متزوجه !! تعالي نزيد ايمانياتنا ونحتسب الاجر في كل شي

السلام عليكم ورحمة الله وبركاته

شلونكم حبيبااااتي

هذا اول موضوع لي بهالقسم اتمنى مايكون مكرر واتمنى يعجبكم

طبعا اغلبنا _ الا من رحم الله _ قبل الزواج نجتهد بالطاعه والعباده ويكون عندنا وقت للعباده وللطاعات لان مااايكون عندنا اي مسئوليه غير انفسنا ,, وبعد الزواج للاسف ننشغل بالزوج والحموله واللبس والعزايم وعقبه بالعيال وتروح السنين واحنا بين فتره وفتره يجينا حنييين مو طبيعي للايمانيات والطاعات

طبعا انا اقول ننتشغل قصدي عن النوافل ويمكن حتى السنن اما الفرائض اكيييييد باذن الله محد فينا ينشغل عنها

خوااااااتي ,,,

نسينا شي مهم جدا ,,
وهو ان المرأه اذا اطاعت زوجها في غير معصية الله فقد اطاعت الله وليس هذا الامر بالهين , فان من اطاع الله كان من اوليائه من الذين يدافع الله عنهم ويدخلهم جنته..

ونسينا شي مهم جدا جدا جدا

وهو اذا نوينا بطاعتنا لزوجنا وخدمة عيالنا وجه الله سبحانه واحتسبنا الاجر أجرنا على هالشي

انتو متخيليين الوضع !!!

يعني احنا بنطيع ازواجنا وبنخدمهم وبنربي عيالنا لكن لازم نحتسب الاجر عشان نستفيد وماتكون خدمتنا لهم بس تعب بدون اجر

والله شي يونس

والا شرااايكم

بنات خلونا بهالموضوع نتعاون على الطاعات ونذكر بعض باحتساب النيه وطاعة الزوج وخدمة الابناء ونشوف كل وحده شنو باديه تعلم عيالها وتغرس فيهم وشنو تسويين لزوجج وتحتسبين فيه الاجر

او اذا عجبج في وحده تربيتها لعيالها وطاعتها لزوجها اكتبيلنا اللي عجبج فيها

انا اذا شفت تشجيع منكم واذا عجبكم موضوعي راح اكتب لكم اللي قاعده اسويه مع عيالي عشان الكل يستفيد باذن الله

احبكم في الله