شنوا اللي يبط جبدج بالسفرة&&&&&&&&&

هلا حبوبه ..

انا المانيا كرهتها والسبب شعبها .. واااااااااااااااااي غثيث .. ما اواطن شعبهم ..

شنو الاشياء اللي تبط جبدي بالسفر؟؟ امممممممممممممم … اذا كنت طالعه اتسيح واكون ناسيه الكاميرا بالفندق لووول شكو يايه عيل؟؟

والا وانا بحد الاندماج بالتصوير تطفي الكاميرا مافيها شحن!!

اكره شي بالسفر اذا طحتي بايدين اوادم مايواطنون العرب ..

مره موقف صار لامي جدامي في امريكا .. دخلنا صيدليه .. وامي كانت تسأل اللي يبيع عن كريم للوجه .. وطبعا الوالده الله يحفظها يعني تقط جم كلمه عربي واهي تتكلم جنها مو اهيا لوول .. بس كان عادي من قبل وماواجهت مشاكل وخاصه مع اللي يبيعون بالمحلات كانوا حيل فريندلي ومتفهمين لغتها الضعيفه بالعكس حتى يفهمون عليها الا هذا النحيس !!!

قالها اي عندي كريم نفس اللي تبينه وعطاها كريم حق الريول "عزكم الله" علباله امي ماراح تقرا عليه وانها ماراح تفهم شنو معطيها!! عاد سبحان الله امي قبل لا تحاسب قعدت تقرا من ورا الكريم تبي تعرف شيسوي بالويه .. والمفاجأه!!! طلع كريم ريول!!!

خزته امي خزه واحذفت الكريم بويهه وعطته جم كلمه بالعظم واهوا ولااااااااااااااااا كلمه!! ويهه صار احمر!! وخليناه ومشينا !! يعني صج هالاشكال تبط الجبد شوي بالسفر ..

اذا ذكرت شي ثاني قلته لووول