>>بنات تخصص الانجليزي بكلية التربية يدخلوون<<

السلام عليكم,,,
شلونكم شخباركم؟؟
أنا جديدة بهالتخصص يعني دفعة 2024 و تو طلع قبولي انجليزي متوسط ثانوي
بس لما صار التسجيل لجدول الكورس الياي توهقت

لاني أنا ما سجلت من مواد الانجليزي الا 105 محادثة و خلصتها الحمد لله الكورس اللي طاف ….ما اطول عليكم
لمن بلشت اسجل الا اغلبية المواد لازم متطلبات مسبقة 107,108,105 بس 107 ما يصير اسجلها >>غير مستوفي لشروط الشعبة<< و 108 نفس الشي .. صراحة احترت شسوي .. رحت للسكاجوول مال المواد عشان اشوف شنو هذي المتطلبات لمقرر 107 طلعلي (037) عاد رحت للسستم عشان اسجلها الا مافي ماده بهالاسم …جان اروح مقرر108(038) و نفس الشي للمقرر هذا !!!

بنات الله يخليكم أنا ما اعرف احد بهالتخصص و توهقت بالتسجيل
أنا الحين ما سجلت الا مادة وحدة للكورس الجاي اللي اهي مبادئ الترجمة عند رافع الزعبلاوي ومواد التربية مخلصة اصول و ادارة و تطور الحين ماخذتها بالصيفي و مواد العربي كلهم مخلصتهم و التاريخ و خذيت اول كورس لي تربية اسرية و خلصتها و مفاهيم رياضيات معاصرة

و لما جيت اسجل مواد للتربية الا لازم اكون مخلصة اقل شي 30 وحدة و انا بالسستم مكتود 27وحدة بس لمن اخلص الصيفي اكون خلصت 30 ……

تكفوووون ساعدوني