خواتي انا سالفتي سالفة ويا الدوام و التأخير…
أنا مثل ما ذكرت من قبل اني موظفة بالقطاع الخاص و مديري ملززم علي احضر واط كرت من الساعة 7:30 وانا مستحيل راح اقدر لأنه عنده ظروف خاصة جدا جدا…….. لدرجة انه حتى امي ما تدري عنها !
قالي انتي وايد تتأخرين وانا موراضي عن هالشي… قلت له اوكي اذا شايف جذي انا مستعده اقدم استقالتي من الدوام لأنه هو كان مفنش بنات من قبل بسس التأخير .. وانا قلت اتغدى فيه وانا استقيل قبل لا يتعشى فيني و يفنشني..!
قال لي انا ابي افهم انتي ليش تتأخرين؟؟ ..انا قلت له انه عندي ظروف … جان يقول شنو هي؟؟ انا قلت له ما اقدر اقولك قالي عيل ما عندج لأنه لو عندج بتقولين… انا سكت .. جان اوقله لو عندي مو شرط الكويت لكها تدري.. البيوت اسرار … قالي صح بس اذا عندج ثقة فيني كتبي الظروف على ورقة وانا راح اخشه عندي علشان اقدر اطلب لج اعفاء…واخليج تداومين الساعة 8 بدال ال7:30…
المهم انه لمن درى اني مفكرة اترك الشغل قالي انا مالي غنات عنج.. ولا يمكن احصل وحده تشتغل نص الشغل اللي انتي تسوينه .. و … و ..و … عيز يمدح فيني … وتالي قال بس انا مضطر اتخذ فيج اجراء رسمي… ومن هالكلام..
بصراحه اليال معاه حق لأنه مفنش 2 من قبل بسبب تأخيرهم المستمر عن الدوام… المهم انه اللحين قالي السبب الوحيد اللي يخليه يطلب كتاب اعفاء من اني اداوم نفس الموظفين الثانين هو اني اكتب له كتاب رسمي اشرح له ظروفي بالتفصيل الممل واللي لازم تكون مقنعه له علشان يطلب لي الكتاب …
شوروا علي شنو اكتب له؟؟
انا ما ابي اكتب له الظروف الصجية بس هم ما ابي أجذب…
انا محتارة لأنه امام حلين يا اكتب الكتاب أو اقدم استقالتي من الدوام !!
شنو الحل بالنسبه لكم؟؟
الله يعافيكم كل وحده تدش تكتب والله يجزاها عني كل خير
خواتي انا سالفتي سالفة ويا الدوام و التأخير…
أنا مثل ما ذكرت من قبل اني موظفة بالقطاع الخاص و مديري ملززم علي احضر واط كرت من الساعة 7:30 وانا مستحيل راح اقدر لأنه عنده ظروف خاصة جدا جدا…….. لدرجة انه حتى امي ما تدري عنها !
قالي انتي وايد تتأخرين وانا موراضي عن هالشي… قلت له اوكي اذا شايف جذي انا مستعده اقدم استقالتي من الدوام لأنه هو كان مفنش بنات من قبل بسس التأخير .. وانا قلت اتغدى فيه وانا استقيل قبل لا يتعشى فيني و يفنشني..!
قال لي انا ابي افهم انتي ليش تتأخرين؟؟ ..انا قلت له انه عندي ظروف … جان يقول شنو هي؟؟ انا قلت له ما اقدر اقولك قالي عيل ما عندج لأنه لو عندج بتقولين… انا سكت .. جان اوقله لو عندي مو شرط الكويت لكها تدري.. البيوت اسرار … قالي صح بس اذا عندج ثقة فيني كتبي الظروف على ورقة وانا راح اخشه عندي علشان اقدر اطلب لج اعفاء…واخليج تداومين الساعة 8 بدال ال7:30…
المهم انه لمن درى اني مفكرة اترك الشغل قالي انا مالي غنات عنج.. ولا يمكن احصل وحده تشتغل نص الشغل اللي انتي تسوينه .. و … و ..و … عيز يمدح فيني … وتالي قال بس انا مضطر اتخذ فيج اجراء رسمي… ومن هالكلام..
بصراحه اليال معاه حق لأنه مفنش 2 من قبل بسبب تأخيرهم المستمر عن الدوام… المهم انه اللحين قالي السبب الوحيد اللي يخليه يطلب كتاب اعفاء من اني اداوم نفس الموظفين الثانين هو اني اكتب له كتاب رسمي اشرح له ظروفي بالتفصيل الممل واللي لازم تكون مقنعه له علشان يطلب لي الكتاب …
شوروا علي شنو اكتب له؟؟
انا ما ابي اكتب له الظروف الصجية بس هم ما ابي أجذب…
انا محتارة لأنه امام حلين يا اكتب الكتاب أو اقدم استقالتي من الدوام !!
شنو الحل بالنسبه لكم؟؟
الله يعافيكم كل وحده تدش تكتب والله يجزاها عني كل خير
قوليله انا مره راعية بيت وعندي ظروف بتقدر وضعي مثل ماقلت لك كان بها واذا ماتبي تقدر وعندك اجراء قانوني اتخذه ضدي وانا راضيه باللي ربي كاتبه لي وماظن نص ساعه تأخير بتوقف الشركه مالته والا بيخسر ملايين اشدعوه خل يحسبها انج داومتي وقاعده تتريقين بهالنص ساعه
قطيعه ياشين الريال لي صار دعله
ماعليج منه حقريه واللي مايطوله بيده يواصله بريله بس انصحج لاتقوليله ظروفج ماتدرين شنهي نيته يمكن يتمادي ويمسكج من ايدج اللي تعورج ويهددج كل يوم يالتفنيش واذا شفتي نفسج متأزمه خلي بوعيالج يكلمه بدالج اهما ريااييل يعرفون اشلون يتفاهمون وبس
عسا ربي يكتب لج اللي فيه الخير والصالح ياقلبي
انا ما ابي اكتب اله الظروف ولو يموت ما راح اقوله ولا نقطه منهم… انا اصلا مو من النوع اللي يحجي ولا يحب السوالف عكسه… يموت على الهذرة والقيل والقال … والله لمن اقول حق ابوي عن السوالف اللي يسولفها معاي … يقولي هذا حشا مرا مو ريال…!
المهم اني بعازة الفلس… ومحتاجه للمعاش… وهو معطيني مهله الى الاسبوع الجاي.. انا قلت بكتب كتاب بس ما راح اقول له شنو الظروف… بقول بضيغة معيينه ماني عارفه شلون اني اكتبها… اني عندي ظروف خاصة !!
المصيبه انه يقدر يكتب التوصيه باعفائي من الالتزام بالدوام من غير لا كتاب ولا شي لكن ما يبي يقول انا ابي مكتوب علشان اذا باجر احد قالي شمعنى هاذي مو ملتزمة يراويهم الكتاب !!!
انا بفهم شلون الكتاب ما راح يواريه احد وتالي اذا صار ما صار بيخليهم يشوفونه؟؟
واااااي وايد محتارة ولا ادري شنو اسوي؟؟
لازم اتقوليله ظروفج ما فيها شي من غير ما تكتبين كتاب … او انج تكتبين كتاب
ما ادرى شنو طريقته … بس انتى مو قايله للموظفين كلهم وما يحتاى اتبررين للكل سبب تأخيرج … بس مسؤلج لازم اتقولين له
والا كل وحده بتسوى مثلج بتقول عندى ظروف واهى ما عندها شي
خوو الحجي ابلاش … واهو لو ما يبيج جان ما قالج عندج مهله
جان على طول كتب فيج كتااااب من وراج من غير ما يقووولج
توكلى على الله وقولى له بس من غير ذكر تفاصيل واهو راح يتفهم
بعد شنو تسوين اهومايستحي بيعرف تفاصيل انتي طلعيله عذر
مثلا اسمالله علي امج قولي انا كل يوم ايي واطقها ابره سكر اسم الله عليها
او ابوج او اي شي ثاني وبس
يا حليل مسئولنا بالدوام مخلينا على راحتنا يقول اللي بتروح طبيب او تجيب عيالها او تطق ابرة سكر لامها او ابوها تروح من غير اذن بس طبعا يكون عارف بالاول منو اللي تبي وعقبها خلااااص ماله شغل لانه عطانا الاوكي …. الله لا يغير علينا
انتي شوفي اذا قدرتي وتحملتي خلاص كتبي لج جم شغله بالكتاب وعلى الله مع انه مو حلوه يعرف ظروفج بس اهو لما فصل البنات ما كان عندهم ظروف نفسج ؟؟ اخاف يسوي فيج مقلب
بس اذا مالج حاجه بهالشغل ومنتي معتازه ولا انتي مرتاحه منه خليه يولي
بنت الكويت اللي بأمريكا…. حبيبتي ما ودي اجذب على واحد مثل هذا !.. باجر استاثم بامي ويصير فيها شي بسبته..لا يبا الله لا يقولها…
هو ملزم على كتاب مكتوب… وعسى ما يقولي بخط ايدج … بيبدع الصراحة…
انا ظروفي مثل قلت خاصة جدا ولا ابيه يعرفها… يعني اللحين انا مغبيه على امي اروح اقوله هو… ليش يعني… ماله حكم علي علشان اشرح له انا شنو اسوي الصبح قبل لا ايي الدوام..
ما ادري شنو اسوي والله احترت وياه
بسسسس ماله شغل يسوي مثل المزايده علي هالسالفه
الأفضل انج مااا تقولين له ولا تكتبين الكتاب وتجذبين وتاخذين ذنوب
انت عندج اسبوع شوفي أي وظيفه ثانيه واستقيلي بكرامتج أو تتفاهمين معاه اذا تقدرين تشتغلين نص ساعه زياده كتعويض
يعني في اكثر من حل جدامه كمسؤول اذا شغلج زين
بس بكتب له انه انا ابي اذن تأخير نص ساعة الصبح على اني اعوضها آخر الدوام… وذلك لظروف خاصه انعتذر عن سردها بالكتاب نظرا لخصوصيتها بصاحبة العلاقة…..
صح اسلوبي والا سلون اكتبه؟؟
بس بكتب له انه انا ابي اذن تأخير نص ساعة الصبح على اني اعوضها آخر الدوام… وذلك لظروف خاصه انعتذر عن سردها بالكتاب نظرا لخصوصيتها بصاحبة العلاقة…..
صح اسلوبي والا سلون اكتبه؟؟
اسلوووب الكتابه صح .. بس كلمه لظروف خاصه اتشكك واتخلى الواحد يلح صراحه .
انا بوزاره والبنات اللى يطلعون استئذان مدارس عندنا لازم ايبون كتاب من المدرسه موجهه للاداره, فما بالج انج اتقوولين بتاخر وما تبين تذكرين الاسباب … على جذى ككلنا بنسوى مثل حركتج ونتاخر … ومعذور مسؤلج ان لح على معرفه الاسباب .
المهم الموضوع عادى رقعى الموقف اب اي عذر ..و كتبى الكتاب مثل ما كتبتيه وعوضى النص ساعه … والله يوفقج .
انا االحين حاقرته لا عطيته ورقه ولا هو تكلم
اللله يستر
مافيها شي اذا شرحتي ظروفج لمسؤولج ..هذا مسائل امام رب العالمين ..
وبعدين مبين الريال حقاني ولا يحب اللف والدوران والتسيب ولا جان مافنش ثنتين من قبل بسبب عدم اهتمامهم !!!
كتبي ظروفج وشرحيها له ..وخلي الموضوع بين موظف ومسؤوله ..
حطي نفسج مكانه ..لو احد سأله شمعنا فلانه سامح لها بالتأخير ..؟؟؟
شنو موقفه؟؟؟