نداااء لبنات الطب المساعد محتاجينكم

اول شي..

هي فيها اكثر من تخصص اللي يدلكون اهو العلاج الطبيعي..

تبين تقوين نفسج بالانجليزي شوفي افلام بدون ترجمه ودشي دورات واقري كتب وجرايد انجليزيه ..

وهالمعلومات لقيتها بقوقل..

1-

العلاج الطبيعي : تخصص جميل وله مستقبل وبرستيجه حلو وفيه احتكاك مع المرضى .. لكن بنفس الوقت يبيله مجاابل وبدون المجابل ماراح تمشين .. لانه كمية المعلومات فيه كثيرة .. فهم وحفظ .. والدكاترة لج عليهم وبينهم خلافات على حسب ما سمعت من زملائي البيتاوية

الادارة : تخصص جميل حق الي يحب الادارة والتنسيق وهالسوالف .. دراسته اهي الاسهل ..

المختبرات : تخصص جميل .. وانا الي ملاحظة ان الاغلبية السحقى فيه بنات .. يقولون انه كمية المعلومات فيه كبيرة .. واغلبها مواد حفظ .. يعني يبيله ناس حفيظة .. والناس الي تعتمد على الفهم راح تلاقي صعوبة نسبية

الاشعة : هم تخصص جميل .. بس اهوا ينقسم قسمين .. تشخيصية ونووية .. التشخيصية صعبة وسهله بنفس الوقت وفيها مواد فهم ومواد حفظ .. يعني حق الطالب الي هاا بالنص .. وعلى طاري الخطورة .. اذا اشتغلتي صح فانشالله ماكو عليج شي .. وفيه اجهزة تقيس التعرض للاشعة .. وعموما الاشعة الي يتعرض لها اخوانا حدها شوية .. وربي يحفظ الجميع
وعلى طاري الاشعة النووية : تخصص جميل وله مستقبل خصوصا بعد استقدام جهاز البت اليديد .. المواد الي فيه نصها حفظ والنص الثاني فهم .. بس اهما ياخذون افضل 6 او 7 معدلات من المتقدمين

2-

انا بتكلم من منطلق تجربتي …

انا اول ما دخلت كنت ابي علاج طبيعي بس سبحااان الله … شفت انه مستقبل الاشعه وااااااااااااااااايد احسن خصوصا اني سألت كذا دكتور ودكتورة بالمستشفيات ومددحلوووولي ( الاشعه والعلاج )

فأنتي اول شي زين سويتي انج استخرتي .. لان الخيره فيما اختاره الله yes1

وثاني شي شوفي الشي الي تحسين انج مستعده تخلييينه YOUR FUTURE
يعني اذا انتي مثلا ما عندج بال طويل على المرضى ومو مستعده تتحملين الشايب والبيبي … شلون تقدرين تكونين مع اتصال مباشر مع ال PATIENTS

اما بالنسبة لل HIA MLS فأنا اشووووف انهم هم حلوين حق الي مستعد يكون بعييييد عن محيييط المستشفى … يعني راح تحسين انج معزولة عن المستشفى وكأنج باي ادارة او وزاااره او مختبر ..

الطب المسااعد بشكل عااام تخصص ممتاااز حسب الي سألأت والي سمعت (( مو عشان انا بهالكليه )) .. يعني انا اخترت هالتخصص بارادتي .. لانه ممتاااز وحلو ونادر ..

وحمدالله المفرووووض تنكون مفتخرين فيه : )

واضافه على كلامي … انه العيب الوحيد هو ان ليما الحين ما افتحوا كل التخصصات الي تندرج تحت مسمى الطب المساااعد مثل مايه موجوده في الدول الاخرى مثل ( علم الجينات – البصريات- التغذيه- …الخ))) تخيللي انه في بسعوديه 10 تخصصات للطب المساعد واحنا هني بس 4 : (

فهذا الشي الي مقلل نظرة الناس لنا

ولكن من حسن حظكم الحين على حسب علمي انهم بيفتحون تخصصين يدد واهمه علاج النطق والسمع والعلاج المهني …

فأنتي الحين قعدي مع نفسج واختاري .. وبما انج مستبعده العلاج … شوووووفي شنو الشي الي اكثر شي ينااسب رغبات

واربطي التخصصات بالاصل …

مثلا

RS …. لازم تتحملين االفيزيا

MLS … الازم تحبين وتتحملين البيولوجي .. والجراثيم ..
HIA … لازم تحبين وتتحملين الكمبيوتر

وانشالله اكون فدتج ولو بذره : )

بصلي وارد..

حبيبتي أنا كنت أتمنى إني أقدر أفيدج
بس أنا ليما الحين مستجده وما أدري عن أشياااء وااايد بالكليه

وإن شالله إذا حصلت على إجابات أسئلتج بقولج >>> وعد
أما الإنقلش فهذا اللي مأرقني

فديــــــتج جد ماقصرتي . .. انا احب اتعامل مع المرضى بس ادلكهم ؟؟يعني صج هو تدليك يافضحي بالله طلعلي رجال يااااو

شنو طبيعة خريج العلاج شيسوي غير التدليك ؟ والاشعه اخاف من ضررها بس يقولون لها كادر قوي

الا جم تقريبا المعاش
رونه انتي تخرجتي ؟ مرتاحه بشغلج تتعبين فيه الشغل واجد؟ مفكره تحولين طب؟

انا خريجة Mls

يا ريت اقدر افيدج

دلوعه بعد قلبي هذا نوع من الاشعه صح ؟ شلون الدراسه فيها وشتشغلين اذا توضفتي .. شنو احسن تخصص بالطب المساعد ؟ بي تي شكله حلو ؟

صج ادلك الاوادم اذا علاج ؟

لا مو اشعة مختبرات طبية

بس البي تي يسمونه علاج طبيعي ( pt (

حركات تسوينها للمريض بشكل طبي و مدروس

اجمعين يارب..

بنت عمي متخرجه من العلاج الطبيعي..

عادي تشتغلين بمستشفيات او مدراس ذوي الاحتياجات الخاصه..