مطعم المهلب بفندق قصر النخيل .تعالوا شوفوا عشانا انا وابو العيال

السلام عليكم

انا وايد استفدت من تجاربكم بالمطاعم الله يعطيكم العافية علشان جذي حبيت انقلكم تجربتي بمطعم المهلب البحري

بصراحة زوجي دايما يسمع عنه عند رفيجة فقال حق رفيجة ضبطني فقام رفيجة ودق عليهم وطلبلنا سبيطي مشوي

يالله نبدي الرحلة

اولا هذا مدخل المطعم ستايل قديم وطوت البشتختة والتلفزيون شغال على درب الزلق

وعقب ما قعدنا خذا منا الجرسون طلبات المشاريب واما المقبلات تجي كاملة من عندهم مع طلب السمجة لانه السمج تطلبينه جدامج وهم يشوونها لج

والحين اعذروني ما تذكرت اصور السمجة الا عقب ما كلينا لانها يميمي

اي نسيت اقولكم انه مع السمج يحطونلكم مرق شبزي وعيش الوان بالزعفران والشبت وابيض

ولمن خلصنا عشا خيرونا بمكان شرب الجاي المخدر على الدوه فطلبناه بره على البحر والجو كان خيااااااااال ومع الجاي يحطون محلبية وصحن فيه حلويات قديمة وفواكهه

والاحلى من هذا كلة انه حسابنا ما تجاوز ال 22 دينار ياااا بلاش ….. ان شاء الله تكون تجربتي اعجبتكم وابي دعائكم لي بانة ربي يسخرلي زوجي ويحفظلي ولدي