا أَنْ تُغْمِضُوا فِيهِ وَاعْلَمُوا أَنَّ اللَّهَ غَنِيٌّ حَمِيدٌ } البقرة / 267 .