تعالووووو .

شلوونج حياتوو

اول شي الله يوفقج ب11ع ويسهل امرج واتيبيين امتياز ..قولي امين

بالنسبه حق 11 ع ما ابي اخرعج بس ترى واااااااايد فرق عن عاشر

ويبيله دراسه وخلاص جد بجد انتهت ايام اللعب والاستهبال عل الابلات والاستهزاء بالمواا>>>>حجي وحده العبت اول السنه ب 11 ع وكلتها
الموااد الصعبه
الفيزيا اول كوورس <<<الكورس الثاني واايد اسهل وعالعمووم انتي حفظي الاستنتاجات والتجارب والنشاطات العمليه وتدربي على المسائل وكل شي سهالات ان شاء الله ترى تجارب العملي والنشاطات العمليه لازم تحفظينهم بس شنو حق الفاينل اما الاستنتاجات فهي معاااج في كل امتحان ما عدى القصير
الجيولوجيا <<<<يبيلج خفز كل شي اول باول لان راح تتوهقين بالامتحان اذا ما سويتي جي لانه كله اسماء معادن وصخوور ومادري شنو شغلات مو حلوه والفصل الثاني نص حلو بس اخر الفصوول موو حلوه كلش والامتحان العملي مال الفصل الثاني واايد صعب
العربي <<<< عادي الدراسه العاديه بس شنو هالمره ركزي اكثر على القواعد لان عليها درجه كبيره وفي كتاب اول مره ثاخذونه اسمه تاريخ الادب هذا كله حفظ تحفظينه بس حق الامتحانات واييلج منه اسئله صح وخظا اختياري وجيي اسئلته سهله يعني مافيها تعقيد بس شنو من بين السطوور

الرياضيات<<< بعملي هذي الماده راح تصير مهمه حييل بالنسبه لطالبات علمي لازم تحفظين القوانين وتدرسين اول باول وتحفظين الاسئله الى بالكتاب والتمارين لانه غالبا يحطون اسئلة الامتحان منها وبالذات هذي الاسئله الى محلووله بالكتاب حفظيهم مثل اسمج لانه ايوولج بالنص بالضبط

الانجيلزي<<<< عادي دراستج العاديه واهما امغيرين المناهج عالعمووم فما ادري شنو راح يكون وضعكم

الاحصاء<<<<< مثل رياضيات عاشر اخر الفصول من الكورس الثاني يعني المدى ما مدى وطول الفتره وهالسوالف الماده حلوه وخفيفه بس اول الكورس يبيلها اهتمام لانه شوي اتعقد اما الكورس الثااني فحدده حدده ماااي

الكيميا<<<<< الكورس الاول وايد حلوو كله قوانين سهله ومسائل عليها واهم شي التقويم لانه الاسئله منه اممم الكورس الثاني شوي يبيله مجابل لانه القوانين اصعب ودخلنا بالمعادلات والسوالف الى تغث

الاحياء<<<< نفس عاشر هم حفظ وجي بس شنو ابطريقه غير انه الكورس الاول فيه اخر الفصول مليقه حيل سوالف مخطاططات ومادري شنو وتعقيد الكورس الثاني هم بدايته غثيثه مخطط ويولع الجبد اما باجي الفصول حدده حلوه وبالنسبه حق الامتحانات اكثر شي يحطوون صور وبالفاينل يحطوولج تجربه من العملي

الاسلاميه<<< نفس عاشر ما اختلف شي

القران<<< همن نفس الطريقه

البدنيه<<<< وايد اسهل من عاشر

وفيه مادتين اختياري غالبا ما يكونون سهلين ومضمون تاخذين فيهم الدرجه الكامله خصوصا انه مافيهم امتحان الله مشرووع وانتهت السالفه وعلى المشرووع يقيمونج ويعطوونج الدرجه ومايقصرون ان شاء معاج ولانج علمي بعد والله حاسين ابمعاناتنا الله يجزااهم خير

عن نفسي اخذت المواد سياحه وضيافه <<< وايد حلوه الماده ومشاريعهم حلوه بعد مره اتسوين بطاقه دعوه مره تسوين حفله مره اتسوين مينو وعلى هالسوالف تاخذين الدرجه

االماده الثانيه الى خذتها اهي كرة قدم<<<< حدها سهله ومافيها شي والمشروع كان انه انسوي ملعب كرة قدم مع اللاعبين وجيي وكل البنات الى ماخذين الماده يسوون شي يخص كرة القدم

وبس ادري تعبتج وان شاء الله ما اكون خرعتج وافدتج بس لا تحاتين سهالات ان شاء الله
وبالتوفييييييييييييييييييييييييييييييييييييييييق ان شاء الله واى شي تبين انا حاضره