تقرير مصور عن محل بوظة و حلويات الكواكب

مساء الخير اخواتي العزيزات

بما انه محل الكواكب معلم من معالم الكويت كونه أقدم محل يبيع حلويات كويتية تقليدية بالكويت من سنة 1966 قلت يستاهل من يتعناله و يصوره و ينزله في موضوع عشان الأجيال الجديدة و زوار الكويت يعرفوت عنه

الكواكب مشهور بالبوظة و الفالودة و يبيع الحلوى الكويتية و البحرينية و المسقطية بكل الاحجام حتى بالحجم الصغير اللي يكفي نفر الواحد بس … و هم عنده درابيل و بقصم و رهش و غريبة و لسان الثور و اشكال و ارناق من الحلويات اللي ما اعرف اساميها كلها… الصور ابلغ في الشرح

شكل المحل من برة… موجود في الديرة في شارع سالم الكبير قبال سوق البلوكات على طول

أول شيء انواع الرهش

يالمناسبة وايد كان في المحل خليجيين يايين ياخذون حلويات حق بلادهم…

بوظة تايم… انا رايحة حق البوظة

الفالودة…

جلاب جامون

البقصم انواع و اشكال

الجيلي اللي انحبه يوم احنا صغار

بارميت و نبات… احب البارميت

زلابية و غريبة و سمبوسة و بلح الشام

حبات رهش مغطاة بكاكاو مشهورين فيه

الدرابيل و لسانات الثور

طاسات تقليدية حق الحلو

حلوى اشكال و انواع

احسن حجم للحلوى خاصة اذا عندج موجب و تبين توزعين حلو

عنوان بوظة و حلويات الكواكب: الديرة شارع سالم الكبير مقابل سوق البلوكات تلفون 22422225

و إنشاء الله يكون الموضوع عجبكم و أفادكم