بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام بنات
شلونكم
بنات انا خذيت 15 طبيه من المستوصف؟؟
والحين انا حامل وتعبانه ماعندي طبيات
رحت خذيت من عياده خاصه ؟؟ صح اللي سويته ؟؟
يعني راح يخصمون علي ولا لا؟
واذا راح يخصمون جم الخصم حق كل يوم؟؟؟؟
السلام بنات
شلونكم
بنات انا خذيت 15 طبيه من المستوصف؟؟
والحين انا حامل وتعبانه ماعندي طبيات
رحت خذيت من عياده خاصه ؟؟ صح اللي سويته ؟؟
يعني راح يخصمون علي ولا لا؟
واذا راح يخصمون جم الخصم حق كل يوم؟؟؟؟
اخذت من خاص اسبوعين بورقه وحده وبعد هم اخذت اسبوعين بورقه وحده يعني غايبه شهر
وباجر بروح اودي طبياتي المنطقه وبعدها بروح المجلس الطبي
فأفضل شي اشتري راحتج شنو لو يخصمون ؟؟
أهم شي راحتج .
بالنسبه لي انا خذيت من المستوصف 20 يوم واربع اسابيع من الخاص والله يعينا .
ماعندي فكره
بس ما حبيت ادش ولا اسلم
انا حامل بالسابع وملزمه بس احيااااااانا
اعب حدي يامن عظامي ولا ظهري ولا بطني واخر مره من ضروسي
واغيب يوم وارد اداوم الثاني
واذا كلش كلش
اغيب يومين ورا بعضهم عشان احمل اداوم بعدين
يعني انا احس ان الغياب لاسابيع مثلكم ماهو طبيعي
او يمكن انا غلطانه
ع فكره وي جديده ثاني سنه
وذابحتنا المشرفه بالغياب
وكلاه تقولي ماتبين a
اقهرتني
واذا على قولتج غيابنا لاسابيع موطبيعي هذا لانه فيه عذر قوي ما يسمح للحامل انها تداوم ؟؟
والغياب يومين واداوم اليوم الثاني هذي صعبه على الطالبات في تأخير المنهمج وبعد صعبه على زميلاتج المعلمات انهم يشيلون الاحتياط ..
وكل شخص عنده ظروف وهو اعلم فيها والله يعين يارب
و الحين طبياتي من المستوصف 35 يوم او اكثر
و بالنسبة حق مرضي انا حامل و الحين بآخر الخامس و فيني ربو حاد و عايشة على الكمام و اله يستر من انفلونزا الخنازير صعبة حقي بكلام الدكاترة ربو + حمل مو زين
و مقدمة طلب على مجلس طبي
بنات بسالكم اذا انا تعديت ال15 يوم من المستوصف ومجلسي الطبي نهايه الشهر
شسوي بالايام اللي يايه ؟ اخذها من المستوصف ويحسبونها لي المجلس الطبي بعدين او من خاص افيدونا
والخاص بس يعطي ثلاث ايام وتجددين
اسألوا مجرب
بالنسبه لخصم المرضيات أعتقد إذا من المجلس الطبي المرضيات ما يخصمونها ،،،
أنا أول العام غبت 3شهور أول الحمل لأن معاي نزيف وكله بالمستشفى الخاص نايمه ،، حولوني للمجلس وحطولي موعد لجنه طبيه ،،
شافوا تقاريري وسألوني عن حالتي وبعدها عطوني أربع أسابيع ويراجع ،،
داومت لما دخلت شهري السادس وبالثامن غبت من الضغط والسكر ،، وبعدين وضع يعني السنه الدراسيه داومت فيها 3 شهور ونص بس ،،
والحمد لله لا خصم ولا غيره لا والمديره عطتني امتياز لأنها تعلرفني من سنين وعارفه شغلي ومقدره ظروفي الله يحفظها لعيالها ،،
بس زعلت لأن ما خذيت أعمال ممتازه هههههههههههههه ( صج طماعه)
بنات بسالكم اذا انا تعديت ال15 يوم من المستوصف ومجلسي الطبي نهايه الشهر
شسوي بالايام اللي يايه ؟ اخذها من المستوصف ويحسبونها لي المجلس الطبي بعدين او من خاص افيدونا
والخاص بس يعطي ثلاث ايام وتجددين
المستشفيات الخاصه كلهم يعطون إسبوعين كاملين مرضيه ،
أما المستوصفات الخاصه والعيادات من 3 إلى 5 أيام فقط ،،،
والمجلس الطبي يحسب كل المرضيات بس وإخذي نسخ منهم وإذا ما عندج إخذيهم من المدرسه إذا ما دزوها للمنطقه أو من الاجازات والدوام بالمنطقه التعليميه ،، وراجعي المجلس الطبي سهالات