بنات التربيه والاداب .الحقووووووني باقي اربعة ايام

حمد الرشيد يعطي اصول تربية

وهذا اللي قالوا عنه الطلبة و بصراحة اتفقوا على انه مو شي بس يطلعون منه بقريدات حلوة

بصراحه دكتور شي شي بالغيابات والنوم والراحه بس اي شي بالدرجه والشرح والامتحانات,شرحه مو حلو وامتحانه المووت الحمر وحيييييل يرفع بالواحد على الــــــطل وبالنهايه تنصدم منه ,بس اللي يبي حق راحه ويعدي الماده واهو مرتاح خل ياخذ عنده لانه يريح بهالسالفه وبس,ولو تنقز للسما مايعطيك درجه الا طبقا للمثل الشعبي الكويتي الماثور المطبق بكل حياتنا(لي حبتك عيني ما ضــــامـــــك الدهر)

دكتور …..
كله يسولف و يملق و طول الكورس يحسس انج شاطرة و يطمنج و ما يشرح شرح عدل يعني قعدي نامي احسنلج
بس امتحاناته لو تموتين من الدراسة ما تيينبين درجة زينه عطانا بونص بس 3 درجات
و انا كنت دارسة بس امتحاناته حدها حدها صعبة
لحد ياخذ عنده حتى لو مضطر حسافة عليه اخذوا عند زهاء صويلان تسواه و تسوى أهله نصيحة من إخت لحد ياخذ عنده

احنا شعبتنا 44 طالبة بس 2 يايبين a الغلط من منو أكيد منه مو معقوله كلنا سي والله ظالمنا

الصراحه الدكتور طيب ومحاضرته حلوه بس امتحاناته الله يهداه مدري من وين جايبها صعبه صعبه صعبه موت مو من الكتاب انا كنت ادرس بس الامتحان صعب لكن الدكتور متفهم ويساعد الطلبه وما يشدد على الحضور والغياب و يعطي بوبص بس مشكلته الامتحانات

كتابه كله بدليات من فوق لتحت ..

وامتحاناته معقده بشكل مو طبيعي .. ويموت باللي يرزه بالجرايد والتلفزيون ..

انا متفوق بس هالدكتور حبط فيني مع ان مابقا شي الا وسويته ..الغياب ولا يوم..بس حسبي الله ونعم الوكيل فيه

صـراحـه وبكـل أمـانه ماده مااستفدت منها بشي و الدكتور

شرحه حيل ضعيف .. غير إنه الكتاب كل فقره تعيد نفسها

بس بإسلوب يختلف شوي .. و الامتحان احنا يانا سهل بس

الطامه الدرجات يعني واثق من نفسك حدك 37 من 50 .. و

طبعا الامتحان ماتشوفه .. .. الزبده طول الكورس مرتاح من

الاوفات و اخر الكورس القريد يكون صدمه !!

بسم الله الرحمن الرحيم

والله إن الدكتور حمد ورده كليّه التربيه ..

يالتعامل ما شفت أحسن منّه ..

و مثل ما قال المثل "إذا حبّتك عيني ما ضامك الدهر"
و إذا حبّك هـ الدكتور لا تشيل هم طول الكورس ..

و أحلى شي فيه إنه ما يحاسب على الغياب ..

و الوصفه السحريه عشان تاخذ الـ A :

1- إقعد جدام [غرامه إلّي يقعد جدام].

2- شارك و ناقش [يستانس على إلي يتفلسف].

3- إشتغل على البونص [و إلّي يشتغل عدل على البونص إحتمال ياخذ 200% لأن عند دكتور حمد البونص ما له حد]

4- الدكتور وايد ينكّت ..ما أوصيك هـ الله هـ الله بالفصله.

[أنا جذي خذيت الـ A]

[تحذير : إمتحاناته صعبه بشكل مو طبيعي خصوصا الفاينل "ذبحني"]

و سلامتكم ..

وهذا نبذة عن اللي قالوه الطلبة

لي رجعه مع باجي الدكاترة

ليلى السبعان (قسم لغة عربية)

خذيت المادة في الكورس الأول عام 2017 وكان وقتها كل اثنين واربعا الساعة 8:00

يا ناس والله العظيم عسل، احسها مثل أمي، خلوا تدريسها على صوب لأن ما تدري وين الله قاطها.
لما تحسسك داخل الكلاس كأنك ولدها وانت تبادلها الاحترام صدقني بتاخذ الـ A والحمدلله خذيتها

مابي ازيد على كلامي اللي تحت، وانا كتبت هالكلام حتى أأكد على موقفي من دكتورة ليلى، وايد يمكن ما يحبون طريقتها بس أضمن لكم ان امتحانها الميد تيرم والفاينل نفسه ما راح تتعبون فيه وتدرسون شي يديد..

مريحتنا وايد من الناحية هذي، اما إذا تبي الـ A
بين لها داخل الكلاس انك مهتم واقعد أول شي وأكيد
بتاخذ الـ A

للأسف ما راح أقدر اخذ عندها اي مادة بعد لان المواد الاختيارية بقسم العربي خلصتها..

الله يوفقج ماما ليلى..

ملاحظة: الدكتورة تموت على اللي يمدحها بالقياس والتقييم لول

خذيت هالمادة في الكورس الثاني 2017 الساعة 8:00 إلى 9:15 صباحًا كل اثنين وأربعاء، والمادة أول كورس تطرح بالكلية

دكتورة ليلى تعاملها مع الشباب أحسن من البنات، وبعدين ماتعرف تشرح أي شي بتاتًا، ف اللي مفكر ياخذ عندها ويكتسب معلومات ف يفضل لا ياخذ..
يعني الدروس طول الكورس اللي خذيناها نقدر ناخذها
بمحاضرتين وتقولنا لا تييون بعد..

من أول لحد آخر محاضرة طول الكورس وهي تكلمنا عن تقسيم الدرجات ومواضيع المقرر، تطلع برا الدرس وبالضبط
محاضرتين الي تتكلم فيهما عن الدرس وباجي المحاضرات تتنوع بين الغياب والامتحانات القصيرة ( اللي ما عليها درجات )

الدكتور تحكم وتعطي درجات على " شكل الشخص " إذا شافته مؤدب وتبين عليه الشطارة تعطيه درجات واللي ما يعجبها أنسوا.. وهذا الشي حلو ويحسب لها من الإيجابيات..

تعطي 3 امتحانات قصيرة لكن ما عليها درجات بس تخريع..
وبالنسبة للغياب تقدر تغيب طول الكورس عادي وتحضر الامتحانات بس أهم شي قولها دكتورة عندي ظروف ومن هالكلام واهي بتسامح على طول..

تغيب وايد وتعطي فترة أسبوع غياب يعني مو محتاجة تغيبون أصلاً، وايد متسامحة كانت معانا وطيبة مثل الأم لكن كتدريس وشرح صفر على الشمال..

بالنسبة لي إذا أُتيح لي آخذ عندها راح آخذ لأن المنهج اللي أدرسه حق الميدتيرم اهو نفسه داخل بالفاينل وكلها جم صفحة والمنهج قليل..

أكيد أنصح وأخذوا عندها لأن الأخذ عندها ترفع المعدل..

نظام درجاتها:

30 درجة ميدتيرم
50 درجة فاينل
10 درجة ( واجبات: وما تدقق عليها المهم عطها ملف وحط فيه أسئلة واجوبة عن المنهج وافتك )
10 درجات ( مشاركة وحضور وغياب )
______________________________
المجموع = 100 درجة

دكتورة ليلى أعتبرها مثل أمي أحس من ضحكتها وكلامها
إن كل شي سهل ومريح..

انشالله آخذ ( أيي )

لالالالالالالالالالالالالالالا يبا انحاشوا
درجاتها حسب المعرفة
لا مناقشة ولا معاملة

الدكتووورة
عسل بمعنى الكلمة
وايد كيوت وحبوبه يعطيها العافية الصراحة
تشرح بضمير وتراعي الطلبه
ومتواضعة وحبوبة وامتحاناتها سهلة ماتطلع من المحاضرات للي يركز ويفهم

الدكتورة حبوبة وشرحها ممتع
تسهل قواعد اللغة العربية الغثيثة وتبسطها
( مع انها لغتنا الام بس ما ادري ليش نكره قواعدها)

محاضرتها ممتعة وخفيفة
يعني قليل من يمل فيها

بصراحه هذي دكتوره تظن انها بفندق خمس نجوم نست انها بجامعة محترمه فيها طلبه ومواعيد ومحاضرات
ماتدري وين الله قاطه المسكينه فقيره ضايعه المهم تشرح توصيف وتقسيم الدرجات واللغه ومكانتها مع العلم ان المادة مادة نحو وموحد وصعب القسم يحطه مواهي والمصيب حطتنى على صخر لهي الا تطلع من مادة وتخلي احد ثاني من قسم العربي تخصصه نحو يدرس ولهي الاشارحه الله المستعان وانشالله انه تعقل ادعولها

دكتور ماتدري وين الله قاطها تقعد اسبوع تشرح وتعيد نفس الدرس

تحسسك بالمحاضرة انك فلته وتحفظ اسمك
بس تصدمك لو تجيها تقول ماتعرفك
انا خذيت عندها بالميد تيرم 27/30
وقدمت عدل بالفاينل وانصدمت انها حاطتلي d
وتقولي مساعدتج حيييييل
وسلمتها واجبات وبعد الطبيات للغياب
وتقول ماتدري عنهم ولا جنه سلمتهاا شي
المهم
الشباااب يمشوون عدل عندهاا
والبنات يعني
تحدد معانا مواضيع الامتحان وننصدم انها جايبة اشياء مو مشروحه
تقول الامتحان موضوعي ويطلع مقالي
ولما نناقشها بالمتحان تصير مجنونة بس تصرخ وتغير الاماكن عبالها الكل يغش
لان امتحنت شعبتنا مع الشباب فجننت الشباااب بس تصرخ علييهم وعلينا وتطردهم

الدكتورة حبوبة .. بس مادتها ملخبطة ..

قعدنا كم أسبوع .. بس نقرأ في التوصيف !

صراحة ما استفدت من مادتها شي