مشترياتي بالصور والتفاصيل من مطحنة لوزان بالعربيد بلازا من ام الفناتق عيوونه المزيونه

السلام …

كيفكوووووووون صبايا ؟

عساكم بخير شلون تزهيبات العيد ؟ و الحج ؟

انا رحت أفر أزهب شغل العيد بالعربيد بلازا

و يحن علي ولدي يبي ككاو و عصير

دشيت المطحنه اللي هناك اسمها ( لوزان )

و لقيت شغلاااااااات وااااااااااااااااو أول مره أشوفها خميت خم منهم

للبر لا رحت مع حمولتي كل واحد يتفنتق بالشغلات الغريبه

وعلى طوووووووول طرى فبالي منتداي الغالي

قلت أصورلكم جم صوره من شغلي

عاد أنا أحب هالسوالف

أستحيت أصور جدام الفلبينيه تنقد علي

شوفو شغلي مره وحده

عاد يوم رجعت البيت صورتها لكم ..

وخذيت بعد لاهلي حييييييييييييييييييييييل عجبهم

بوريكم شغلي وعطوني رايكم ..

أول شيء هذا باكيت فيه قلاصات الجاي الكرتون اللي يعزلون الحراره وبنفس الوقت فيهم الجاي بالقاع

يعني بس صبي فوقه ماي حار ومكعب شكر ..

المميز فيه .. إنه عندهم الشاي الأبيض ( الوايت تي ) وهو براعم الشاي مو أوراق الجاي
يجففونها وما تطلع لا طعم ولا لون بس يقولج فايدتها عجيبه

وعلى فكره شريت ربع كيلو من محل الشاي اللي بالأفنيوز بمبلغ وقدره يوم مدحوه ربع زوجي بالدوانيه له يقولونله على طول قلاص عالريج يعدل النفسيه و يريح الاعصاب

المهم حق البر وحوسة البر يوفر وقت و شغله غريبه … ورخيص مو غالي ابد

أسعار المطحنه كلها حلوه

وخذيت لدوام بعد فيه عندهم 3 أنواع
( شاي أخضر و شاي أسود و شاي أبيض ) أنا خذيت منهم كلهم هخهههههههخخخخخخخ

وعنده شغله لذيييييييييييييييييذه .. فواكه مجففه

بس مو نفس اللي معودين عليها اللي تكسر الضروس تكسير لأ وناااااااااااااااشفه و تلزق بالضروس لأ .. لأ لأ لأ

بالضبط .. نفس البفك

بس فواكه شغله صحيه و ألحين مسويه دايت … فشوفو طريقتي

أعتبرها مو سناك لأ أخذها علبنه وجبه رئيسيه

مع قلاصين ماي أو بيبسي دايت لذيذ ومغذي و سعرات منخفضه وجد يشببببببببببببع و يترس المعده أتغداه ولين العشا ما اشتهي اخربط

جربت كل النكهات اللي عنده

ألذ شيء الخوووووووووووووخ يما يما يما يا لذه عجيييييييييييييييييييييب

وخذيت صينية شوكلت مشكل حشواتها حلوه بس إثنين جد جد اول مره أذوق بلذتهم .واحد محا كريمه و بندق والثاني جنها طعم فيروروشيه اما الباقين حلوين. بس عنده و عند المحلات الباقيه نفس الشيء يعني

هذي اللي تحت أم كراميل روووعه كراميلها لذيذ مو الكراميل اللي يجيج جنه فيه حراق وطعمه مو شي ذوقوه وعلى ضمانتي ان ما عجبكم قولو عيووونه ما قالت

هذي اللي تشبه فيروروشيه

اللي محشا كورن فليكس و اللي شوكلت صافي بمكسرات .. هالسوالف العاديه <<<<<<< مو أقولكم خبره بالمطحنات ههههههههههههههه

برجع مره ثانيه باخذ هالنوعين بروحهم اللي مدحتكلم إياهم

وبس سلامتكم وتعيشون

وإنشالله لا طحت على فنتق جديد اكييييييد اول من يدري فيه كويتيات

ولمزيد من التقارير مع

مراسلتكم

عيييييييييييييييييونه