خاااااااااااااااااااااااص لمدرساااااااااااااات المرحله المتوسطه

عندج بالمتوسط مرحلتين يفرق التعامل معاهم

بنات سادس وسابع غير
وبنات ثامن وتاسع غير

بس عموما اهم في مرحلة تحتاج انج تحكمينهم بقوانين معينة يعني من اول يوم سوي مثل حفل تعارف ع السريع عرفيهم ع نفسج وكتبي اسمج بخط كبير ع اللوحة عشان يحفظونج عدل
ومري ع السريع عليهم كل وحدة تقول اسمها
تقدرين تقسمين اللوح قسمين
كتبي الواجبات والحقوق
خليهم يقولون من نفسهم شنو الواجبات عليهم وشنو الحقوق لهم
يعني مثلا : الادب مع المعلمة – احضار اغراضي وواجباتي كاملة…
حددي اللي تبينه منهم واللي يبونه منج
وكوني مستعدة قبل لا تدشين انج عارفة المطلوب مثل نوع الدفتر وتجليد الكتاب وادوات معينة مطلوبة وتقسيمة الدرجات وتقسيم الدفتر والايام اللي راح تجمعين فيها دفترهم ووووو

طريقة تحديد القوانين راح ان شاء الله تخلي لج عندهم هيبة اول الايام
وبعدين ابتسمي لكن لا تتغشمرين وايد عشان لا يطيحون الميانة وتوصل لقلة الادب (سئلي مجرب)

كوني دايما مستعدة بتحضيرج لأن الابلة اليديدة دايما حاطين العين عليها وجنه حضراتهم يبون يقيمونها فخلج مستعدة لكل شي

هذا اللي خطر على بالي الحين وربي يوفقج

حلي مشال الصف داخل الصف وان عيزتي وتعبتي بلغي الاخصائيه الاجتماعيه اهي راح تتصرف وان ما تعدلوا قولي درجاتكم بيدي وان ما تعدلوا طلبي استدعاء ولي الامر

ودايما كوني مع ولي الامر لبقه وشخصيه وان عصب او شي قولي انا قلت الكلام الي عندي وبنتك فيها كيت وكيت ووانا بلغتكم

مبروك التعين

وعقبال التقاعد لووووووووووووول

المهم انتي مدرسه تربيه فنيه صح

حصتنا ياحلوه فيها من الشغب اكثر من غيرها

علشان جذي انتي لازم تشدين على البنات بأول اسبوعين على الاقل

وخليج جد معاهم لانهم اساسا داشين حصة التربيه الفنيه علشان يلعبون

قوليلهم عن الوثيقه الاساسيه للمرحله المتوسطه وان الماده عيها درجات

وكل شي بالحساب والعقاب

بس باول فتره شدي علهم بعدين خليج عادي راح يعرفون انج جديه وماعندج روح تعال ولاتضحكين معاهم على اي شي لانهم رايح يطيحون الميانه

وتبتلشين فيهم مارح تعرفين تتعاملين معاهم وحصصج تصير للشغب

والف مبروك

ولا تخافين ترى عادي عامليهم مثل خواتج انا اعتبرهم خواتي الصغار واكثرهم يجون يفتحون لي قلوبهم بس خلي حدود بينج وبينهم

اقتباس:

المشاركة الأصلية كتبت بواسطة فنانة تشكيلية خليج جد معاهم لمده اسبوعين ولا تصارخين كلش اذا صرتي جد راح يخافون ودهم يعرفون شنو شخصيتج اذا ضحكتي معاهم من اول شي راح تتعبين بس لما اتكونين جد بالاول وبعدين تضحكين بحدود ما اكوو مشكله راح تلاقين معجبات وايد طنشيهم بس لا تعورين قلبهم يعني لا تخلين هالمعجبات يشلون اغراضج ولا اطلعين اكثر من وحده اتساعدج اساسا ممنوع ان لقيتي طالبه اتاخرت عن الحصه قولي لها روحي لو سمحتي بيلي اذن دخول يعني تكون متاخره وايد او عشر دقايق لا تسمحين لهم يروحون الحمام والمشارب لا ممنوع بس للحالات الخاصه اخذي ورقه من الاخصائيه عن الحلات الخاصه وحطيها بسجل التضير اخر شي وحطي التقوقيت الدراسي عشان اترتبين قشج اذا بيطق الجرس ولا تتدودهين وتاخرين الابله الي بعدج حاولا ما تهدين الصف الا اذا كان كل شي مرتب لا كل شوي اتدزين الطالبات روحوا يبيولي ماي ووتتامرين عليهم ترى ما يحبون واساسا ممنوع عوديهم على النظام والترتيب والاحترام باختصار شديد عوديهم على مكارم الاخلاق ان طاب

ثاااااانكس ياقلبي
خوش معلومات
فديتج مشكوره

بس استغربت ليش ما نتغشمر معاهم !! بالعكس انا اتغشمر واسولف ويا زينهم معاي الله يتمم علي

بس لما تكونين حازمه نفس الوقت لازم تكوني مرنه معاهم

اقتباس:

المشاركة الأصلية كتبت بواسطة tmtmt مبروووك حبيبتي … البنات ما شاءالله قالوا كل شي بس استغربت ليش ما نتغشمر معاهم !! بالعكس انا اتغشمر واسولف ويا زينهم معاي الله يتمم علي بس لما تكونين حازمه نفس الوقت لازم تكوني مرنه معاهم

الله يبارك فيج ياقلبي تسلمين
والله انا احاتي اول يوم بس
الله كريم سهالات
ومشكوره ياقلبي