سوق الكرامه

ايه حبيبتى
أنا أعرف سوق الكرامة بس للأسف خبرى فيه قبل سنتين لكن ماعرف كل المحلات اللى موجودة بس اللى أعرفه
أن ستايل السوق نفس المخازن بسيط وبضايعه حلوة وفيه جناط تقليد ماركة بس اللى شفته جودة الجناط والبضايع التقليد مو تقليد ماستر يعنى التقليد العادى اللى يبين ان تقليد

أتمنى أكون جاوبتج على سؤالج

انا من فتره رديت من دبي و و كثر ما مدحولي هالسوق لزمت اني اروح اشوووفه رحتله ولا ش شوووف الله لا يوريج
جنه سوق الحوش مال الجواتي تكرمين اللي جبال المرينا على بسطات سوق اليمه و كله اشياء جييب ما عجبني شي كلش والسوق مكشوف و الرطوبه خنقتنا اصلاا مرضنا لأنا قاعد ندش المحلات تكييف بارده و نطلع بالرطوبه اللي تخنق ,,,
و تحسفت ليش طقيت طريج على شي ما يسوى و مو حلو ,,, و البضاعه ما تسوى و تبين انها تقليد حتا درجه ثانيه مافي كله درجه ثالثه و تحت يعني تشترين الشي تنفضحين يبين انه تقليد ,,,,

انصحج اختي خلج على المجمعات يازينها و يازين جوها روحي ابن بطوطه ولا الامارات مول و سيتي سنتر وغيرهم وايد و الله شرحين و يبون العافيه احسن لج انا تنكدت يوم رحت هناك .

لوووووووووووووووووووووووعه ما انصحج فيه الهنود الي عندها يجيبون جناط احلى منه والصيني لوعه بعد

وووويييع
يلوع الجبد

لاا تتعنين عالفاضي
مايسوااا كلش

سوق الكرامة طلع ما عنده كرامه

خخخخخخخخ اتغشمر

روحي سوق نايف وعكاظ

سوق نايف انصحج في محلات جواتي الله يكرمكم يبي يطيح من عينج بي لا يغرج ترا يهبل وطبية من سنة ونص امي وخالتي وانا نستخدم نعالهم يكرمكم