بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم..
شلونكم ياابلات.. انا اكتشفت اني منقولة اجباري .. عارفة حظي ومجهزة نفسي للصدمة.gif "Eh S(20)")
بس حبيت اسأل كم يوم اداوم في روضتي الاساسية لين انقل يوم يومين اسبوع؟
ثانيا انا مالي خلق اداوم اول يومين احس كني سيلانية تنطر فيزا .gif "Eh S(22)")
.. علشان جذي ودي اطقها طبية ولا احد يحاول يثنيني عن هالخطوة <==== يعني مسوية اضراب .gif "Eh S(1)")
.. فشرايكم كم يوم اطقها طبية .. ودي اجي الا اوراقي جاهزة مالي خلق تعليقات المدرسات
ودمتــــــــــــــــم سالمـــــــــــــــــــين……
السلام عليكم..
شلونكم ياابلات.. انا اكتشفت اني منقولة اجباري .. عارفة حظي ومجهزة نفسي للصدمة
بس حبيت اسأل كم يوم اداوم في روضتي الاساسية لين انقل يوم يومين اسبوع؟
ثانيا انا مالي خلق اداوم اول يومين احس كني سيلانية تنطر فيزا .. علشان جذي ودي اطقها طبية ولا احد يحاول يثنيني عن هالخطوة <==== يعني مسوية اضراب .. فشرايكم كم يوم اطقها طبية .. ودي اجي الا اوراقي جاهزة مالي خلق تعليقات المدرسات
ودمتــــــــــــــــم سالمـــــــــــــــــــين……
اثاري قلبج متروس من هالوزارة
يالله ماعلية والله يوفقج حبوبه
اذا عندج واسطة توقف نقلج راكضي عليها
او ارضي بالامر الواقع يمكن خيرة
والله اعرف وايد مدرسات يقزرونها بالطبيات سبحان الله كلهم امرضو ويدورون الطبية الحين
استهدي بالرحمن وادعي ربج يمكن الله يسخر لج الناظرة اليديدة
رفيجتي انقلوها نقل اجباري العام بعد 12 سنة بهالمدرسة تخيلي
قامت تبجي واتصرخ مسكينة
ولما انتقلت سبحان الله رشحتها الناظرة اليديدة اعمال متميزة وخذت الحين المدرسة اشراف
روحي و داومي عادي … وان شاء الله مدرستجد اليديده ابرك و احسن
وحدج 3 ايام … يعني على اول يوم انتي خالصه …
ليش الطلبيات دشي المدرسه اليديده من اول السنه وانتي نشيطه بلا طبيه
بلا خرابيط لا تهربين من الواقع خلج سبعه مو 7 وانا اختج ..
وكشخي و تزقرتي و شقي الحلج .. استانسي يبااااااااااه
ادري المساله فيها احراج
بس انتي تدورين رضا الناس والا رضا الخالق
داومي وصفي النيه وادعي ان المدرسة اليديده احسن من هالمدرسه ولا تاخذين طبيه وانتي ما فيج شي حرااااااام
والله يوفقج وعساها خيرة
يمكن 3 ايام وفي ناس توصل من ثاني يوم وفي ناس بعد اسبوع
انتي من توصل اورقة نقلج علطول راح اتسوين اخلاء طرف
يمكن تقعدين بروضتج 4 ايام
ونصيحة تذكري "وعسى أن تكرهوا شيئاً وهو خير لكم"
ومايسوى عليج طبيات من أول السنة مو حلوة بحقج …ملفج بيمشي معاج روضتج اليديدة ..وبياخذون الادارة عنج فكرة مو حلوة
وعسى الله يكتب لج الخير بمكانج اليديد ويكون فاتحة خير عليج
ودايما تذكري الدعاء
عشان ماتحوشج الضيقه وتكرهين الدوام
اعتقد الورقة تخلص بيوم واحد
وانتي وحظج
الله يكتب لج ولي الخيره انا بعد منتقله من روضتي بس بارادتي
والله حاسه فيج ربي يعينج
عقبالج
أخلاء الطرف يعتمد علي شطارة سكرتيرة الروضه والوزاره يعني حيين قلب والا شغلهم بارد ونايمين علي حالهم