بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلاااااااام عليكم ورحمة الله وبركااته
انا توني خريجة ثانوية عامة من القسم العلمي ونسبتي 68%
ومفكرة ادش كلية الدراسات التكنلوجية تخصص هندسة كمبيوتر..بس مترددة
انا بصراحة حابة التخصص بس مو عارفة شنو مستقبله وشنو ممكن اتوظف ..
فبغيت اسأل اهل الخبرة هل التخصص سهل ؟ صعب؟ وشنو المواد اللي ادرسها؟؟ وشلون اجواء الكلية بشكل عام؟؟
وعندي سؤال .. هل ممكن عقب ماخذ الدبلوم اكمل بكالوريوس واصير مهندسة كمبيوتر رسمي يعني حالي من حال اللي يتخرجون من كلية الهندسة ؟!!
ووين ممكن اخذ البكالوريووس؟؟
وممكن تقولون لي جم المعاش تقريبا سواء اذا كانت شهادتي دبلوم او كملتها بكالوريوس ؟؟
سووري ثقلت عليكم بالأسئلة بس حيييل محتاجة لمساااعدتكم 
وثااانكس مقدماا 
السلاااااااام عليكم ورحمة الله وبركااته
انا توني خريجة ثانوية عامة من القسم العلمي ونسبتي 68%
ومفكرة ادش كلية الدراسات التكنلوجية تخصص هندسة كمبيوتر..بس مترددة
انا بصراحة حابة التخصص بس مو عارفة شنو مستقبله وشنو ممكن اتوظف ..
فبغيت اسأل اهل الخبرة هل التخصص سهل ؟ صعب؟ وشنو المواد اللي ادرسها؟؟ وشلون اجواء الكلية بشكل عام؟؟
وعندي سؤال .. هل ممكن عقب ماخذ الدبلوم اكمل بكالوريوس واصير مهندسة كمبيوتر رسمي يعني حالي من حال اللي يتخرجون من كلية الهندسة ؟!!
ووين ممكن اخذ البكالوريووس؟؟
وممكن تقولون لي جم المعاش تقريبا سواء اذا كانت شهادتي دبلوم او كملتها بكالوريوس ؟؟
سووري ثقلت عليكم بالأسئلة بس حيييل محتاجة لمساااعدتكم
وثااانكس مقدماا
شوفي انا مادرست بكلية التكنولوجيا غير كورس وبعدين حولت فماراح اقدر افيدج وايد
بس ما حبيت اطلع بدون ما ارد عليج أجواء الكلية كانت وايد حلوه
والدراسة بالانجليزي واذا يبتي معدل قوي تقدرين تحولين كلية الهندسة وتكملين
وسوري هذا بس اللي اعرفه والله يوفقج
وودي اساعدج
اولا مبرووووووووووووك على التخرج
مستقبله حلو ومفتوووووح بكل مكان تقدرين تدخلين ان كان قطاع حكوني ولا خااص
مو سهل ولا صعب ,,, للي حاب التخصص ويحب الكمبيوتر ماكو شي صعب بالعكس مع الدراسه كل شي بيكون سهل عليج
المواد واااجد منها صيانه كمبيوتر ..وشبكات كمبيوتر ..ودوائر رقميه وكهربيه .. رسم هندسي والبكتروني ,, اتصالات المعلومات الرقميه .. الكترونات ,, نظم تشغيل كمبيوتر .. وواجد ببعد
الاجواء حلوه لان نظام تصميم الكليه صاير بنص المبنى سكوير كله طاولات وكراسي وكل البنات يم بعض
بعد ما تتخرجين من التكنلوجيا تقدرين تقدمين على جامعة الكويت كلية الهندسه بس لازم يكون معدلج عالي فوق 3.5 ويعادلون تقريبا 3 وحدات بس << في ثنتين من رفيجاتي انقبلوا بالهندسه قالوا بس ثلاث وحدات عادلوها وان يبيلهم 5 سنين تقريبا عشان يحولون اول سنه تكون تمهيدي بعدين يتخصصون !!
وعندج طريقه ثانيه اللي الحين احنا يالخريجات راح نتبعها ,, ان سنه 2017 جامعة الشرق الاوسط راح تفتح تخصص هندسة كمبيوتر ورااح نسجل فيها
يعني انتي ان شاءالله على ما تتخرجين من الكليه سيده رووحي سجلي بالجامعه بالبعثه الداخليه وان شاءالله يوافقون عليج التعليم العالي وتدرسين على حساب الدووله بــس لازم تجيبين معدل عالي عشان تكون الاولويه لج
حاولي تبتعدين عن السوالف واللعب بالكليه واهتمي بدراستج اذا تبين مستقبل حلو ,, مو تسوين مثل اكثر البنات يقعدون مع رفيجاتهم طول اليوم ضحك وسوالف وطناش بالدراسه واخر شي ياخذون انذارات والمعدل ينزل واخر شي تتحسف لى المعدل لانها ماراح تقدر تكمل دراستها
عن المعاش ماعندي خبر جم ,,, بس اكيد البكالريوس اعلى
وغير جذي والاهم المسمى شرايج انتي ايهم احلى ينادونج مساعد مهندس كمبيوتر ولا مهندسة كمبيوتر
اكيد المهندسه
بالتوفيق
و واحد من اهلي يصيرلي من بعيـد بس توظف بالخاص ومعروف الخاص معاشاتهم أعلى يعني معـاشه 800 وشويـة
آنـا مو بالكليـة بس كل من ينصحنـي فيـه وشكثـر سألت عنـه وكنت أبيـه رغبتي الأولى لأن افضل مستقبل بالتطبيقي للعلمي بس غيـرت باللحظة الأخيـره يوم عرفت ان فتحوا تخصص بيـئة قلـت ابي أحول حقـه لأن مو مقتنعه ادرس كمبيوتر .. بس هالتخصص وايد زيـن يعني ما بقى أحد من أهلي ولا بالمنتديات ولا من رفيجـاتي ما نصحني فيـه بس انا اتكلم عن هندسـه كمبيوتر مو التخصصات الثانيـه .. انتي إذا حابه مجـال الكمبيوتر راح تستانسين
بنـت خالتي تخرجت من هندسـة كمبيوتر دبلوم وبتـروح اتكمل بجامعه البحريـن سنتيـن زيادة .. لأن بكليـة الهندسه جامعه الكويت قالولهـا نقبلج بس تدرس من أول ويديد يعني جنها خريجة ثانوي يعني 5 سنين زيادة فرفضـت !! ومثـل ما قالت توته راح يفتحون هالتخصص بجامعه الشرق الأوسط الأمريكيـة اليديدة يعني في مجال انج تسجليـن فيها لا تخرجتي انشاءالله
. .
بمييزان اعماالكم ياااارب..انا الحمدلله اقتنعت بهالكلية والله يكتب اللي فيه الخير ان شالله ^_^
والله يووفق الجميييع ياااااااارب ..
إنقبلت بس وقفت قيدي لأني حامل .. و بكمل بالكورس الأول . من أول وجديد ..
بنات ..
آنا حدي متخوفه .. بس الله يعين …
وماافي شي صعب ع رب العاالمين ^_^
ويالتوفيق لناا كلنااا ان شاء الله
انا توني متخرجه من هالتخصص الجميل يعني افرش لوول
هل التخصص سهل ؟ صعب؟
في مواد سهله وفي مواد صعبه ولكن بشكل عام يبيله مجابل ودراسه اول باول
يعني ما يبيله لعب و تاجلين كل شي لوقت الامتحان لان راح تتوهقين واغلبيه المواد فهم و متراكبه على بعض يعني حاولي ما تطلعين من الكلاس الا فاهمه كل الي انشرح وردي البيت دايركت راجعي لو على اقل 5 دقايق قبل ما تنامين فتحي النوت واقري اشوي عشان تكونين فاهمه المحاضرة الي بعدها
وشنو المواد اللي ادرسها؟؟
اول كورس لج يكون جدولج جاهز وفيه مواد تخصص يمكن مادتين او ثلاث والباجي مواد عامه
نصيحه من قلب شدي حيلج اول كورس واييبي امتياز راح ترتاحين باجي الكورسات لان اسهل مواد اول كورس فاذا ظمنتي معدل عادي ماراح تحاتين شي
انا بتكلم عن مواد التخصص الاجبارية
عندج مادتين دوائر كهربائية- مادتين دوائر رقميه ( وهذي اسهل ماده تمر عليج )- دوائر الكترونية- رسم هندسي – رسم الكتروني- نظام تشغيل – شبكات 1 – لغة برمجه ( وغالبا تكون بين جافا و سي )- مايكرو بروسيسر ( همن ماده سهله تظمنين امتياز فيها ) – صيانه كمبيوتر -حاسبات(همن سهله وايد)- اتصالات ومعلومات رقميه
واخر ماده الي اهي ماده التخرج مشروع كمبيوتر وهذي الماده الي تطلع الروح لان بعد ما تدرسين كل مواد وتخلصين تاخذينها مع ميداني
مواد تخصص اختياري ( تختارين مادتين )
تطبيقات كمبيوتر – لغة برمجه 2 – شبكات 2 – هيكله كمبيوتر
ويبقى مواد اختياريه ومواد اجبارية غير تخصصيه مثل رياضيات وفيزيا
طبعا عندج ميدانيين اول ميداني تاخذينه بعد ما تجتازين 29 وحدة و وثاني ميداني تاخذينه مع مشروع تخرج وهذي اهم ماده لان تاخذينها بعد ماتخلصين كل مواد التخصص
بس ارد واقولج تبين مستقبل حلو ظمني ان اول كورس اتييبين اكثر من 3 نقاط
كتجربه لي انا اول كورس ايبت معدل 3.80 و تخرجت على معدل 3.55
هذا مو معناته ان دراسه صعبه ولكن حطي في بالج ان في دكاتره زينين وراعون وايد وفي دكاترة ما يخافون ربهم
وشلون اجواء الكلية بشكل عام؟؟
امممم زينه ولكن لما تخرجت هذا الكورس كان في ازدحام سكاني واايد بالكلية يعني قبل ماكان في زحمة وبنات اشوية ولكن الحين واايد بنات
بس نصيحه حاولي تبعدين عن نوعيه البنات الي راعيات طلعات و قعدات وكشتات بالمحاضرات لان ماراح تحسين بقيمه هالشي الا بعد ما تتخرجين وتشوفين معدل زين
هل ممكن عقب ماخذ الدبلوم اكمل بكالوريوس واصير مهندسة كمبيوتر رسمي يعني حالي من حال اللي يتخرجون من كلية الهندسة ؟!
كتجربه لي لاني سالت عن الموضوع
عندج جامعه الكويت تبي فوق 3.5 طبعا ما تعادل ولا وحدة لج حالج حال المستجدين طبعا
عندح استرالية نظامها تعادلج تقريبا 6 وحدات طبعا همن معدل مو اقل من 3.5 تدرسين سنتين او سنه ونص دبلوم واذا يبتي معدل 2.60 تقدرين تكملين بكالريوس عندهم ولكن اذا ما يبتي تاخذين دبلومهم وتقعدين في بيتكم لووول
يعني تصير عندج هواية تجميع دبلومات دبلوم من التطبيقي و دبلوم من الاستراليه
وعندج همن AUM مثل ما قالت الاخت توته
عندج البحرين ولكن حاليا موقفين اعتراف فيهم عاد ان شاء الله لما تتخرجين يكونون ردوا الاعتراف
وعندج بعد البعثات الي تكون على حساب الهيئة وتكون في لندن وامريكا
اما عن المعاش ادعيلي اتوظف واقولج جم معاشي
واي استفسار انا جاهزة واذا تحبين اقولج عند الدكاترة الزينين الي تظمنين عندهم امتياز مو مشكله حبيبتي
وسوري طولت وااايد عليج
موفقه ان شاء الله
خلي علاقتج ببنات الكليه سطحيه .. سوالف عاديه السلام وعليكم السلام وعن الدراسه وبس
لان البنات مادري شقولج ,,, لا يروح بالج بعيد ,, بس مصلحجيات
تشوف مصلحتها وتطنشج ,,, انا الحمد الله اعرف كل بنات الكليه علاقتي فيهم ممتازه بس ما طلعت من الكليه الا ب3 صديقات بس وما صادقتهم الا بآخر كورس
تقدرين حبيبتي تسحبين بــس لا يقل عدد الوحدات عن 14 وحده
بعد عمري تسلمين انتي اختي
حبيبتي مثل ما قالت توته تقدرين تسحبين بس مو اقل من 14 وحدة
اهوه اساسا في امتحان قدرات انكليزي اذا اجتزتي الامتحان يعطونج 17 وحدة واذا ما اجتزتي يعطونج تمهيدي و 15 او 14 وحدة
طبعا اول كورس لج ماتقدرين تضيفين مواد تقدرين بس تنسحبين من ماده او مادتين
بس بشكل عاد مواد اول كورس سهله بس انتي عودي نفسج تدرسين اول باول
مواد اول كورس بشكل عام تكون غالبا
دوائر كهربائية 1 – انكليزي 1 او تمهيدي – فيزيا – رسم هندسي – تكنلوجيا ورش – حاسبات – رياضيات
اييي تذكرت معلوومه ترى دكاترة مواد التخصص يحبون البنت الي تهتم والي تدخل بخشمهم وااايد بالاسله يعني فرضا في شي ما فهمتيه بالمحاضره لا تستحين سالي مثلا المحاضره الي فاتت في نقطه نسيتيها بعد المحاضره سالي الدكتور في هوم ورك ما عرفتي تحليه روحي ساليه ولا تفكرين تنقلين من البنات
مثل ما قالت توته عن علاقاتكم في بنات الكليه حاولوا تخلونه سطحيه يعني مو بسرعه تطيحين الميانه وتقولين قصة حياتج للبنيه على ان رفيجتي وانتي ماتعرفينها عدل دربالكم
لان تدرون مكان فيه بنات بس يعني حش وتكلم على بعض لوووول
واي شي تبونه حبايبي سالوا
^
^
لوووووووول إي الحمـدلله بالأساس آنا بمكـان الدراسـه كلش ما احتك فبنـات إلا للدراسـه يعني مدرستي طلعت منهـا وانا متعرفـه على بس ثنتيـن قراب والباجي سـلاام وماقصـرتـوا على هالنصـايح الطيـبه
من كثر ما تكملت عن كليتي اشتقت لها.gif "Eh S(16)")
خاطري امر هناك اسلم على العميده واطلع من زمان ما شفتها