بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
بما ان احنا جزء لا يتجزء من الدوله
فحبيت اعرف شرايكم اليوم بتشكيل الجديد للوزراء
ومنو برايج كان لازم يطلع ومنو كان لازم يتم ؟؟
وليش بوجهة نظرج 
انا براى الشخصي ما غيروا شي غير 2 من الوزراء جدد والباجي اهم 
وبصراحه ما احس في تغير كلش
يعني الشمالي . باقر . الصبيح
كلهم ماشفنا منهم شي زيييييييييييييييييييييييييييييييييييييييييييين .gif "Eh S(1)")
بنات والله نبي تغيرررر نبي شباب صغار نبي تطوير مو بس محنطين قاعدين على كراسي 
ناطره ردودكم
بما ان احنا جزء لا يتجزء من الدوله
فحبيت اعرف شرايكم اليوم بتشكيل الجديد للوزراء
ومنو برايج كان لازم يطلع ومنو كان لازم يتم ؟؟
وليش بوجهة نظرج
انا براى الشخصي ما غيروا شي غير 2 من الوزراء جدد والباجي اهم وبصراحه ما احس في تغير كلش
يعني الشمالي . باقر . الصبيح
كلهم ماشفنا منهم شي زيييييييييييييييييييييييييييييييييييييييييييين
بنات والله نبي تغيرررر نبي شباب صغار نبي تطوير مو بس محنطين قاعدين على كراسي
ناطره ردودكم
صج حكومة تسد النفس
ان شاء الله خير دووم متفاائلين عسى ايي اليوم اللي نشووف الشي اللي يرضينه لانه هذا اصعب شي
التشكيله مافيها اي تغيير نفس الشي
يس انضاف لها ( بن سلامه – الروضان )
فان شاء الله يستفيدون من اخطائهم و يرتبوون اورقاهم و يكونون قد المسئووليه
انا لماا شفت التاخير في الاعلان حطيت في بالي انه التغيير 100% ما توقعت بتكون جذي
و ماشاء الله الفتره ذييج ما بقى اسم ما انحط بصير وزير صج وكالة يقولون
و الله يسهل امورهم و يكونون خير وزراا
يعني ردوهم وغيروا اثنين ليش …؟ علشان يسببون مشاكل الي تأدي هالمرة الى حل المجلس ….( فهمنا حتى حركاتهم )
اول شي لا الحكومه ولا مجلس الامه راضين يتعاولون ويا بعض
ثاني شي وكلنا نعرف المجلس مايعطي مجال حق الوزير يشتغل خل يعطونهم سنتين وعقب السنتين اذا الوزير ماسوى شي تعالي حاسبه
ثالث شي لازم الحكومه تحط حصانه او حمايه حق الوزير ان بعد المده الفلانيه تعال حاسبني
رابع شي ولازم في احترام حق رئيس محلس الوزره لي مته كله متمادين عليه او الامير المفروض يحط واحد اقوى منه مثلا
هاذه الي صاير مع الاسف مافي تعاون بينهم كل شهرين استجواب شسالفه وين قاعدين
اسمالله علي
غيرووووووووووووو الصبيح فجرت راسي من الدرااسه
كل وزير له وزارتين ليش خلصوا الرياييل في الديرة
الله ينفع بهم
مشكورة أختي
عاد كنت مالفه اغنيه للوزير اليديد بس ماغيروا وزيرنا خخ..
يالله خيره يارب..
ومشكوره ع الموضوع..
شيخنااا ابونا صباح اقر هالوزارة وناوي يحلها >>بوجهة نضري
لان مامن جديد
والنواب مثل ماقالو >>هالتشكيل استفزازي وهناك حاجه في نفس يعقوب
يمكن يبي يغير نضام الحكم لان حل المجلس 2 وباقي 3 ممكن يتغير نضام الحكم
مانبي نسبق الاحداث وان شالله ربي يطرح فيهم البركه