الي عندها افكار حق مادة التربية الحياتية تدخل ؟

انا علم اجتماع وكل علم اجتماع تقدر تصير ابلة تربيه حياتية
وحياج ياقلبي

ودي افيدكم ببعض النصايح خصوصا للمدرسات الجدد بتدريس هذي

المادة . واللــه يا قلبي كاسرين خاطري لانهم يعانون مثل ما عانيت انا

في البداية عشان جذي ودي أعطيكم بعض النصايح من وجهة نظري

وخبرتي الشخصية

النشاط الاستهلالي

يفضل أنه يكون مشهد تمثيلي تدربين عليه الطالبات

ويكون خاص بالدرس طبعا . وممكن أنه يكون لوحة فيها كلمات متقاطعه

وبالنهاية يطلع معاهم عنوان الدرس وتبلشين فيه . أو صوره مقصصه

وتقوم الطالبه بتجميعها حتى تطلع لها الصورة اللي تدل على الدرس .

المصورات حيل تفيدج بالدرس لأن الدروس بسيطة وتنشرح بسرعه ف

لمه تستعينين بصور راح يكون لج مجال تتكلمين عنها وتسألين الطالبات عنها

طبعا الكل منا يعاني من عمل اوراق نشاط لهالمادة خصوصا ان الدروس

قصيرة وتحتاج لمثل هذه الأوراق اللي تملي وقت الحصة .

انا بالنسبة لي أفضل تكون ورقة النشاط أو ورقة العمل كنشاط ختامي

بكل درس عشان تعرفين تصيغين السؤال بورقة النشاط

مثلا : بعد الاستماع لشرح المعلمة .. صلي الكلمة إلى الصوره الدالة

عليها .

أو : بعد مشاهدة بعض الصور … لوني الصورة بألوان مناسبة .

أو : بعد ملاحظة البطاقات التعليمية … أكملي العبارات التالية بما يناسبها

من كلمات .

وطبعا كل صورة وسؤال لازم يكون خاص بالدرس نفسه.

بخصوص أي موضوع ودكم تسألوني فيه انا حاضرة والله يقدرني عليه

وان شاء الله الخوات ما يقصرون بعد , ونستفيد بالنهايه كلنا .

أتمنى إني أفدتكم ولو بشئ قليل

وللي استفادت ما أطلب منها إلا الدعاء .

(موضوعي في مدونة مدرستي)