****هل هناكــ حملة ضد الموظف المثالي؟؟؟؟ ومن منووو ؟؟؟****

السلام عليكم ورحمة الله و بركاته

اشلون الموظفات المجتهدات ؟؟؟؟

هذي أول مرة اشاركــ بهالمنتدى بموضوع

لكن و الله اللي بتشارك لأدعيلها من كل قلبي

أبسأل سؤال يضج مضجعي و يؤرقني

و مخليني ما أنام و بالليل و النهار

أقول حسبي الله و نعم الوكيل

السؤال كالتالي

ليش اللي تجتهد و تكرف وتقوم بشغلها و شغل غيرها

وما تتحلطم و لا تتشرط ولا تسوي قرقر وااااجد

ما لها حظ عند مسؤولتها الحلوة ؟؟؟؟؟

و الغيابات و اللي تنطق كروتهن ….

و كل يتحلطمن….

و يسون قرقر واااااجد

قايم سوقهن عند هالمسؤولات الأيضا حلوووات

انا حدي زعلانه ما نزلت لي أعمال ممتازة

و الله ان كل الزميلات يقولون انتي اللي تستاهلينها قبل الكل

وحتى اللي نزلت لهن….

ردوا على هالسؤال يمكن اللي مرت بهالتجربة مثلي

او اللي عندها خبرة ممكن تفيدني

بنات تراني نخيتكم وسعوا صدري عسى رب العالمين يوسع علي وعليكم

دنيا و آخرة