بنااااات الكووويت بليززززززززز نخيتكم ادخلوووا

هلا والله أختـي تشرفنا والله بزيارة اختج لنا ..

مثل ما قالت اختي مجمع الافنيوز في وآآيد محلات ماركه ومكان للترفيه وووايد راح تستانس ..

وإن شاء الله البنات يفيدونج

الافينيوز اكيييييد و تدخلون ماجيك بلانت حق البنوته

للتايورات الي شغل الكويت ممكن تدخلين المهلب و تلاقين نسخه منهم على ارخص بسوق سيتي سنتر السالميه بربع السعر

للجلابيات عندج العربيد بالفروانيه و للجلابيات الفخمه و ممكن تلاقين لها فروع بالسعوديه عندج مجمع الأوقاف

و الف حياكم الله حبيبتي

وه بس فديتكم ….

تسلمووون يالغالياااات انا راح اقول لهااا اللي كتبتووه كله

قوولووا امييين …

عسى ربي يحقق كل اللي في بالكم

دمتم بوود

بالنسبه للمجمعات لاتضيع وقتها ختروح الافنيوز كبيييييييييير وشامل تقريبا كل المحلات العالميه وفي محل اسمه بروي هذا مميز اعتقد بس

بالكويت تقدر تحط بنتها بالالعاب مثل الحضانه تدفع رسوم وادخل بنتها وتروح اهي وزوجها تتسوق وتقهد بكافيه وتقدر تراقب بنتها بالكرت اللي

يعطونها اياه وفي اجهزه موزعه بالمحل ادخل الكرت بالجهاز وتشوف بنتها بالشاشه وتطمن عليها

وفي بعد بالافنيوز اللعاب اسمها ماجيك بلانيت هذي شامله اللعاب صغار وكبار يعني حتى اهي وزوجها يقدرون يلعبون لووول

وفي مجمعين مكانهم مميز والقعده فيهم ترد الروح بس بعيد شوي عن الديره يعني طريج نص ساعه بس اهم مجمع الكوت ومقابله المنشر

الكوت القعده جدام النافوره الراقصه على انغام الموسقى بالكافيهات والمنشر في فندق ومطاعم وفي اللعاب اسمها طفل المستقبل

المكان اللي لازم تزوره المركز العلمي وايد حلو في داخله اكواريوم تدخلين تشوفين حياة الاسماء كأنج بالبحر بنتها راح تستانس

وتشوف الحيوانات البريه والنادريه وفي سينما الآي ماكس بس ماتنفع لعمر بنتها لآنها رباعيه الابعاد تلبس النظاره وتشوف الفلم وكأنها

عايشه مع ابطال الفلم

المجمعات اللي فيها بدل وتايورات ماسعارها مناسبه مووايد غاليه عندج مجمع المهلب متخصص بالقمصان الطويله والتايورات وبدل الاعراس

واذا تبي مكان رخيص وفي بدل حلوه وبجايم وكافيهات وسوبر ماركت ختروح لمدينه المعلم اللي بالسالميه مجمع كبييييييييييييييير وتقريبا كل

بضاعته على 5 دنانير وحلوه

المطاعم الراقيه

مطعم ألتسيمو بمجمع النصار بشارع فهد السالم بالصالحيه بجانب فندق الشيراتون هذا المطعم جدا راقي ويديد واطلالته حلوه بالدور 32

ابراج الكويت لازم اتزورها راح تستانس وفيها بوفيه واكلهم وايد حلو ومميز

مطعم فش ماركت متخصص بالاسماك واكله حلو

مطعم المرسى بفندق ماريوت عالبحر القعده على الطراز الكويتي القديم حتى القرسونات الحريم يلبسون دراع وثوب والرياييل يلبسون الوزار

اكله حلو وبعد متخصص بالاسماك

على طول شارع الخليج العربي ( البحر ) بتشوف المطاعم بكل مكان فرايديز وفدريكرز لونوتر انصحها اجربه اكله لذيذ وغيرهم وايد

الدراريع والعبي للتفصال مجمع العربيد بالفروانيه متخصص بالدراريع التطريز واسعاره وايد رخيصه اذا ناويه تفصل خل تروح له اول يوم

عشان يمديها ياخذ عالاقل 3 ايام على مايخلص تفصال الدراعه

بالافنيوز في مطاعم وايد وارشح لها منهم

مطعم سراي سوري حلبي القعده في حلوه والاكل احلى

مطعم زعتر وزيت للريوق او العشاء اكله خفيف وحلو

شوكلت بار غني عن التعريف متخصص اكثر شي بالحلويات يمي يمي مواي حلويات تغوص هناك بالشوكلت ههههه

مطعم غاردن متخصص بالاكلات الايرانيه

لونوتر اينن اينن احبه لوووووول

مطعم رايس يديد والناس زحمه عليه لازم حجز اكله حلو عالطريقه الكويتيه تقديم الاكل بالجدر

نينو

تقدر تأجر يخت وتاخذ رحله بالبحر الوقت اللي تبيه ساعه او اكثر تأجره من نادي اليخوت عالبحر اوصوب مارينا مول تقدر تحجز تذكره

وتروح لجزيرة فيلكا

عندج مجمع المارينا مول يشبه الافنيوز بس اصغر خل تروح لمارينا كرسنت الجسر الممتد من المجمع الي الواجهه المقابله للمجمع

في هناك مطاعم وكافيهات مقابله للبحر القعده تهبل وفي مطعم اشاز الهندي اكله رووووووووعه وله فرع بالافنيوز وفي مطعم ايامي اكله حلو

امممممممممم اذا ذكرت شي بعد بقول لج بس انصحها تروح لهالاماكن راح تستانس لاتضيع وقتها عالاماكن المكرره

احنا اللحين عندنا الامتحانات شغاله الى نهايه شهر 6 وبعدها تبتدي امتحانات الثانويه العامه للخريجين يعني الزحمه راح تبدي من شهر 7

لو جايه بالشتا اكيد الكويت بتكون احلى جونا خبرج مثل جوكم حرررررررررر خاصه بالنهار

اذا اختج احتاجة اي شي امانه راسليني ومستعده اساعدها باللي تبي وحياها الله بديرتها والفال بج ان شاء تزورينا بتنور الكويت فيكم