صارلي موضوع مع الاداره وخلاص مابي اقعد بمدرستي-ارشدوني يا ابلات

السلام عليكم
انا معلمه صارلي سنتين بمدرستي وعلاقتي مع الاداره روعه وشايله المدرسه وماارفضلهم شغل طبعا مدرستنا مافيها ناظره عندنا وكيلتين وحده تشتغل شغل الوكيله والثانيه ماخذه شغل الناظره اللي ماخذه شغل الناظره محترمه وتحترمني وهذا احلى مافيها اذا شافت منج شي مو زين محترمه ماتصارخ جنج اصغر عيالها تسكت لكن كله بتقريرج عموما انا ماشافت مني تقصير وهي اتعرفني اني حريصه على شغلي لكن صارلي موقف معاها وابي رايكم وهو كالتالي:

عندنا بساحتنا امام صفوف الصف الرابع نقعة ماي ناتجه من تسرب انابيب وحاولوا يصلحونها بس ماكو فايده – يوم الاثنين طق جرس الهده طلعت اولادي من الصف االرابع اوصلهم -وانا اشيل اغراضي ورايحه مكتبي الا الوكيله اللي شايله شغل الناظره بوجهي تسألني انتي اللي وديتي صف 4_1 وانا ما ادري شالسالفه قلت ايه اهي هبت بوجهي محد قالج انج لازم اتكونين معاهم لي الباب ومايرجعون على نقعة الماي قلت لها لا(لاني فعلا محد قالي)قالت هذي مشكلتج انا قايلته بالاجتماع(انا ماحضرت الاجتماع ومن الربكه ماقلت لها اني ماكنت موجوده)وكملت:شوفي اولياء الامور راجعين باولادهم(لان ملابسهم متغرقه بالماي) وصرت فرجه لاولياء الامور والطلبه وباقي الابلات مارديت عليها سكت ورحت وطلعت البيت اليوم الثاني اللي هو اليوم نفسيتي تعبانه ماداومت ورحت للمنطقه ابي نقل ورفضوا طلبي

والحين انا ما اقدر اداوم عقب الزف خاصه اني تفاجئت فيها عمرها ماكلمتني بهلصراخ او كلمت ابله غيري لا وقدام اللي يسوى واللي مايسوى- وحتى لو بررت لها وقلت اولياء الامور اضغطوا عليها ما اعتقد لو ابله غيري اهي بتسوي فيها جذي لانها بتخاف ان الابله تهاجمها قدام اولياء الامور والطلبه لكن انا معروفه مالي صوت ولا السان

والحين دام باب النقل انصك بوجهي افكر استقيل-شنو رايكم شسوي؟؟