بدعي لها بظهر الغيب اللي تساعدني

مادة حديث للمرحلة الابتدائية

بس للاسف انا تخصصى كيمياء

بس لاتنسى بالدعا ءترا بحاجته

7

7

لعبة البائع
بنت تلبسينها قبعة مكتوب عليها البائع وتكون معاها صور لأعمال تنفع المؤمن وأعمال لا تنفعه

وتطلبين من كل مجموعة تشتري صورة لعمل نافع من البائع

لعبة فكر وأجب
تخلين كل مجموعة تفكر بالصورة إللي عندها لمدة دقيقتين شلون هذي الأعمال تنفع الإنسان بعدين تبدين تناقشينهم فيها

لعبة ساعي البريد

بنت تلبس قبعة مكتوب عليها ساعي البريد ويكون معاها ظرف
تحطين فيه صورة بنت ومعاه رسالة مكتوب فيها مشكلة هذي البنت …
إنها درست للإمتحان عدل بس ليما قدمت الإمتحان غلطت ببعض الأسئلة
وإنها تقول دايما ..لو كنت سائلة الأبلة جان عرفت ..لو إني قاعدة وماخذة وقت زيادة جان عرفت ..يعني تكثر من كلمة لو

بعدين خلي كل مجموعة تفكر ترد عليها من خلال الحديث المقرر
وعقب ما تاخذين الحلول لمشكلتها وزعي على كل مجموعة ورقة مكتوب عليها كلمة ((قدر الله وما شاء فعل ))

وتطلبين من كل مجموعة تلون الورقة بعدين كل الصف يرد على مشكلة البنت من خلال قراءة

(( قدر الله وما شاء فعل )) من الورقة إللي لونوها

لعبة الميكرفون المتنقل

ييبي ورقة مرسوم عليها ميكرفون وقصيها على شكل الميكرفون وخلي الميكرفون يتنقل بين البنات مع تشغيل أي نشيد وأول ما توقفين النشيد البنت إللي يوقف عندها النشيد تقرا الحديث وبعدين يرجع الميكرفون يتنقل بين البنات مع النشيد ونفس الطريقة البنت إللي يوقف عندها الميكرفون تقرأ الحديث ..هذي اللعبة حلوة عن تجربة وتساعدهم على الحفظ
7

7
التقويم لعبة الظرف المخفي

تقدرين تيبين ثلاث أظرف تكتبين فيها الأسئلة
وتخشينها بالصف وتطلبين من البنات يبحثون عنهم
وإللي تلاقي الظرف تقرأ السؤال للبنات

أتمنى أكون أفدتج يالغالية بهذي الأفكار البسيطة