بنات الله يعافيكم انا رحت الخبر الاسبوع اللي طاف وما استفدت قطعت السفرة ورديت لان كنت ماخذة عيالي معاي وتعبو علي .gif "Eh S(16)")
وزوجي وعدني هالويك اند نروح انا معاه بروحنا ( كنت حاطه في بالي بتسوق )
يا بنات ابي اتسوق عدل وراي وايد مناسبات بهالصيف فوق 6 مناسبات واغلبها عروس واستقبالات وابي بدل اتبيض الويه
بصراحة سمعت من البنات اهني وايد عن ملابس الحفلات وانها احلى وارخص من الكويت
وانا ابي ملابس راقية وحلوة واسعارها مناسبة يعني 2024 ريال واقل .. وين محل حلو بالراشد وفينيسيا مول ؟؟؟
ومنو منكم يا بنات جربت وشرت من هناك وكانت بدلتها مميزة؟
انزين وشنو الشغلات المميزة مثلا بسوق الراشد اقدر اشتريها لي ولعيالي ومو موجودة بالكويت ؟ او بالكويت تكون اغلى ؟
يعني مثلا ماركات معينة ؟ عطورات معينة ؟ محل ملابس موموجود عندنا ويكون حلو وعالمي ؟
وبتعبكم زيادة 
بس مايخالف انتو صديقاتي وخلونا نعين ونعاون بعض
انا رايحة رايحة خلوني بالمرة استانس شنو المطاعم المميزة بالراشد وعالكورنيش ولاتقولون مكان ثاني لان زوجي مايدل بالخبر ( دلييل بالبحرين )
ابي قعدات راقيه والاكل لذيذ وخصوصا بالراشد لان انا رايحة حق السوق بالدرجة الاولى وزوجي ملول بيقعد بكافيه وانا اتمشى تدرون الرياييل مو وايد مع السوق
وشفت مجمع الظهران قريب من الراشد فيه شي يسوى ادشه ولا ماله داعي ؟
ساعودني بليز قريت تقارير وايد بس ابي مساعدة منكم على استفساراتي وابي تجاربكم يا حلوين
ناطرتكم
بنات الكويتيات وهم السعوديات خواتي ادري انكم خبرة ماشاءالله عطوني من خبرتكم واكون شاكرة لكم
بنات الله يعافيكم انا رحت الخبر الاسبوع اللي طاف وما استفدت قطعت السفرة ورديت لان كنت ماخذة عيالي معاي وتعبو علي
يا بنات ابي اتسوق عدل وراي وايد مناسبات بهالصيف فوق 6 مناسبات واغلبها عروس واستقبالات وابي بدل اتبيض الويه
بصراحة سمعت من البنات اهني وايد عن ملابس الحفلات وانها احلى وارخص من الكويت
وانا ابي ملابس راقية وحلوة واسعارها مناسبة يعني 2024 ريال واقل .. وين محل حلو بالراشد وفينيسيا مول ؟؟؟
ومنو منكم يا بنات جربت وشرت من هناك وكانت بدلتها مميزة؟
انزين وشنو الشغلات المميزة مثلا بسوق الراشد اقدر اشتريها لي ولعيالي ومو موجودة بالكويت ؟ او بالكويت تكون اغلى ؟
يعني مثلا ماركات معينة ؟ عطورات معينة ؟ محل ملابس موموجود عندنا ويكون حلو وعالمي ؟
وبتعبكم زيادة بس مايخالف انتو صديقاتي وخلونا نعين ونعاون بعض
انا رايحة رايحة خلوني بالمرة استانس شنو المطاعم المميزة بالراشد وعالكورنيش ولاتقولون مكان ثاني لان زوجي مايدل بالخبر ( دلييل بالبحرين )
ابي قعدات راقيه والاكل لذيذ وخصوصا بالراشد لان انا رايحة حق السوق بالدرجة الاولى وزوجي ملول بيقعد بكافيه وانا اتمشى تدرون الرياييل مو وايد مع السوق
وشفت مجمع الظهران قريب من الراشد فيه شي يسوى ادشه ولا ماله داعي ؟
ساعودني بليز قريت تقارير وايد بس ابي مساعدة منكم على استفساراتي وابي تجاربكم يا حلوين
ناطرتكم
بنات الكويتيات وهم السعوديات خواتي ادري انكم خبرة ماشاءالله عطوني من خبرتكم واكون شاكرة لكم
المهم
حق بدلات الأعراس
مجمع اسمه فينيسا 90% بدلات عروس و خام بعد زوووووغة يجنن واسعارهم معقووووووووووولـــــــــة
وعندهم محلات اكسسورات تهبل يعني تخلصين شغلج من هناك كله
مجمع الراشد كل شي فيه حلو
وبالنسبة للمطاعم
طول سفرتنا بالويك اند مطيحين بــــ (تشليز) قعدته عائلية وونيسة وتاخذين راحتج هناك
ان شاء الله اكون افدتج
اوكي والمطاعم روحي كورنيش الخبر ونقي على راحتك اللي يعجبك واذا تحبين بحري عندك مطعم البانوش يمدحووووووووون اكله وخاصه ام الربيان والمطعم الهندي اسمه كوبر شندني
والراشد بصراحه ما عجبني حيل وبدل الجهال من الظهران تهبل ويمحون الخبر بلازا لملابس السهره
عندج الاكشاك اللي بالظهران مول فيها اكسسوارات وساعات روعه
وسفره سعيده
فساتين وبدل الاعراس فيه في فينيسياوجمعه سنتر بس بصراحه السنه هذي مافيه شي يفتح النفس
المطاعم عندك مطعم هندي كوبر شندني في شارع البيبسي اكله يجنن اوصفلك مكانه انتي تكونين على شارع الكورنيش بالسياره تخلين مجمع فؤاد سنتر على يمينك وتلفين اول لفه يسار بكون هذا شارع الببسي بتلاقين المطعم على يمينك ..وصفي يفشل بس السموحه
وطبعا المطاعم اللي لى الكورنيش كلها حلوه تشيلز وفرايديز والتنور الصيني
صح بقولك البدل انا سمعت زميلتي تمدح محل مقابل جمعه سنتر اسمه لمسات طيبه بس بصراحه مارحت له انا عندي مناسبه وخيطت هالمره
وتقدرين تروحين الظهران مول بس تروحين التوسعه من بوابه 6 تلاقين كافيهات حلوه وعند بوابه 10 فاتحين مطاعم حلوه تشيلز وتوني روماس ومطعم هندي
حياك الله في ديرتنا وان شاء الله تنبسطين
اعذريني على الوصف الدمار هههههه
ماعندي اضافات على كلام البنات في الفساتين والمطاعم ..
وحيااااااااك الله ..