تعالي ياحلوة قولي لنا تجربتج من الأف الي الياء

بنات بغيت اسالكم سؤال شلون كانت بدايتج مع تربيه الحيوان وشلون تعودتي وصرتي تعرفين له خاصه القطط
انا اموووت بالحيوانات بشكل عام وخاصه القطاوه.. ولما كنت صغيره كان ابوي يدرس برا وكنا معاه وكانت في قطوه لجارنا مطيحه عندي.. وانا ربيت لي قطوه بس برا البيت ومن هنا بدأ العشق..عاد بديت احن واحن من وقتها ابي لي قطوه ولما كبرت شوي بديت اقرا عنهم وعن الاهتمام فيهم وتعلقت فيهم حيل وكان الرفض قطعي بتربيتهم لكن قبل 8 او 9 شهور تقريبا حصلت على الموافقه وشريت قطيوتي الحلوه

شنو المشاكل الي صادفتيها بلتربيه في اول الايام وشنو كنتي بأول يوم اول لقاء لج معاه
المشكله انها مو راضيه تنام بفراشها .. وكانت صغيره حيل وخوااافه.. وماتبي تنام الا معاي .. ومن صغرها ما تقدر تنط وتصعد عالسرير.. فـ متى ما اشتهت النوم حضرتها صاحت وقومتني وتخلتني اشيلها واحطها عندي.. واول لقاء كان عجيب.. كنت طايره من الفرحه.. ابوي اتفق مع راعيها اننا نتواجه عند البيطري عشان يفحصها قبل لا نشتريها.. وقال لاخوي يودينا انا وامي وكنت احس الدقايق سنييين.. وعلى ما طلعوا من البيطري وجابها لي اخوي.. بغيت اطيييير من الفرحه.. عاد قطوتي كانت تدنن تدنن ويذكرونها البنات شلون كانت كيوووت.. وطول الطريق وانا شاقه الضحكه وصورتها ودزيت صورتها وسائط لكم وحده وماكو آدمي ما بشرته..
شلون حظنتيه ؟حطيتها بسله صغيره بحظني وبس امسح عليها وطايره فيها

شلون وكلتيه ؟توهقت لأني ما كنت شاريتلها شي .. كل شي صار بسرعه.. نزلتها بالبيت وخليت اختي تعطيها جبن مثلث ورحت مع امي وشرينا شغلها ووكلتها اكلها..

شلون نومتيه؟بفراشي وبحضني

وشنو المحبب في كل قطوه عندكم وشنو شي الي يشجع لتربيه القط وشنو الي مايشجع ؟؟قطوتي دلوووعه وتعرف اني راعيتها وصج تفرح فيني اذا شافتني.. امي تقول هالخبله ما تعرف الا راعيتها.. وطريقتها باللعب عجييبه.. تموووت باللعب.. اللي ما يشجع انها اذا بغت شي تصير حنااااانه.. بس بشكل عام كل شي فيهم حلوو.. اذكياء ويحسوون فيج اذا تعبتي ولا تضايقتي.. يجونج يراضونج

شلون سبحتيه اول مره ؟
بمساعدة ندوش اختي
اول تطعيمه ؟
بعد ما شريتها باسبوع وشوي

اول نحشه له ؟
ماكو ولله الحمد وان شاء الله ما تصير
شنو الموقف الي صارلج وياه مضحك او يخرع ؟
لما كانت صغيره حيل كان لعبها يخرع.. تتعلق برجولنا واحنا نمشي.. كنا نخاااف لا ندوسها بس صج كانت توننننس وشكلها نكته
وشلون طبعا اذا مات القط عندج شنو شعورج عسى الله يطول بعمارهم لكم اتوقع تجيني سكته قلبيه وانهيار عصبي وبالمختصر المفيد اتوقع اموت من البجي

ولي عندها قطط انحاشو وردوو تقول لنا ؟