تخطى إلى المحتوى
الرئيسية » ابي مساعدتكم عن فينيسيا والدول الاوربيه

ابي مساعدتكم عن فينيسيا والدول الاوربيه

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

السلام عليكم
ابي رايكم عن فينيسيا (البندقيه ) حلوه وتستاهل الواحد يروحلها وفيها اشياء غريبه واسواق
وابي ما عليكم امر دول اوربيه اروحلها الحين حطيت امستردام وروما وجنيف زينين ولا اغيرهم واذا عندكم نصايح قولولي ابي بكونو الدول طبيعه وسوق وماعندي وقت بس اليوم *

الوسوم:

11 أفكار بشأن “ابي مساعدتكم عن فينيسيا والدول الاوربيه”

  2. mira
    الرد
    بخصوص فينيسيا
    انا رحت لها شهر ٧ رحنا رحله لها بالقروب قعدنا فيها ٥ساعات
    جوها كان حار
    وكانت حييييييل زحمة جنة حج
    كان يقول لنا المرشد ان اللي يبيعون بالشارع فيها جناط تقليد لاتشترون منهم لانهم نصابين واذا شافتج الشرطة تخالفج انتي يالسائحة اللي قاعد تشترين
    بس مع كل هذا انا استمتع بالرحله اللي بالقارب
    كانت حلوة حيييل
    شوارعها حييل ضيقه
    بس عموما استانس
    وجربت البيتزا الايطاليه اللي عندهم بمطعم كان في مصري يشتغل
    والسباغيتي الروعه
    اغلب اللي فيها ينباع تي شيرتات عن فينيسيا
    واقنعه عجيييييبه حييييل فيها ابداع في الشغل

    مثل اللي يلبسونها في الحفلات التنكريه
    وبس ان شاء الله اكون افدتج

  3. chahinez
    الرد
    فينيسيا واجد عليها يوم .. يعني لاتسكنين فيها .. وصج زحمه مووت
    كانها حج .. ومافيها شي بس قارب ويمشي فيج بالماي .. والاسواق ماعندهم شي
    جناط عاديه .. وكلها اقنعه وتشيرتات على فنيسيا .. اغلب الناس تروح لها وقت المهرجان
    شهر 6 يسون عروض وحركات ..وحاره مو بارده .. بس حلوه تروحين تشوفينها

  4. hanan
    الرد
    انا قبل شهر رادة منها حلوة بس حدج قعدي فيها حدود 6 ساعات مو اكثر و اتذكر قعدنا بمطعم بس اكلهم كان اينننن و ركبنا القارب بس ماتسوى يوم كامل كلش يعني هال6 ساعات و تفترينها عدل .. و من ناحية اسوقتها في سوق شعبي و الباجي كله محلات عادية يعني تلاقين اقنعة و بلوفرات على فينيسيا و اكسسوارات على فينيسيا و كله شخصيات مثل باباي و الملكة و العروسة يمشون و تعطينهم فلوس عشان تصورين معاهم

  6. مريم
    الرد
    اذا كنتي تدورين على طبيعه روحي زيلامسي في النمسا وعندك بلدة انسبروك حلوه مره وعندك سالزبورغ حلوه وفيها اوت لت موفقه انشاء الله افدتك

  9. madiha
    الرد
    بنات لو وماعليكم امر
    رتبوا جدول للمناطق القريبة من بعض
    اللي راحت فينيسيا وشنو كان معاها أشلووون جدول السفرة

    شنو خط سير الرحلة من الي عشان الكل يستفيد *

  10. chichaki
    الرد

    فينيسيا :

    السنتر ساحة سان ماركو فيها محلات الماركات العالمية و الجلديات الإيطالية و الشوبنغ فيها وااااو بس يبغى ميزانية

    + محلات السوفينير ملابس و شنط و كابات بإسم فينيسيا و الماسكات

    ( طبعاً هالمحلات غير البياعين المتجولين اللي قالت عنهم وحدة من الأخوات و احذري تشترين منهم )

    + فيها المباني التاريخية تقدرين تدخلينها أو تتفرجين عليها من برا

    ممكن تتغدون إيطالي مكرونة + بيتزا و تاخذون كابتشينو في كافيه

    + الجندولا القارب الإيطالي التقليدي يدور فيك بين شوارع فينيسيا الضيقة

    فينيسيا حر + شمس + زحمة + يكفيها 5 ساعات لكن الجد تستحق الزيارة

    ممكن تروحين النمسا + ألمانيا ( ميونيخ بالتحديد )

    أو فرنسا + سويسرا أو سويسرا + إيطاليا

    لو حبيتي تجمعين طبيعة + شوبنغ

    May U enjoy it

  11. khouloud
    الرد
    احنا رحنا فينيسيا العام فى الصيف شهر 8 وحظنا كان الجو حلو وبراد مع ان قالولنا حر ورطوبه بس الحمدلله توفقنا فى الجو واستانسنا فيها وايد لانها تجربه يديده علينا من المطار الى الفندق بتاكسى مائى والتنقلات كلها بطراريد او عبارات وسوقها حلو وبعدين فيها حركه بالنسبه لى ما احب المكان الصخه الهادى حيل بس حطى بالك لا تقعدين فيها اكةر من 4 ايام لان ما فيها اماكن وايد تروحين لها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.