كرهت التدريس والسبه ؟؟

حبيبتي ابلة لوله ماعليه تحملي اهما يضحكون لانه بالبدايه لازم يصير جذي

اعطيج من الاخر سوي لوحه تشجيعيه وافتكي منهم اللوحه اللي تحطين فيها قول goal

والمجموعه اللي يكونون شطار ويسمعون الكلام جدميهم خط لمدة اسبوع عقبه تكافئينهم

وكسبيهم ترى ابلات الصبيان دايما يقولون انه الصبي تعتمدين عليه مو نفس البنيه

واللي يجاوب قوليله كلام شجعيه (على حسب مادتج) وضيفي عليه يا بو فلان راح يتشقق

الولد يحس انه كبير وتخف شطانته …

وتحملي يمكن خيره عطي نفسج وقت وترى ساعات حتى احنا اللي ندرس بنات خصوصا

الصغار مانقدر نعطي شي بالحصه بسبة الازعاج علشان جذي حاسه فيج والصبيان طبعا

دبلات … دايما سويلهم اشياء تحفزهم وتقعدهم وحاولي تخلين كل واحد مسؤول عن شي

دشي اول يوم بيدج شي غريب خل يطخون بالبدايه وحاولي تحضيرج يكون منوع ومايملل

علشان لا يشيطنون ودامج مسويه لوحه شي يحفزهم صدقيني راح يتغيرون بس على ايدج

احنا الكبار الكلام الحلو والتشجيع والتشويق نموت عليه اشلون الصغار؟!

قرقت عليج وايد .. بس حاولي سوي جم شغله صدقيني يابت وياي نتيجه مو مجرد كلام

وبلغينا بعدين شيصير وياج

و الشياطين ما راح يدشون السحب

واطلبي من المشرفة تزفهم أو أي مدرسة عصبية وتدخل معاج وتقول أي ولد يشاغب يا أبلة طرشي لي اسمه

وشوفي إذا ما تسنعوا

ولا يصير فيج إحباط ترا أغلبنا مرينا بهالمرحلة
مع الأيام بتتعودين وتتعلمين

حاولي تجذبينهم بالهدايا يعني جيبي مثلا بدله على برشلونه و إلا اي فريق معروف و سوي عليها سحب آخر الاسبوع

و اللي يجاوب صح دخلي اسمه السحب
و كل يوم جيبيها معاج

حاولي تجيبين لهم هذايا من بو اميه
اذا كلش ما نفع خلي الناظرة تدخل عليهم و تهددهم انها توقفهم يوم كامل بالساحه

الله يعينج

لا عزيزتي شوفي اكثر واحد مشاغب وطلعيه او ودي اسمه للإخصائية وشوفي اذا ماخاف وارتعب
وفعلا روحي بعد الحصة للإخصائية وخليها تجيبه وتهدد انها تكلم ولي امره

اقتباس:

المشاركة الأصلية كتبت بواسطة دخون ازرق حبيبتي دخلي مكشره ويهك وطقي عالطاولة حيل بعدين اللي يتحرك او يشاغب قولي لهم راح اوديكم للادارة. .يعني خرعيهم لا تعطينهم وجه كلش. .ابدي درسك وقولي لهم ممنوع احد يسأل اي سؤال خارج الدرس ولاارا تاوديه للناظرة بالحزم راح يصيرون معاك اوكي لين ياخذون عليج بعدين شجعيهم بالهدايا

شاكره لج مرورج اختي العزيزه ..
بس ما ينفع معاهم هالاسلوب جربته والله دشيت منفسه الحصة الثانيه وماكو فايدة بالعكس استفزوني اكثر ..
انا مادري المدرسة اللي فيها بمنطقة راقيه المفروض عالاقل يكون في أدب ..
بس حدث ولا حرج ..
يراددون ولسانهم طويل اخس من البنات

المهم اكمل لج

انا نقولني مدرسه وداومت شهر 10 … فتامروني علي المدرسات وعطوني اسوأ صف واثنين من طلبه الفصل الناظره بكبرها تشكي منهم…
المهم بعد شهر وبدون مبالغه وبفضل الله وبفضل نصايح الدكتور ابراهيم الخليفي …. صرت اروح لصفي بابتسامه وغيري يروح بعصايه !!

والنصيحه الاهم انج اذا عطيتهم قرار لازم تمشين عليه لو يصير مايصير لاتغيرينه ولاتوعدينهم وتخلفين بوعدج

يعني انا اول مادخلت الصف .. قلت بكل برود اللي مايبي حصتي يقدر يطلع برا … هو حر !
سكتوا ومحد طلع وقاموا يوزعون ابتسامات

وبعدها طالب سوا ازعاج قلته انت مبين عليك ماتبي حصتي اطلع برا انا ماقدر اشرح بسبه ازعاجك (يعني عامليه مثل الكبار بالضبط وكلميه باحترام) … سكت وبعدها رد سوا ازعاج … قمت طلعته برا غصب .. وقف عند الباب وقام يبجي خايف من الاخصائيه وقعد يبجي عند الباب يترجاني ادخله … وقفت الحصه ومسكت الباب بايديني وقلت له ربك واحد ماتدخل !!

من بعدها صار مؤدب

الثاني واللي اهوا مفصول كذا مره روضته باسبوع …. قلت له اطلع برا … قام نط وطلع برا فرحان بعدها بدقيقه رجع معاه ورقه من الناظره وعطاني اياها يبي يدخل … شقيت الورقه وقطيتها بالزباله عزج الله .. وقلت له هذي حصتي مو حصه الناظره (وانا مبتسمه)
وانت ماراح تدخل حصتي من يوم ورايح الا اذا اقنعتني انك تستحق اني ادرسك … رجع وقعد عند الاخصائيه

ثاني يوم جايني يقول (انا جاي ابي ادرس وابي اتعلم ) سمحت له يرد للفصل بس حيل تعبني خلال السنه

في النهايه انا مابي اخرعج …. بس دايما الانطباع الاول اهو الغالب وانتي عطيتيهم انطباع انج ماعرفتي تسيطيربن عليهم )