خلونا نسولف عن المواقف الي صارت معانا

السلام عليكم بنوتات

كل وحده فينا اكيد مرت عليها او صارت لها مواقف ( عجبتها او ما عجيتها ) سواء بالمدرسه او بالجامعه او بالمعهد …
خلونا نسولف عن هالموافق الي صارت لنا و نضحك او نعلق عليها مع بعض

خل ابدي انا اول

اول موقف بايام الثنويه كانت عندنا مدرسه عربي ان شافت وحده تكتب على الطاوله تمسكها و تكتب على ايدها " حب الوطن امانه " وتعطي محاضره شطووووووووولها و شعرضها على الموضوع ,, اهو صح ان الموفروض البنات مايكتبون على الادراج ,, بس بغيت اعرف يعني الحين حب الوطن امانه بس النظافه مو من الايمان ! الي تخليها تشخبط على ايد البنات على بو بتكتب على ايدهم حب الوطن امانه ؟! لوووول والله الحركه تضحك

و في بعد موقف صادفني اول ما دخلت الجامعه وااااااااي هالموقف جد جد يعور القلب في طالب مستجد من ذوي الاحتياجات الخاصه ,,, و ابوه يعني تعطونه عمر اخر الخمسينات او بدايه الستينات ,,, تخيلوا الابو بنفسه ايي يدز ولده بالويل جير يوميا و ينقله من محاضره لي الثانيه و ينطره على ما يخلص محاضرته عشان يوديه لي المحاضره الثانيه صيف شتا الريال كله مع ولده ,,, لمن اشوف الابو ينطر بروحه بالكراسي يعور قلبي لا جد لو تشوفونه قلوبكم تتعور عليه

و اخر موقف بقولكم عنه بدايه هالكورس ,,, يدرسني دكتور مسكين تعبان و مريض و يمشي على عكازه و مشيته شوي صعبه ,,, قالنا شرايكم لو انقل المحاضره كلاس ثاني يكون بالمبنى الي فيه مكتبي لان صعبه علي المشيه من هني لي المكتب واذا ما ترضون عادي قولوا ,,, جان تنط وحده من البنات لااااااااااا لااااااا دكتور احنا يوم سجلنا جداولنا على اساس بهالمبنى ما نبي نغير @@ ,,, يعني مادري شقول عن البنت و عن طريقتها بالرد ,,, لا تعليق عليها ,,, و هم اهو مسكين قالها خلاص دام هالشي ما يعجبكم انا راضي وصح كلامج انا مايصير اطلب منكم شي وانتوا مسجلين جداولكم على شي ثاني ,,, على فكره يعني البعد من مبنى المحاضره و المبنى الي طلب منا الدكتور نروح له ما ياخذ دقيقتين

و في موقف بعد لوووووول ماكنت ناويه اكتبه بس خلونا نضحك شوي اول كورس لي بالجامعه وحده من البنات قالت لي خل نروح نمر دكتور بساله سؤال و ماكان باقي على محاضرتنا الا عشر دقايق و تبدي ,,, قلت لها مايمدي وانا نوعيتي ما احب اتاخر على محاضراتي ,, قالت لي لالا عفيه يلا بسرعه ما نطول قلت لها اوكي ,,, واحنا رايحين و اهي دايسه خطواتها كبيره وانا معاها لول المهم وصلنا المبنى مال الدكاتره فيه جم دريه واحنا قاعدين نصعد ولا اتعرجب انا امبييييييييييييي لالا موقف محرج اشوه ان ما طحت ولا تكوكست لووول بس بين الي ملاحظني اني انحنيت لي جدام لوووووووووول من يومها ما قمت البس اللبس الي كنت لابسته ولا الجنطه الي كنت شايلتها لووووووول

ويلا دوركم الحين قولوا لنا المواقف الحلوه و المو حلوه و الي تضحك

المواضيع المتشابهه:

• ..ط¹ظ†ط¯ط¬ ظ‚طµظ‡ ط¹ظ†ظ€ [ ط§ظ„ط¬ظ† ] ..ظ‚ط±ط¨ظٹ ط§ظ„ط؛ظ†ط¢ظ‡ ط®ظ„ظˆظ†ط§ ظ†ط³ظˆظ„ظپ ط´ظˆظٹ ظˆط§ظ„ظ„ظٹ طھط®ط§ظپ طھط¸ظ‡ط± ظ‚ط¨ظ„ ظ…ط§ ط£ط±ظˆط؛ظ‡ط§..
• *& ظ…ظ† ط¨ظٹظ† ط§ظ„ظ†ط§ط³ ط­ط¨ظٹطھظƒ (ظ‚طµط© ط³ط¹ظˆط¯ظٹط©) ظ…ظ† ط£ط¬ط²ط§ط، &*
• ط›ط›>ظٹط§ط­طµط© .. ط³ط§ط±ط© ظپط¯طھظƒ .. ظ…ط±طھظٹظ†! <ط›ط›
• ط¹ظ†ط¯ظ…ط§ ط¨ط¯ظ‡ ظ‚ظ„ط¨ ط´ط§ط¨ ظٹط­ط¨ ط³ط§ط±ظ‡