السياحه في مكه المكرمه

الفنادق الزينه والرخيصة: فندق المقام 4نجوم خلف مستشفى أجياد وبجانبه فندق زمزم نفس الشي. فندق أجياد أيضا 4نجوم بس ممتاز ومكانه قبل فندق الشهداء سعر الغرفه هاليومين بحدود 250ريال مو بعيد حيل عن الحرم يمكن 200متر وفيه باصات على طول تروح للحرم أما الفنادق القريبه من الحرم أكيد تعرفينها سألت عن أسعارهم هاليومين قالوا ابتداءاً من أول شهر سبعه راح يكون سعرهم أغلى بس نصيحة احجزي الفندق من هني لأن الحجز من الفندق نفسه يكون أغلى لأني دقيت على دار التوحيد طلع أغلى من حجز الكويت وطبعا فندق إيلاف كنده جدا راقي وكذلك الهيلتون والأبراج.الميريديان حلو بس مو قريب حيل من الحرم.في بعد فندق الرواسي بس مكانه مو من صوب باب الملك فهد والملك عبدالعزيز اللي الكويتيين متعودين يسكنون بصوبها لأ هذا مكانه من صوب المسعى يعني من صوب السوفتيل أبعد شوي منه بس حلو ونظيف وراقي. بالنسبه للأسواق حق الصوايغ روحي للسوق المسقف يونس تطلعين له من باب الفتح. أما الشي الكشخة روحي أسواق الحجاز أو سوق الضيافه او سوق مكة الدولي. وتقبل الله منا ومنكم مقدما وتروحون وتردون بالسلامة.

برج زمزم الجديد يمدحونه شوفيه

البنات ماقصروا باللي طلبتيه
لكن بس حبيت أذكرج دام قعدتكم مطوله…..

بمكه الاثم يضاعف …مثل ما الحسنات تتضاعف…
راقبي نفسج و عديها فرصه نادره للسياحه الروحيه

يكفي النظر للكعبه تاخذين عليه جر…
فشلون حفظ القرآن هناك؟
شلون الخلوة و التفكر و انتي قاعده جبال الكعبه او في حجر اسماعيل…..
حاولي تستفيدين من قعدتج هناك كثر ما تقدرين….

اشتري الصوايغ اللي تحبينها و حطي فوقها صوايغ مكاويه

دعوات بالثلث الأخير من الليل…كل ليلة حق وحده أو واحد من حبايبج.
و تذكري ان الصلاة بالحرم بجم؟
مئة الف صلاة و الا انا غلطانه؟يمكن اكثر!!!

و ذكريني بدعوة من دعواتج الصالحه هنك…..

عسى الله يوفقج بروحتج و ردتج و يجعلج ها الروحه باب للجنه يا رب

أدري يا بنت الناس…منتي بحاجة وصاة.
لكن الله قال ذكر (ان الذكرى تنفع المؤمنين)