تخطى إلى المحتوى
الرئيسية » خبيرات لندن تعااااالواا

خبيرات لندن تعااااالواا

بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم

مرحبا بنات…
اللي عندهم خبره بلندن عندي سؤال ماعليكم امر …
انا ناويه اروح لندن شهر 9 ودي اعرف جم يكفيني مصرف عشان ارتب ميزانيتي انا بروح مع ريلي وعيالي 3 نبي سياحه وتسوق بس ماني عارفه اشكثر لازم تكون ميزانيتي ؟؟؟؟؟؟!!!!

عطوني رااااايكم

الوسوم:

10 أفكار بشأن “خبيرات لندن تعااااالواا”

  1. chichaki
    الرد
    اول شي لازم تحجزين مبجرعلشان كل ما حجزتي مبجر كان ارخص

    حددي الطيران والفندق اختاريه وهذا بروحه له ميزانيه

    وتالي حطي ميزانيه للاكل والتشري والرحلات

    ترى لندن مكلفه خصوصا اذا معاج يهال وتبين تسكنين بالعاصمه

  3. inzou07
    الرد
    جوفي حبيبتي اول شي المدة جم يوم
    واذا تبين تحجزين فندق دخلي على موقع وايد حلو راح يساعدج حق الفنادق اسمه booking.com
    اسئلج ريلي عن الاماكن السياحية لان كان يدرس هناك وان شاءالله ارد عليج باقرب وقت

  4. kouka
    الرد
    اهم شي خلصي من حجوزات الطيرآن والسكن
    لآن هذول اغلى شي وهم اللي رآح يكلفونكم كثير ..

    والمصاريف اليوميه تعتمد عليكم !!

  5. salima
    الرد

    شوفي أغلى شي بلندن السكن والباقي يهون سوقهم ومطاعمهم أرخص من عندنا في بعض المطاعم العربية غالية شوي وفعلا ميزانيتك على حسب المدة اللي بتجلسينها ومصاريفك ومشترياتك انتي اخلصي من التذاكر والسكن والباقي سهالات

    واي سؤال أنا حاضرة عشت في لندن سنين

  6. brinhu
    الرد
    حبيبتي انتي اذا حجزتي التذاكر من الحين تكون ارخص واااايد وحجزي ليلة بفندق ودوري شقة من هناك اذا حابة تقعدين بشقة
    والميزانية حبيبتي تفرق من شخص لي شخص انا لو تعطيني ميزانية مفتوحة هم ماراح تكفيني غيري تعطينها الفين تزيد معاها فهمتيني
    عموما حطيلج مصرف اكل وسياحة الفين وتكونين رااااهية فيها وشوفي انتي شنو ميزانية سوقج

  8. chahinez
    الرد
    السلام اشلونج جبتلج الاماكن السياحية الي بلندن:
    1-قصر بيكهام
    2-متحف الشمع
    3-لندن اي

    4-لندن zoo
    5-ريجنت برك
    6-هايد بارك

    وان شاءالله تنبسطوووون

  10. kamiliya
    الرد
    اول شي حبيبتي حجزي سكن وطيران وراح يكلفج يعني الفندق حق 10 تيام غرفه وحده اذا فندق زين وبدون ريوق على حد الـ1000 للغرفه الوحده
    وفي فنادق تلاقينها ابـ500 بس شوي بعيده
    عندج فنادق مادري ماجربتهم الي بشارع الكنزوي عالهايد بارك بس بعيده عن الاكسفورد تقدرين تركبين باص وتروحين الاكسفورد
    والتكاسي مستحيل تركبينها لانه مشوار بو دقيقتين يرصج ابـ5 باوند وايد غالي

    نيي الحين حقج انتي وعيالج يعتمد جم يوم بتقعدون؟ ,, يعني انتي نوعد تشترين او عادي عندج والرحلات جم رحله بتروحون وجذي
    مانقدر انحددلج

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.