بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم و رحمة الله و بركاته
أنا خريجة تربية تخصصي علوم و رياضيات ابتدائي
و محتارة شاختار تدريس علوم و لا رياضيات؟؟
مع العلم إني نزلت ميداني رياضيات …
أرجوكم قولولي شنو أحلا ؟؟؟؟
و شنو المميزات ؟؟؟
و شنو العيوب ؟؟؟
أرجوكم بالله عليكم ساعدوني ..
السلام عليكم و رحمة الله و بركاته
أنا خريجة تربية تخصصي علوم و رياضيات ابتدائي
و محتارة شاختار تدريس علوم و لا رياضيات؟؟
مع العلم إني نزلت ميداني رياضيات …
أرجوكم قولولي شنو أحلا ؟؟؟؟
و شنو المميزات ؟؟؟
و شنو العيوب ؟؟؟
أرجوكم بالله عليكم ساعدوني ..
وعليكم السلام والرحمه
هلا والله المها شلونج حبيبتي شخبارج
انتي نفس تخصصي ونفسي كنت ميداني رياضيات ، بس بالتعيين على طول حطوني علوم حتى ما اسألوني بس ترا عادي اذا تبين رياضيات قوليلهم ابي رياضيات ما اتوقع يردونج لان احنا تخصصنا مو مساند الاثنين اساسين ودرستا مواد العلوم والرياضيات بالجامعه
اما عن العيوب والمميزات بصراحه كل ماده لها مميزات وعيوب العلوم الي يغثج تودين الطلبه المختبر وتردينهم الصف بس الطلبه يستوعبون العلوم اكثر من الرياضيات يعني الشرح ما يتعبج كثر الرياضيات ولو ان الحين مناهج رابع وخامس دسمه بس اهون من مواضيع الرياضيات ووسائل العلوم شوي مكلفه وشكثررر
اما الرياضيات وسائلهم بسيطه وتتكرر في اكثر من درس وتدرسينهم بالصف لا مختبر ولا غيره بس الشرح يتعب اكثرر من العلوم شلون توصلين المعلومه وجذي
انا اقولج استخيري وشوفي وين يحطونج علوم ولا رياضيات ،،
والله يوووفقج بوظيفتج وترتاحين فيها يارب
بس انا اشوف العلوم اسهل من الرياضيات و فيه تنوع
بس نشاطاته وايد و مسابقات و غيره
بالاضافه الي الاشياء الي اذكرتها الاخت يا ليل ما اطولك بخصوص الوسائل
موفقه انشالله
العلوم لوووووعه مختبر وحصص اخيره اعرف وايد ابلات علوم حولو رياضيات
زين أنا عندي فكرة عن الرياضيات
تعب بالشرح و المعلومات تراكمية و لام تصحيح كتابين بالحصة
بسأل شلون طريقة مادة العلوم؟؟؟
في تصحيح كتب بالحصة؟؟
و ليش التوجيه غثيث؟؟
و شلون المادة مهضومه ولا صعبه ؟؟
حبيبتي المها ألف مبروك التخرج
والله يوفقج يا رب
أنا بعد مثلج خريجة علوم ورياضيات
وكنت ميداني علوم واخترت بالتعيين علوم
أول شي انتي شنو ميولج تحبين تدرسين علوم ولا رياضيات
يعني مثلاً أنا أحب الرياضيات أكثر من العلوم لما كنت أدرس
بس بالتدريس أحس العلوم تدريسه أسهل ومتعته أكبر
وأوافق أختي يا ليل مطولك
اما الرياضيات وسائلهم بسيطه وتتكرر في اكثر من درس وتدرسينهم بالصف لا مختبر ولا غيره بس الشرح يتعب اكثرر من العلوم شلون توصلين المعلومه وجذي
وبالنسبة حق الوسايل لا تخافين يعتمد على المدرسه الي انتي فيها
في مدارس مختبراتها مجهزه بكل الوسايل
وفي مدارس تجهيزاتها بسيطه
وتوجيه العلوم ما احسه غثيث ولا شي وأحسن من التواجيه الثانيه
والله يوفقج يارب
إذا عندج اي سؤال لا يردج الا لسانج
زين بسألج دام عندج خبرة بالعلوم
شلون تحضير الدروس ؟؟ صج يكون جاهز بـ سي دي؟؟
و كم حصة تدرسين باليوم و بالأسبوع؟؟
و شنو الأنشطه المطلوبه منكم؟؟
و شلون طريقة تصحيح الكتب؟؟
و شلون طريقة سير الحصة؟؟
يعني بالرياضيات نبدا بمثال حسي ملموس
بعدين مصورات بعدين مجرد و نحل الكتاب الملون و بعدين تقييم بعدين نحل التمارين و لازم أثحح كل الكتب..
العلوم شلون ؟؟
علشان أعطيج تفاصيل أكثر
أول شي بالنسبة لنصاب معلمة العلوم
فيختلف من مدرسة لي مدرسة
بس كل صف تدخلين عليه 3 مرات بالأسبوع
في مدارس يكون فيها مدرسات وايد والصفوف شويه فيكون نصاب المدرسات 6 حصص بالأسبوع
وممكن 9 وممكن 12 وحدنا 15
وإذا في نقص حااااااد ممكن توصل 18 حصة مثل ما صار بمدرستنا للأسف بس لفترة مؤقتة
وهم في شغله ثانيه بالإضافة حق حصص العلوم الي تعطينها في مادة " مهارات الحياة "
ممكن يحوشج صف تعطينهم حصه كل أسبوع
راح أعطيج مثال: إذا كان نصابج 9 حصص بالأسبوع مع مادة المهارات يصير 10
يعني نصابج يعتمد على عدد مدرسات القسم + عدد الصفوف
أما مهارات الحياة فيعتمد على طريقة توزيع رئيسة القسم
وبالنسبة حق تصحيح الكتب
عندنا كتاب التلميذ هذا ما فيه كتابة ولا تصحيح حق 1 و2 و3
رابع وخامس ما أدري لأني ما درستهم
الي يتصحح عندنا " كراسة التطبيقات "
أغلب الدروس فيها أنشطة وكلمات جديدة تنحل بكراسة التطبيقات
وتقدرين تصححينها بالحصة وتقدرين تجمعين الكراسات وتاخذينهم معاج المكتب
وحاولي كثر ما تقدرين تصححين أول بأول
ولا تنسين تكتبين التاريخ وتوقعين على كل درس
أرجع مره ثانيه وأرد على باقي الأسئلة
وإن شاء الله قدرت أفيدج
انا اقدر افيدج بالعلوم و انشالله عضوه ثانيه اتفيدج بالرياضيات صحيح انتي درستي ميداني رياضيات و عندج معلومات عنه بس يظل المعلمة الاساسيه لها تكاليف ما تتكلف فيها معلمة الميداني مثل الدرجات و الامتحانات و غيره
اقولج بعض الاشياء عن العلوم
بالنسبه للاختبار فالعلوم يعتمد على شي اسمه اطار نلتزم فيه و الامتحان ما يطلع منه للصف الرابع و الخامس
لنا اربع مهارات انقيسها في كل فتره و دفتر المتابعه خانات التعبئه محدده من التوجيه بالنبود الي فيها
ما عندنا سيديات جاهزه تحضير بس التحضير من دليل المعلم و تلتزمين فيه اذا حابه اتزيدين عليه مثلا مشهد تمثيلي او فلم تعليمي مو مشكله بس انج تلغين بند في دليل المعلم في التحضير لا ممنوع
في العلوم عندنا حلقات تعلم اهي الي تحدد لج مسار حصتج بدايه الحصه من قدم و علم و طبق و قيم و توسع
الحصص تعطينها بالمختبر الا اذا في تعارض ممكن تعطين الحصه في الصف و الي يحدد خروج المعلمة اهي الي وسائلها اخف تطلع
بالنسبه للحصص اعلا نصاب ١٥ حصه بالاسبوع و هالشي يحدده عدد زميلاتج بالقسم كل ما كثرتوا كل ما قل النصاب
عندنا كراسه التطبيقات و فيها تطبيق للحصه و حلها بسيط لاولي و ثانيه و ثالثه و يمديج اتصلحين في الحصه اما رابعه و خامسه اغلب حل في الكراسه مرتبط بتجارب في الحصه
يمكن في شغلات ما قدرتي تفهمينها لان يبيلها نموذج اطالعينه
بصراحه انا ما ايد الي تكون ميداني رياضيات اتدرس علوم و العكس
هالشي وايد اعاني منه في بدايه السنه لما يكون عندي تعيين يديد كانوا ميداني رياضيات و حطوهم علوم على طول شغاله معاهم برامج انماء مهني
موفقه حبوبه و اي شي تبينه بالعلوم انا حاضره *
ناطرتج ..
انا اقدر افيدج بالعلوم و انشالله عضوه ثانيه اتفيدج بالرياضيات صحيح انتي درستي ميداني رياضيات و عندج معلومات عنه بس يظل المعلمة الاساسيه لها تكاليف ما تتكلف فيها معلمة الميداني مثل الدرجات و الامتحانات و غيره
اقولج بعض الاشياء عن العلوم
بالنسبه للاختبار فالعلوم يعتمد على شي اسمه اطار نلتزم فيه و الامتحان ما يطلع منه للصف الرابع و الخامس
لنا اربع مهارات انقيسها في كل فتره و دفتر المتابعه خانات التعبئه محدده من التوجيه بالنبود الي فيها
ما عندنا سيديات جاهزه تحضير بس التحضير من دليل المعلم و تلتزمين فيه اذا حابه اتزيدين عليه مثلا مشهد تمثيلي او فلم تعليمي مو مشكله بس انج تلغين بند في دليل المعلم في التحضير لا ممنوع
في العلوم عندنا حلقات تعلم اهي الي تحدد لج مسار حصتج بدايه الحصه من قدم و علم و طبق و قيم و توسع
الحصص تعطينها بالمختبر الا اذا في تعارض ممكن تعطين الحصه في الصف و الي يحدد خروج المعلمة اهي الي وسائلها اخف تطلع
بالنسبه للحصص اعلا نصاب ١٥ حصه بالاسبوع و هالشي يحدده عدد زميلاتج بالقسم كل ما كثرتوا كل ما قل النصاب
عندنا كراسه التطبيقات و فيها تطبيق للحصه و حلها بسيط لاولي و ثانيه و ثالثه و يمديج اتصلحين في الحصه اما رابعه و خامسه اغلب حل في الكراسه مرتبط بتجارب في الحصه
يمكن في شغلات ما قدرتي تفهمينها لان يبيلها نموذج اطالعينه
بصراحه انا ما ايد الي تكون ميداني رياضيات اتدرس علوم و العكس
هالشي وايد اعاني منه في بدايه السنه لما يكون عندي تعيين يديد كانوا ميداني رياضيات و حطوهم علوم على طول شغاله معاهم برامج انماء مهني
موفقه حبوبه و اي شي تبينه بالعلوم انا حاضره *
يا رب يرزقج من حيث لا تحتسبين انتي و كل اللي ردوا ع الموضوع
زين يعني حلقات التعلم هم نفس الرياضيات ..
شلون الأنشطه يقولون العلوم أنششطتهم زيادة صج ؟؟
شنو هالأنشطة؟؟؟
قصدهم بالحصة ولا المسابقات على مستوى المنطقة ولا تمثيليات بالطابور؟؟
مو فاهمه شهالأنشطه؟؟
شلون المراحل الثانية؟؟
علشان توضح لج الصورة
وفي مسابقات على مستوى المنطقه كل سنه تختلف نوع المسابقه هالشي يوصل عليه نشره بدايه السنه
اما انشطه الصف يحددها التحضير في دليل المعلم و اطبقينها حابه اتزيدين هالشي راجع لج
طبعا بالنسبه للمسابقات و نشاطات المدرسه انتي مو مجبره فيها
انا في بدايه السنه مثلا اطرح المسابقه و موضوعها على معلمات القسم و اقولهم الي حابه اتشارك بالمسابقه اتبلغني
احاول كل سنه اغير معلمات المسابقه علشان تتنوع الافكار و ما يكون في معلمات مضغوطات كل سنه
اما الباجي الي ما اخذوا المسابقه تلقينهم يدورون مواضيع ثانيه مثل ورشه عمل و درس ريادي و هذي الاشياء مو اجباريه بعد