بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
سلام عليكم جميعا ً ^__^ شلونكم أبلات وشخباركم ؟؟
كل عام وانتوا بصحه وعافيه .. وعساها تكون سنة خير عليكم يا رب ^^
:
عندي استفسار بخصوص الإشراف الإداري .. شنو المطلوب من المشرفه الإداريه تسويه ؟
شلون تتعامل مع مربيات الفصول اللي هي مسئوله عنهم ؟
شلون ممكن تحافظ على جناحها بصوره حلوه وتكسب تعاون الطالبات ؟
والسؤال الأهم .. شنو مميزات الإشراف الإداري وشنو سلبياته ؟؟
أعتذر على كثرة الأسئله … بس أتمنى ألقى إجابات شافيه لتساؤلاتي 
ويعطيكم العافيه معلماتنا .،
سلام عليكم جميعا ً ^__^ شلونكم أبلات وشخباركم ؟؟
ويعطيكم العافيه معلماتنا .،
كل عام وانتوا بصحه وعافيه .. وعساها تكون سنة خير عليكم يا رب ^^
:
عندي استفسار بخصوص الإشراف الإداري .. شنو المطلوب من المشرفه الإداريه تسويه ؟
شلون تتعامل مع مربيات الفصول اللي هي مسئوله عنهم ؟
شلون ممكن تحافظ على جناحها بصوره حلوه وتكسب تعاون الطالبات ؟
والسؤال الأهم .. شنو مميزات الإشراف الإداري وشنو سلبياته ؟؟
أعتذر على كثرة الأسئله … بس أتمنى ألقى إجابات شافيه لتساؤلاتي
ياليت البنات يفيدونا
مثلا هي مسؤولة عن تواجد الطالبات في الصفوف وعدم إحداث اي شغب
ومسؤولة عن مدى سرعة وصول المعلمات لفصولهن ( واذا تأخرت تصير فتينية وتبلغ الادارة علشان يعاقبون المعلمة المتأخرة
)
طبعا مو الكل فتينيات البعض
من مميزاتها انها تكون محبوبة عند الادارة ،
ما تاخذ حصص اخيرة ولا أولى
هذا اللي اعرفه
اسرع وسيلة للكبر بالعمر والشكل
ومشاكله ماتخلص
واذا تسرتي على الابلة اعتبرتج الادارة متساهلة ومتسيبة
جزء من وقت حصتج يضيع لانج قاعدة تشرفين على جناح كامل وماتدخلين الحصة الا وكل شيء اوكي
واذا دخلتي حصتج اتكونين تعبانة
اتجيكين على الابلات المناوبات بالفرصة وتفرين على اماكن المناوبة
ولازم تكونين متواجدة قبل الساعة 7 اذا كان هذا اليوم اهو المخصص لمراقبة مناوباتج
مسؤولية الدرجات النهائية عليج ولازم اتراجعين كل فصول الجناح اللي انتي مشرفة عليه
ميزاته : يقولون انج اتحصلين امتياز! اخذته وماشفت امتياز
ممكن يتساهلون معاج بالاستئذان 00 يعني مايحققون معاج اذا طلبتي استئذان
الاشراف الاداري اللي ماسكينه عندنا اهم المعلمات الوافدات لان الكويتيات يرفضونه
ما ترتاحين من الجرس لازم تركضين لي الجناح ولا بصير فوضى
و الاداره بدال ما تعور راسها و تعاقب البنات تعاقب المشرفه انها مو شايفة شغلها
دايما تتاخرين عن حصتج لانج تنطرين المعلمات على ما ايون حصصهم عاد انتي و حظج يو مبجر و لا حصلهم ظرف و تاخرو
و هم لازم اتبلغين معلمات الاحتياط اذا ما عندهم خبر او معترضين
و الصبح لازم المشرفة توصل مبجر و توقف و ترتب جناحها للطابور و تتاكد من تواجد كل معلمه مع فصلها
يعني تعب تعب و ماني شايفه ان له اي امتيازات
يعطونج احتياط عادي و مطلوب منج الانشطه و الاجازات حالج حال كل المعلمات [/b][/b][/b][/b]
شكرا جزيلا حبيبتي " إطلالة قمر " ع الشرح الوافي ~[; والله ماقصرتي غلاآتي .،
وأشكرج خيتوو " james546613 " ^.^ ربي يعطيج الصحه والعافيه قلب .،
لوووووووووولز " Turquoiseya " ضحكتيني على سالفة أسرع وسيله للكبر ~P; عاد انا يبيلي لأن شكلي نتفه خخخخخخ
وتانكس ألوووت " أحاسيس ومشاعر " ع الرد والمشاركه قلبووو (=
& يسلمووو " يابختي^كويتيه " والله ماقصرتي حبي ^_^ وآنا حدي متخوفه إني اغلط وينقلب كل شي ضدي =
مشكوووووووووورين بنات ماقصرتوا والله على هالمبادرة الطيبه منكم ^^
.. عساكم ع القوه خواتي ((=
خذيته مره ولعبت فيني الشمس لعب تعبت بشرتي حتى لو في مظلات
أنا رفضته هالسنه
– تكونين علاقات طيبه مع بعض المدرسات ,,, ولو ان الاغلبية مايحبون المشرفه لان ممكن تفتن عليهم إذا تأخروا
سلبياته :: تعب وضغط زياده على حصصج و تكونين مسؤوليه عن شهادات البنات ومراجعتهم مع المربيات ,,, وقفتج بالطابور ولازم تحضرين مبجر وماتنصرفين من الطابور إلا إذا تحرك اخر صف
والله يكتب لج الخيره
خذيته مره وتبت ماعطوني ولاميزه بالعكس تحقيق مو طبيعي كل مابغيت منهم شي
مميزاته:1- تصيرين رشيقه من كثر ماتروحين وتردين
2- تان رباني