شرح طريقه عمل اساور من الخيوط

بسم الله الرحمن الرحيم
شلوونكم بنااات ؟
بما ان واايد بنات طلبوا مني اعلمهم شلوون يسوون الاسااور .. فنبلش الحين

بسم الله نبدي ..

اول شي ييبوا 4 الوان خيووط.. وقصووهم طول بعض .. يعني طوول ايدكم ونص زيااده ..
وربطووهم مع بعض .. وثبتوهم بجلاب ..

ثبتوا الخيط باي مكاان .. على الكوشيه او اي مكاان ..
انا حاطه من كل لون 2 علشاان يطلع عريض .. لو تبون حطو 8 الواان مع بعض يطلع ملون
المهم حطوا كل وااحد على صووب علشاان لاتضيعوون مثل اللي بالصوره ..

اخذوا اول خييط على ايدكم اليمين وربطوا مع الخيط اللي يمه .. ربطتين فوق بعض ..
اخذوا الخيط الثااني ومسكوا حيل "شدوا" والخيط الاولي ربطوا بالثااني .. اهم شي الخيط الثاني لاتحركونه خلوه مسموت علشان تطلع الربطه عدله ..

لما تربطوون ربطتين فوق بعض .. هدوا الخيط وروحوا حق الخيط اللي يمه .. ونفس الشي ربطوا ربطتين ..

وبعدين روحوا حق الخيط اللي يمه وهكذا لي اخر شي ..نفس اللي بالصوره

بعدين نفس الشي .. اخذوا الخيط الاولي وربطوا بالثااني .. لي اخر شي ..

واخر شي رااح يطلعلج نفس هذا الشكل .. وتكملين لي اخر شي

ملاحظه : بناات الخيط لاازم شوي متين .. انا اخذ خيط بو كره اللي على 100 فلس
واسوي دورين على اسااس انه خيط وااحد .. لانه ضعييف شوي

وساامحوني على القصوور ..
واي شي مافهمتووا قولولي