قصيدة : للبنات المخطوبات

السلام عليكم ورحمـة الله وبركاتـه

قصيـدة : للبنـات المخطـوبـات

للبنـات المقبـلات علـى الـزواج

لا تحسبين العرس توفـي وكتكـات
ولا تحسبينـه توكـس والا بونتـي
ولا تحسبين العر س كيكة وطرطات
وصلـة قطعتيهـا ووصلـة بلعـت

ولا تحسبين العرس تصفيق واصوات
وانت عللى صوت الغطاريف همتي
ولا تحسبين العرس كوشة ولمبـات
وانت كما الطاووس فيهـا جلسـت
ولا تحسبين العرس احلام في الشات
يامـا بنيتيهـا ويـامـا هدمـتـي
ولا تحسبين العرس روحة وجيـات
هيا اقضبي بيتك عسـى مانهبلتـي
ليلة سعيدة وانت احلـى الجميـلات
تشخص عيون الناس اذا حضـرت
(واللاينـر) حطيـه بـلا زيـادات
لا يخـرب المكيـاج اذا دمـعـت
(والمسكره) تحتاج لطف ومـدارات
حتـى يبـان ازيـن اذا غمضتـي
(والإسبريه) رشيه حتى البصيـلات
ينسك شعرك زين ولـو كـان زدت
وترى(المحدد) فن يحتـاج رسمـات
يبـان رسمـه زيـن اذا ابتسمـت
العـرس يابنيـة ماهـو شعـارات
تفنـى مراسيمـه وتبقيـن انــت
ويبقى شريك العمر راعي الطويلات
هذا هو العرس الحقيقـي عرفتـي؟
اول نصيحة لـك حفـظ الصلـوات
صلي العشا والفجر في كـل وقـت
وفي ليلة العرس الموفـق وبالـذات
ادعـي الكـريـم الله اذاسـجـدت
والتعري لاترضين عند الكوفيـرات
ولبسـك يملـي العيـن اذا لبسـت
واللي على زوجك تحرضك مـرات
ارجـوك شوتيهـا شوتـت بلنتـي
والصبر في العشرة حتى على فتات
ياماحـلا فعلتـك يومـك صبـرت
واذا حفظت السـر مـع المـدارات
زوجك ترى في عيونه انت كبـرت
والسوق يعني هاه وقت الضـرورات
والاتـرى زوجـك يـدور لمفتـي
زيدي الغطاية وكثري في العبايـات
والله يرضـى عنـك اذا سـتـرت
اوصيك بالكبسة وكثـر الإيدامـات
حتى لوانـك مـن سببهـا متنتـي
وخلي الرجيم اللي فشلت في مـرات
سويـه مـرة واحـدة لا ولــدت
اوراق شاعر يرسل ازكى التحيـات
خصيـه بالـدعـوة اذا دعـوتـي

اتـمــنــى أن تـعـجـبـكـم

تـــحــــيــــاتــــي

منقوووووووووول