ندآء الى كل المعلمآت ~

السلام والرحمة ،

ياصباح الجووري والياسمييين على معلمآت اجيال المستقبل ،

طبعا بالبدايه بقولكم انا مو معلمه بس طالبه بكلية التربية بجامعة الكويت اخترت التربيه مو رغبه مني ،
بس الظروف ساعات تحكم الوآحد ، ماعلينا على كل حال الحمدالله والشكر له ..

رغبتي بالبدايه كانت تخصص رياض الأطفال ~
بس كرهته لما شفت الاقبال الكبير عليه وخاصه ان انا علمي وتعبت بالثانويه
ونسبتي حلوه ومرتفعه ، فبامي اتساوى ودي اتميز ودي لما اشتغل يعرفون ان انا دشيت علمي ونسبتي كانت حلووه

فعلى شآن جذي يا معلماتنا العزيزآت انا اخترت تخصص رياضيات وعلوم هاذي رغبتي ~
لحد الحين ماتخصصت بس خلاص قررتت رياضيات وعلوم ، وحابه منكم تقولون لي
شنو السلبيات بتدريس الرياضيات وشنو الايجابيات ، للمعلوميه ابتدائي وليس ثآنوي

ارجع واعيد الهدف من كتابتي للموضوع – أبي اعرف الايجابيات والسلبيات بتدريس رياضيات للمرحله الابتدائيه
وشنو اللي حبيتوه بهالشغله وشنو اللي كرهتوه ..

وسؤال هم على الهآمش ( يصير بس اتخرج اتعين بوظيفة غير التدرييييس ؟ )

وكلي امل اني اشوف تفاعل منكم ..