المطعم الياباني ماكي maki

صباااااااااااااح الخييييييييييير

زماااان زمااااان عن هالقسم والله ^_^
بس خبركم بعد رجيم ، وشادين الحيل ، لزوم الجسم السمبتيك ، فالمطاعم صايره بالحسره P:

بس قلت تأبى المروءه ما أجدد العهد معاكم وأكمل سلسلة مطاعمي العالمية 😎
فطلعت لكم من الأرشيف ، غدانا بـــ

المطعم الياباني

ماكي MAKI

هالمطعم اختي تحن عليه من صوب ، ورفيجتي من صوب ، وأنا أقول مستحيييييييييييييييل ، بس آخرتها أنا الي عزمتهم > صج قهر عازمتهم على شي ماحبه :/

مكان المطعم بمارينا ويفز ، على البحر صوب مارينا مول
وهذا رقم تلفونهم للحجز 25733561
وبعد ممكن تحجزون عن طريق موقعهم http://www.olivermaki.com

هذا شكل المطعم من بره ، صراحه مكانه حلووووووووووو لأنه تقريباً بوسط البحر

وهذا المنيو ، أهم شي فيه صور ، خبركم أموت على المنيو الملون بوصور D: بس دام انه ياباني الله يزيد النعمه فمايهمني :/

وهذي عدة الأكل D: ، بس كان فيه صخره على الطاوله ، للحين مادري شنو الحكمه منها ، الي تعرف تقولي P:

احم ، الحين بنيي للجد ، شوفوا عاد ، ترى أنا رايحه هالمطعم بالغصصصصب ، حتى أكلي رفيجتي طلبته لي خخخخ ، فمادري شنو أسامي الأكلات ، بس أذكر انها بأسامي أوادم ، حتى سألت عن عايلتنا للاسف ماكانت موجوده P:
بس سويت سيرج ، ولقيت عندنا بالمنتدى بنات بحرينيات رايحين هالمطعم ، عاد قارنت بين الأطباق ولقيت بعضها متشابه ، فإذا أكو غلط ، صلحولي D:

هذي سلطة سلمون

هذا مادري شسمه بس هو ربيان ، واختي خبتنااااااا فيييييه تشتهيه كل وقت :/ ، اي صج لاتحاتون اذا ماتعرفون تاكلون بهالعصايتين ، ترى أكو قفاش والي تكتب لكم الحين طلبتهم P:

وهذا الطبق المشهور عيسى ماكي ، أموت وأعرف اشدخل عيسى باليابان o_O

وهذا الي طلبوه لي ، والله مادري شسمه ، بس هو جنه ستيك مقطع ، كان طعمه جيد ، بس أنا مشكلتي أتخيل انهم طابخينه من السوشي وهالسوالف ، فلاعت جبدي :s بس هم اكلته خخخخخخخخخخ

وهذا العيش بعد طلبوه لي ، بس ماعجبني كلششششششش ، لكن اهم ذاقوه قالوا زين

أخيراً ، هذي كانت إطلالة مكانا ، ومثل ماتشوفون أكو قعده بره ، وبتكون أحلى من داخل لأنها ع البحر ^_^

أحلى شي ان بعد ماخلصت تصوير ، مادري شنو بغيت أصور من الأكل ، جان يشرّف الجرسون ويقولي ممنوع التصوير ، قلت له الأكل ممنوع ؟؟؟؟؟؟؟؟؟؟؟؟!!!!!!!!!!! قالي اي
مآآآآآآآآآآآآآآآلت على ابليس شكو ممنوع !!
خخخخ بس اشعقبه ، عقب ماجكجكت وخلصت P:

رايي بالمطعم ،، بصراحه ماقدر أقيمه ، لأني مو من ربع الأكل الياباني والصيني أبدااااااااااااااً
لكن الي أسمعه عنه ان الكل يمدحه ، وبالنسبه للأسعار ، فهالأكل الي طلبناه فوق مع المشروبات طلع 27 دينار وكسور
أما المكان فمثل ماقلت بالبدايه حلو بوسط البحر ، لكن المطعم حسيته ضيّج ، وطاوله لازقه بالثانيه :/
حتى حسيت سوالفنا سمعوها المطعم كله لوووول ، ورجاءً لحد يعزمني فيه مره ثانيه ، خلاص هي مره وحده منها جبرت بخاطر اختي ورفيجتي ، ومنها نزلت لكم مطبخ عالمي يديد p:

وبعـــــــد لازم خو ، أحط دعاية حق مواضيعي لسلسلة المطاعم العالمية في الكويت p:
> المطعم الإيطالي Don Mario’s
> المطعم اللبناني صنوبر
> مطعم black & white
> مطعم رايس RICE
> المطعم الهندي مغل محل
> المطعم الفرنسي لونوتر Lenotre
> المطعم الإيراني ناز Naz Naz Naz

.
.