تعالوا اقولكم شنو راح نسوي بقيمه الامانه

مرحبا حبيباتي المعلمات

الاسبوع الجاي ان شاء الله القيمه السوكيه هي ( الامانه )وبمدرستنا كل اسبوع يمسك القيمه قسم والاسبوع الجاي قسمنا ماسكها وبقولكم افكارنا
أولا : بنحط منطاد عند بوابه المدرسه وراح نكتب عليه بقيمي تسمو اخلاقي وتحتها ( وحملها الانسان)

ثانيا: حطينا استان عند الاداره وحاطين حواليه الليتات الي تاشر وملزقين فيه صور عن الامانه وانواعها مثل امانه الوطن وامانه العباده وامانه العمل الخ وحطينا طاوله عليها مطويات عن الامانه ومسابقه للمعلمات
ثالثا :بالممرات حطينا احاديث لرسول صلى الله عليه وسلم وايات وكركترات عن الامانه
رابعا :كل يوم بالاذاعه راح نمسك نوع من انواع الامانه مثلا الاحد عن الغش بالامتحانات الاثنين عن امانه حب الوطن وهكذا
خامسا : في ندوه نبي نسويها للطلبه وجايبين رئيس قسم للتربيه الاسلاميه راح يتكلم فيها عن الامانه وندوه حق اولياء الامور لداعيه عن امانه الابناء

وراح اوافيكم بردة الفعل اول باول بس نبي دعواتكم