اختبار التوفل و الجيمات !!

من زمان حاطه الموضوع و عفى عليه الدهر ولا احد رد

شوفي يا قلبي انا خذت الجيمات و التوفل عند الامديست، سعر دورة التوفل بالجامعة وايد ارخص بس سعر الامتحان نفس الشي

سعر التوفل 52 دينار

و سعر الجيمات خبري شي و ثمانين دينار

و دورة الجيمات 300 و شي

و لازم تقدمين طلب الامتحان قبل بشهر من تاريخ التقديم و لازم تكتبين 3 تواريخ تقدرين تمتحنين فيهم. و النتيجة تطلع عقب شهر من اخذك للأمتحان.

التوفل حلو انا دشيته بدون دراسة ، بس الجيمات يبيله قعده و دراسة شي عدل صراحة صعب.

و هذا رقم امديست: 5750670

و الله يوفقك انشالله

اللي اعرفه ان التوفل المعترف فيه حول العالم هو توفل معهد الامديست , و علشان جذي كل اللي يدرسون بامريكا ياخذونه من امديست , اما باقي المعاهد في الكويت مو معترف فيها عالميا ( حتى نيوهورايون !!!!)

اختبار التوفل تمتحنين في الاميديست
سعر اللوكال 25 دينار و سعر الانترناشونال 65 تقريبا
( اللوكال بس حق جامعه الكويت ( النسخة القديمة قراءة و ليسن – و قواعد )
( الانترناشونال استنماع و كتابه و قراءة و عالمي حق الجامعات الامريكية و الكندية )
الجامعات الاوربية تطلب امتحان الايليتز

و الجيمات بس تاخذينه في النيوهرايزن و تسجيل في النت http://www.mda.com , سعره 70 دينار تقريبا (250 دولار)

الدوررات
الاميدست دورة التوفل 185 دينار تقريبا 30 ساعه
و دورة الجيمات 185 و نفس الوقت و عندهم اختبار رياضيات و انجليزي عشان تنقبلين في الدورة
و عندهم مدرسين خاصين يدبرون لج اياهم و التعامل بالساعه
انا ما جربت دوراتهم

جامعه الكويت
في مكانين يقدم الدورات بالنسبه للتوفل
1) خدمة المجتمع و سعرها 75 و اسبوعين ( محد يمدحها )
2) مركز اللغات في الشويخ سعر الدورة 180 و 90 ساعه شهر كل من الاحد لي الخميس 3 ساعات يوميا
انا اخذتها وااااااااااااااااايييييييد مفيده و ووواااااااااااايد ممتازة الدورة واللي يعطونها كفاءة حييل

و بالنسبه حق اختبار الجيمات عندج خدمة المجتمع تعطي دورة بس جنه بس تنزل مرتين في السنه حزة الامتحان
سعرها 150 دينار شهر تقريبا
و الدورة ضعيفه و ما تسوي و حييييل اي شي و ما تستفيدين منها شي
و خسارة فلوس و مجهود

و سمعت ان الجامعه الامريكية في الكويت تقدم دورات بعد
بس ما ادري ما عندي تفاصيل اللي تعرف خل تفيدنا

اليوم امتحنت توفل بجامعه الكويت اب 30 والله شوي صعب انا ما درستله ولا خذيت له دوره
ماتوقع اني راح انجح فيه

انزين بنات سؤال شنو الجيمات؟ اول مرة اسمع فيه؟ شسالفته وشنو فرقه عن التوفل والايليتز؟