بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بسم الله الرحمن الرحيم,,
حبيت اخذ ارائكم حول,,
شنو (اهم) مشاكل الانتخابات بدولة الكويت؟؟
-شراء الاصوات
-القبلية
-الطائفية
ارجوا التصويت,,
التصويت موجود بالاعلى,,
ولاباس من ذكر السبب في الرد,,والحل من وجهة نظركم,,
بسم الله الرحمن الرحيم,,
حبيت اخذ ارائكم حول,,
شنو (اهم) مشاكل الانتخابات بدولة الكويت؟؟
-شراء الاصوات
-القبلية
-الطائفية
ارجوا التصويت,,
التصويت موجود بالاعلى,,
ولاباس من ذكر السبب في الرد,,والحل من وجهة نظركم,,
يعني لازم ارشح ولد جماعتي زين والاشين لازم ارشحه عشان لايزعلون ويتشرهون والدنيا دنيا
المفروض اني اشوف ندوات المرشح واشوف السيرة الذاتية والخطط المستقبلية شنو دراسته واهم شي تكون سمعته زينة
والمشكلة الثانية الجديدة ان المرشح يعطي البنات فلوس عشان يوقفون معاه ويجيبون له بنات عندهم اصوات
معاي وحده في الدوام عنزية وكانت محتاجة فلوس وقالت لها اخت مرشح تعالي بيوم الترشيح تقعدين في اللجان الداخلية واخوي راح يعطيج المبلغ الفلاني سواء خسران والا فايز المهم راحت من الساعة 7 الصبح لغاية الساعة 2 بالليل تقول هذا اليوم مانسي بحياتي مااكلت ولاشي وعيالي عند الخدامه ماادري عنهم تقول رجعت الساعة 2 وصارت بيني وبين زوجي مشكله كبيرة وبعدها خسر المرشح وادق علي خواته الجهاز مغلق ومايردون لغاية مارحت البيت تقول لقيت بنات شكثر نفس حالتي قص عليهم واوهمهم ان بيعطي فلوس وخدمات والخ…
المرشح تعبان ويبي يسافر نفسيته تعبانه مانقدر نكلمه نطرو علينا شوي بعدها كسب القضية وفاز وندق عليهم ومايردون ولايستقبلون وضاع تعبها المسكينه ……..
انا بصراحه مارشحت ولا واحد لان زوجي عطاني لسته اعضاء يقول رشحيهم رفضت قالي اقعدي بالبيت لاترشحين وقعدت بالبيت مايسوون التعب
الصوت امانه
هذي الشغلة تسبب فساد في عملية التصويت حيث ان الي ما يستحق دخول المجلس يشتري ذمم الناس عشان يدخلونه المجلس, و اذا هذا يبيع و هذا يبيع و غيره و غيره, الي صج كفء ماراح تييلهم الفرصة انهم يدخلون المجلس, فالي راح يدخل المجلس غير كفء, يفكر بالكرسي من غير ما يفكر بمصلحة الكويت
الي اشووفه ان القبليه و شراء الأصوات هم العنصرين الأساسيييين الي يوصلوون الي يسوى و الي ما يسوى حق المجلس
يعني من ناحيه القبليه , فا الله يهاداهم لازم ينتخبووون من نفس القبيله سواء كان الشخص زيييين او شيييين , يعني ما حطواا كصلحه الكويت جدام عينهم لآ فكروا بالقبيله !!!
و من ناحيه شراء الصوات , هذي الظاهره وايد انتشره و صارة واضحه وضووووح الشمس و السبب يرجع ان البعض ما عنده مبدا بحياته و الذمه و الضمير انسوووو امورهم الناس قامة تحط مصلحتها الشخصيه بالمقدمه .
للأسف نسووووا ان مصلحه الكويت فوق اي اعتبارات
تقبلواا مروري
بس الأقوى
القبلية
هذا رايي وتقبلوه
وتبين الصراحه كلهم سبب مشاكل المجلس الله يعين
وحطي فوقها حب الذات والانانية