الي خذت. عند الدكتوره اسماء السرحان تنورنا :)

هذا تقييمها

المـادة: ثقافة وادب بالكويت التاريخ: 2010-07-06
الطالب: BaNoOoTa Q8 رقم التقييم: 21206
طول الكورس الدكتوره زينه وطيبه ومافيها اي عيب
بس عن نفسي انا اخر شي انصدمت انها معطيتني -A معني يايبه درجه كامله بالمدتيرم واهي تعرفني وحافظه اسمي من كثر ما اشارك ودايما احضر واحل الواجب معنها ما تدور عليه وماعندي ولا غياب والبرنتشين خذيت 9 (ماعطت ولا وحده 9.5 او 10 معنه في وايد ناس قدمو عدل, غير الي انصدمنا بدرجاتهم 6 و7… ) وقالتلي اذا احتجتي هالدرجه اخر شي اعطيج اياها
بالفاينل حليت عدل وانا متاكده من هالشي وحتى لو انا غلطانه في شي اسمه اقدر جهد الطالب طول الكورس
الكورس الي وراه سالتها دكتوره ليش عطيتيني -A جان تقولي ليش ماييتيني المكتب
قلت بقلبي يعني لازم اييج المكتب عشان تعطيني A !!
بس ترى الماده واايد سهله عندها واهي طيبه وخوش دكتوره

– النجوم:
– المستوى: متوسط الصعوبة
– الشرح: شرح ممتاز
– حصلت على: A
ننصح به
المـادة: أدب الخليج التاريخ: 2010-06-20
الطالب: ليش يعني؟ رقم التقييم: 21034
انا عدت المادة عندها,, كنت ماخذة فيها FA عند دكتور ثاني
للأمانة فرق وااااايد كبير بينها وبين الدكتور اللي اخذت عنده..
يعني مع احترامي للدكتور اللي اخذت عنده حرام اقارنه بمستواها
المادة خفيفة و سهلة.. و بنفس الوقت متنوعة.. فيها شعر و فيها قصص .. و النصوص اللي اختارتها الدكتورة حيل حلوة..
الدكتورة قمة في الاحترام والاخلاق و الاسلوب و من افضل الدكاترة اللي اخذت عندهم..
حقانية و تعطي برزنتيشن.. بس تحب بالبرزنتيشن ان الطالب يحلل من نفسه – مو يلطش من النت-
و انصح الكل ياخذ عندها اي مادة تنزلها

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: الثقافة و الادب بالكويت التاريخ: 2010-06-16
الطالب: eng… رقم التقييم: 20790
3ajebaaah eldectoraa

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: ثقافه وادب بالكويت التاريخ: 2010-02-02
الطالب: shadow رقم التقييم: 19748
الدكتورة واايد وايد محترمه واسلوبها وشرحها وايد ممتاز تعرف شلون تشد الواحد وتشوقه وتحببه بالماده اتهبل ومعاملتها راقيه ومشالله وايد مثقفه حبيتها حيل الله يوفقها
ويكثر من امثالها وهي قدوتي صراحه وهالكلام شويه بحقها
انصح فيها.

– النجوم:
– المستوى: سهل
– الشرح: شرح جيد جدا
– حصلت على: C
ننصح به
المـادة: الثقافة والأدب في الكويت التاريخ: 2010-01-25
الطالب: نهر لم يجد مجرى رقم التقييم: 19521
انا والله لي الحين مصدومة من القريد اللي عطتني
c ? c عاد؟ كنت متوقعة اقل شي +b
و لحد الحين ماني فاهمة وين راحت الدرجات ، انا صحيح غبت يمكن 5 مرات و ما اشارك معاها ، بس هذا كله عليه 10 درجات ، باقي الدرجات انا ماخذه درجات شبه كاملة ، ماري الصراحة بس اهم بالنهاية خوش دكتورة ، صحيح انها تنوووووم من كثر الملل و تزهق الواحد بعمره ، بس اعتقد اللي بيلتزم بالحضور و الغياب و المشاركة بيضمن B
خفست هالمادة بمعدلي ، شكلي بعيدها قبل لا اتخرج

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: الثقافة والادب في الكيت التاريخ: 2010-01-21
الطالب: mdaji رقم التقييم: 19456
الدكتورة أسماء من أفضل الدكاترة اللي درست عندهم ..
شرحها حلو ومرتب .. المقرر نايس وخفيف ..
امتحانها من النوت ومايطلع برا .. عندها بونص 10 درجات حفظ آيات ..
البوربوينت عندها مهم وايد وتسأل البنت اللي تشوفها مو عارفة شنو تقول ..
تحاسب على الحضور والغياب بس مو متشددة وايد ، محترمة وبالتعامل روعة

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: ثقافه وادب بالكويت التاريخ: 2010-01-11
الطالب: Inconceivable رقم التقييم: 19415
وايد حبوبه دكتوره اسماء
وتوزيع الدرجات عندها حلوه
وتعطي بونص حفظ ايه عليها 10 درجات

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: الثقافه و الأدب في الكويت التاريخ: 2009-09-14
الطالب: sm-sm رقم التقييم: 18867
الدكتوره أسماء من أفضل الدكاتره اللي درسوني محترمه جدا و هاديه و شرحها حلو و الماده كانت واايد حلوه و استفدت منها وايد
و اللي حبيته أكثر فيها انها تعطينا نصايح في نهاية بعض المحاضرات اذا في وقت و انها خلتها نحفظ أول و اخر عشر ايات من سورة الكهف و عليها 10 درجات
في برزنتيشن بهالماده لازم مع مجموعه هم عليه 10
انصح فيها بس لازم يكون في اهتمام من الطالب يعد

– النجوم:
– المستوى: متوسط الصعوبة
– الشرح: شرح متوسط
– حصلت على: B
ننصح به
المـادة: الثقافة والأدب في الكويت التاريخ: 2009-08-04
الطالب: pinko-girl رقم التقييم: 18527
دكتورة محترمة وطيبة بس ماتحب احد يسولف بالكلاس كلش
مملة وتنوم
تهتم بالحضور و المشاركة
بس اهي حبوبة

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: جماليات التاريخ: 2009-07-24
الطالب: cORn_fLaKeS_cba رقم التقييم: 18404
الدكتورة اتينن حدها والماده سهله عطتنا قصيده حفظ بس مو كلها احنا انقي منها 12 بيت حتى لو مو بالترتيب وسورة البقره تسميع اول و آخر عشر آيات,,, وسوتنا قروبات عشان نسوي مشهد تمثيلي عليه 10 درجات ,,, وعطتنا بس مدتيرم واحد حدده سهل والفاينل بعد كان سهل ,,, يمكن من كلامي تحسون انها تكدش بس والله بالعكس اهي حبوبه وتساعد ,,,و الغياب ما تنقص عليه بس تنزل انذارات ,,, وانصح فيها وموفقين n_n

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: جماليات الادب التاريخ: 2009-06-25
الطالب: shmooo5i90 رقم التقييم: 17926
فديـــــــــــ روحها ــــــــــــــت
……
دكتورة اسماء مو بس راقية الا في قمة الذرابه ,, انا ماشفت و لا راح اشوف انسانة راقية نفسها ..
والله والله والله والله والله لو بتكلم عن الدكتورة اسماء مرح اقدر اوفي بحقها …
كانت حيييييييييييييل مبسطة المادة ..والامتحانات مافي اسهل منها….
الله يوفقها يارب ويفرحها
ليت لو في نسخ منها لكل المواد……
((((دكتورة اسماء انتي قدوووووتي )))))

– النجوم:
– المستوى: سهل جدا
– الشرح: شرح جيد جدا
– حصلت على: A
ننصح به
المـادة: جماليات الأدب التاريخ: 2009-06-25
الطالب: amano رقم التقييم: 17899
دكتوووورة رااااااااااااائعه و الله بمعنى الكلمة روووووووووعه و محترمة بشكل ما تتخيلونه و تتساهل معاكم و تقدر الظروف .. أنا في يوم كان عندي تسميع الآيه بس كنت براجع لأن ورا المحاضرة كان عندي امتحان تاريخ قلت لها دكتورة ممكن أسمع لج باجر اليوم براجع قالت اوكي و موفقه بالعكس ما قالت شيء .. تحب المشاركة وايد خلوها تعرفكم و تحفظ اسمكم .. أنا ما حبيت المادة أول شيء و حسيت اني بنام بس عشان درجاتي شاركت معاها و حببت نفسي بالمادة .. أول شيء بايخ لأن شعر بس آخر شيء يصير ممتع : مسرحيات مقالات قصص .. أحلى من الشعر
و بعد ترفع بشكل كبير الدكتورة درجات البنات أغلبها عاليه
مشكورة دكتورة أسماء و الله اني حبيتج وايد و يليت الكل مثلج

– النجوم:
– المستوى: سهل جدا
– الشرح: شرح ممتاز
– حصلت على: B
ننصح به
المـادة: ثقافة وادب التاريخ: 2009-06-25
الطالب: ليش يعني؟ رقم التقييم: 17873
دكتورة أسماء شهادتي قيها مجروحة
من أفضل الدكاترة بالقسم..
وايد محترمة وطيبة وصج استفدت منها
هادية بالشرح ومع هذا شرحها حلوو وايد
ترفع من غير لا تكلمونها.. بس لاتناقشونها على الدرجات,, حطوا ببالكم انها رافعتكم اساسا.. و مستحييييل تظلم احد
دكتورة ملتزمة و رووعة
مشكووورة دكتووووورة =)

– النجوم:
– المستوى: سهل
– الشرح: شرح ممتاز
– حصلت على: B
لا ننصح به
المـادة: جماليات الأدب العربي التاريخ: 2009-06-23
الطالب: moon رقم التقييم: 17682
دكتورة ظااااااااااااااااالمة
بصراحة المادة كانت اتييييين وماانكر ان شرحها حلو
بس فعلا ظالمة
تخيلوا درجاتي كانت أوكي عندها
وكنت أستحق أي بجدااارة لكني انصدمت لما حطتلي بي
مع انها كانت طالبة منا نسوي برزنتيشن وتقرير وكنا مجموعة
وانا اللي سويت الشغل بروحي ومدحتني مدح مو طبيعي
واخرتها انصدمت بالقريد
ماتوقعت هالشي منها كلش

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: جماليات الادب التاريخ: 2009-06-13
الطالب: kuw رقم التقييم: 17461
دكتوورة راقيه بشهادة الجميع الكل يمدحها ودي اخذ عندها لانها بجد رووعه

– النجوم:
– المستوى: متوسط الصعوبة
– الشرح: شرح ممتاز
– حصلت على: B
ننصح به
المـادة: الثقافة والادب في الكويت التاريخ: 2009-02-01
الطالب: asmaa.h رقم التقييم: 16300
الدكتورة راقية بشكل مو طبيعي وتحرجك بتعاملها الحلو مستحيل اتعصب او تغلط على اي بنت قمة في الهدوء
المقرر حلو وسهل وامتحاناتها مباشره بس تبي كتابة وشرح
والبرزنتيشن مو صعب عن اي شخصية ادبية في الكويت بس لازم اتكونين مهتمه واتورينهاانج اشتغلتي عشان تضمنين الدرجة
وكل وحده تاخذ حقها بالماده وبعد ساعدتنا ب10 درجات بس تسميع لسوره الكهف
انصح الكل ياخذ عندها

– النجوم:
– المستوى: سهل
– الشرح: شرح ممتاز
– حصلت على: B
ننصح به
المـادة: جماليات ادب 101 التاريخ: 2008-09-13
الطالب: VIP رقم التقييم: 15318
الدكتوره وايد زينه وتعطي كل وحده حقها .. امتحانتها سهلة بس لا تغيبين عندها وتحب المشاركة ..

– النجوم:
– المستوى: صعب
– الشرح: شرح ممتاز
– حصلت على: B
ننصح به
المـادة: الثقافه و الأدب بالكويت .., التاريخ: 2008-08-18
الطالب: SaMoOoRaH رقم التقييم: 15040
..* اهيا ماده اختياريه ..,
..* الدكتوووورة حدها زينه , وحيل محترمه
..* واهم شي عندها البرزنتيشن , مجموعتنا سوت برزنتيشن حده زين و تعب من قلب و عطتنا ال10 كامله
و حطته بالحريده لآن كلن رووعه و في ابتكارات

..* تقسيمة الدرجات:
30 مدتيرم
10 برزنتيشن
10 حظور و مشاركه
و تهتم حييييييل بالمشاركه

..* أنصح فيها لانها حييل هاديه و محاضرتها تشوق
ماشالله عليها

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: مهارات الاتصال اللغوية التاريخ: 2008-08-02
الطالب: 7saweya رقم التقييم: 14813
الصراحة الدكتورة اسماء باختصاااااااار عسل والله و شهادتي فيها مجروووحة
الله يعطيها ألف ألف عافية و أهنيها على هالأخلاق الطيبة
قمة في الأخلاق و التعامل
منها الى الاعلى يا دكتورة :***

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: مهارات اتصال التاريخ: 2008-02-11
الطالب: magnolia رقم التقييم: 13254
دكتورة أسماء أحسن دكتورة في جامعة الكويتp:
ابصراحة والنعم فيها, قمة في الأخلاق والتعامل , محترمة و بالنسبة لي وبدون مبالغة قدوة ….
شرحها حلو و اهي اتسهل المادة واتبسطها وامتحاناتها سهلة و الدكتورة حقانية وتسمع الطالب وتهتم بملاحظاته ..
أنصحكم لا تاخذون عند أحد غيرها… والله اوفقكم

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: لغة عربية التاريخ: 2008-01-28
الطالب: عاشقة الجنة رقم التقييم: 12978
والله الدكتورة اخلاق و ذوق بالتعامل و امتحاناتها سهلة و كله من النوتس و شرحهاا بسيط بس عشان تفهمين لازم تحضرين ((ولا أنا غلطانه)) وبساطة تاخذين أ اي على فكرة عندها بس 10 درجات بونس غير انها ترفعج بالفاينل

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: ثقافة و ادب بالكويت التاريخ: 2008-01-25
الطالب: علياء رقم التقييم: 12837
الدكتورة اسماء قمة في الاخلاق و الاحترام
هادية و تعاملها جدا راقي مع الطالبات
محاضرتها حلوة و خفيفة حيل و المواضيع المختارة وايد سهله كلها عن ادباء و شعراء الكويت
تحب الشعر وايد و شكلها ماشاء الله مثقفة بسوالف الاشعار و الادب
تبي مشاركة حتى لو قراءة ابيات او قصة او اي شي
تهتم وايد بالبرزنتيشن تقسمكم مجاميع كل مجموعه 5 اشخاص تبحثون عن شاعر معين تكون محددته لكم و لازم يكون البرزنتيشن باللغهة العربية حتى الكلام داخل المحاضرة باللغة العربية
و بالفعل كان برزنتيشن مجموعتنا وايد حلو عجبها حييييل
تحب تبتكرون مشاهد حق البرزنتيش و تسسوون تمثليات و هالسوالف
و امتحاناتها سهله حق الدارس تحبكم تكتبون وايد بالامتحان و تشرحون كل شي
بصراحة اخذوا عندها لانها خووووووووش دكتورة

– النجوم:
– المستوى: سهل جدا
– الشرح: شرح ممتاز
– حصلت على: A
ننصح به
المـادة: جماليات الأدب العربي + مهارات اتصال لغوية التاريخ: 2008-01-25
الطالب: مستجدة متوهقة رقم التقييم: 12809
الصراحة الدكتورة عجيييييييييييييييييييييييييييييييبة و ما تظلم أحد ولا تغلط على احد عمرها ما زفت بنت وجدا عادلة بالدرجات تعطل كل وحدة حقها و زيادة و بمهارات عطتنا بونص نحفظ اول و اخر عشر ايات من سورة الكهف و طيبة و انصح الكل ياخذ عندها لانها تهبل

– النجوم:
– المستوى: صعب
– الشرح: شرح متوسط
– حصلت على: B
ننصح به
المـادة: مهارات اتصال لغويه101 التاريخ: 2008-01-24
الطالب: كيميائيــه رقم التقييم: 12797
والله الدكتوره طيبه وحبوبه
بس هاديه وايييييييييد لدرجه اني انغثيت بنات يسولفون وماتقدر ترد عليهم
بالنسبه للشرح شرحها وايد بدائي ينفع للمدتيرمات
لكن الفاينل مستواه كان صعب لان شرحه مايأهل لدخول الفاينل ( الموحد )

يعني الماده سهله المفرووضA بس شرحها كلش مايأهل للفاينل
يالله الحمدلله طلعت بB
بس نصيحه اذا لقيتوو عند احد ثاني اخذوو عنده
لان الدكتوره تضمنون عندها درجات المدتيرم لكن الفاينل راح يخسف فيكم حتن لو كنتم كامل بالمدتيرمات
وبالتوفيق جميعا

– النجوم:
– المستوى: سهل
– الشرح: شرح ممتاز
– حصلت على: A
ننصح به
المـادة: جماليات أدب عربي102 التاريخ: 2007-12-13
الطالب: asma رقم التقييم: 12297
ابصراحة هالدكتورة قمة في الأخلاق،شرحها يحلق بك في فضاءات الجمال و الإبداع،حيث تحس بالنص و تبدأ في النقد و المناقشة في المواضيع المختلفة،فتصبح و كأنك ناقد…
و صراحة ما تكلف وايد حفظ من جهة القصائد،بس عطتنا 12 بيت من قصيدة و إحنا نختار الأبيات،،و امتحانها بصراحة كان قمة في السهولة،فكل شي موجود بالكتاب و مو بس جذي أكبر جزء منه يعتمد على الفهم،و هي من النوع اللي يحب الشرح في الاختبار و إبداء الرأي و المناقشة،و تضع 10 درجات على مشهد تتفق فيه خمسة طالبات بشرط أن يكون بالفصحى و حول قضية هادفة….
ابصراحة آنه تعلمت منها وااااااايد أشياء و أهمها: كيفية بناء النقد و خلتني أتشجع للمطالعة و آنه ابصراحة واايد أحترمها و أنصح فيها.

– النجوم:
– المستوى: سهل جدا
– الشرح: شرح متوسط
– حصلت على: B
ننصح به
المـادة: الثقافه والادب في الكويت التاريخ: 2007-09-05
الطالب: oMr رقم التقييم: 11540
الصراحه الدكتوره هاديه ..
بس فيهاااااا ظلم
اخذت في الميدتيرم الاول والثاني فل مارك تقريبا وكله اشارك معاها بالمحاضره وبرزنتيشن اول وحده سويته انا والبنات اللي معاي حتى الفاينل كنت طالعه وانا واثقه منه بس شقوووووووووول !!! طلعت من الماده بــ B ظلم مفروض A بلس :@
بس عالعموم امتحاناتهاااااا حييييييييييل سهله مااااااي الياهل يحلها وهو مغمض .. بس مشكلتهاااا تصحح الامتحانات على كيفهاااااااااااااااا

– النجوم: لا يستحق نجوم
– المستوى: سهل جدا
– الشرح: شرح ممتاز
– حصلت على: C
لا ننصح به
المـادة: جماليات الادب العربي التاريخ: 2007-06-12
الطالب: شوشو رقم التقييم: 10307
دكتوره ظالمه اول الكورس حبيتها لانها هاديه وايد وخذيت عندها بالميدتيرم الاول فل مارك والثاني نقصت نص بس وقدمت البريسنتيشن بوقته مع اني كنت بالمستشفى وطلعت بس على شان اقدمه وبالاخير انصدم بدرجتي سي لا و ماينس بعد اظلم دكتوره شقتها بحياتي وعلى فكره انا كنت حامل بأول اشهر وكنت حدي تعبانه ودرجاتي كانت كامله والفاينل حده سهل مااااي بس ما ادري ليش هالدرجه اللي خذيتها