مطلوب حضور جميع الأبلات السنعات فوراً

بجاوبج على كل سؤال

1- لأ موشرط
2- يفضل بأول سنه او سنتين من تعيينج والفايده الكبيره منه مو لج لرئيسة القسم والموجه طبعا
3- لأ مو لازم عرض كمبيوتر وحجي فاضي اهم شي كفاءة المدرسه ووقفتها داخل الصف.
4- ماعندي فكره عن الاسعار بالضبط بس الاكيد انها غالية وماله داعي الكلافه الزايده
5- ولله شوفي انا برايي انه المدرسه لو شنو تسوي بالدرس التموذجي وتقط دم قلبها فيه ماراح ينفعها وكل اللي يحضرلج بالحضة لازم يعذربج حتى لو كنتي توب

فنصيحه اذا انتي مدرسه زينه وممتازه وتاخذين امتياز انا اشوف انج تشيلين الفكره وتنطشين الموضوع وبلا عوار رااااااس

حبيبتي

الدرس النموذجي مفيد لج وايد ويعلمج مواجهة المدرسات والضيوف من خارج المدرسة وتتدربين فيه على استخدام الكمبيوتر ويصير عندج خبرة بعمل البوربوينت والتدريس من خلاله

وبعدين الدرس النموذجي يزيد فرصة الامتياز في تقريرج ويخلي الناظرة تعتبرج مميزة لانج بادرتي لهالشي
وانتي بكيفج تسوينه من اول سنة ولا بعدين حسب ادارتج ومدرستج الاولى
انا سويت كم مرة والحمدلله كانت السلبيات بسيطة مو بالاداء نفسه يعني اذا ندرب البنات على اللغة الصحيحة والهدوء بالصف يكون الدرس ناجح الف بالامية

الصراحة الدرس النموذجي حلو وسهل ومو شرط تتكلفين لا خلي مشرفة التقنيات تسوي له شنو شغلتها عيل؟؟؟

او شوفي طالبة عندج شاطرة بهالسوالف ونسقي معاها وتابعيها

وموفقة

يا بنات نسيت اقول لكم شغله
ترى البور بوينت قديم وحتى الدرس النموذجي فيه يصير باهت وعقيدي
بس يا بنات لو تسوونه بالفلاش يطلع روعه الوان روعه ووضوح
وذراااااااابه حده حده …مثل ما يقولون درس نموذجي يواكب العصر والتطور
انا سويت حق ثلاث ابلات بالفلاش كلهم يمدحونه ومتعجبين منه

حتى اللي حضروا الدرس مالهم مدحوووه وايد وعجبهم التقنيه اللي فيه
أما البور بوينت اللي من زمن جدي المفروض انه ينقرض !!!
تشاااااااااااااااااااو

هلا أختي قلب راشد

كل الأسئلة اللي سألتيها راح تلقين لها رد على الرابط التالي

http://www.q8yat.net/showthread.php?t=67409

حبيت اشارك بشغله
اولا : مو شرط تقدمين درس وهو مو اجباري
ثانيا : راح تتعبين اذا بقيت درس على مستوى .واذا حبيتي انج تستخدمين البوبوينت نصيحة لا تستخدمين ادوات كثيره بالدرس لانه راح يشتتج واذا حطيتي احتمال ان الجهاز يخرب وعاد شوفي اذا انتي معتمده عليه بالشرح.
انا حضرت دروس وياما مدرسات توهقوا لان جهاز العرض خرب عليهم او علق.
وبعدين ما كو شئ اسمه درس نموذجي :
الدرس النموذجي / يقصد به هو ان تقوم المعلمة بتقديم المادة العلمية بالحصة مع تطبيق اهداف الدرس .

يعني هل صحيح ان المعلمة او المعلم يستخدم هذه الادوات بالحصة الفعلية.
كما انه لا يجوز تدريب الطالبات على الدرس .
يعني اذا طحتي بإيد موجهه صارت سلبية عليج . وادري راح تقولين ان اغلب الدروس كلها تدريب اقولج نعم .
بس نصيحه لا تسوين وابعدي عندي التعب
وشكرا