شنو المفروض على العروس تسوي تعالوا نتناقش

بما ان بنت خالتي تبي تتزوج قريبا سألتني سؤال وصج احترت بالاجابه وماعرفت اجاوب فعلا احترت لان التصرف يختلف من عروس للثانيه !

اهي قالت لي بعد ماتدخل مع زوجها للغرفه تبي تصلي اوكى فما تدري هل يجوز تصلي بمكياجها والا لازم تمسحه وتتوضأ حتى لو كانت اساسا على وضوء ؟

من جذي يات على بالي فكره نبطل موضوع نتاقش فيه اصحاب التجارب يفيدونا ( طبعا المتزوجات اللي كانوا احلا عرايس ) ممم

اول ما دخلتي شنو سويتي ؟

والعروس في زفافها اشلون تأدي صلواتها ؟ بارتياح بدون ضغوط نفسيه … وعوار راس

وشنو تاكل باليوم هذا واكيد الاكل يكون وايد خفيف ومتوازن ! ركزو على سؤالي ابي بيوم الزفاف شنو تقدر تاكل العروس ؟ بغض النظر انها لازم تاكل اكل صحي قبل الزفاف بأشهر

مممممم نرجع لكلامي الاولي

شنو الخطوات اللي تتبعها العروس بالضبط من تدخل الغرفه ليما تنام ومن تقعد الصبح اليوم الثاني ؟

بليز البنت محتاجه لاجاباتكم وانا هم عندي تساؤلات ماكنت افكر فيها من قبل!!

يعني كنت افكر ان العروس من تدخل تاخذ شور عالجسم وبس وشعرها وويها ماتجيسه !

عشان تحافظ على لوكها الرائع ! بس هم في مشكله باختلاف مكياج الويه عن لون الجسم حتى لو لونها موحد اتعرفون مكياج العروس يكون صارخ وايد

فما ادري هل مطلوب انها تاخذ شور كامل !! وتمسح مكياجها وتخرب شعرها ؟

وبعدين مو حلوه عروس شكلها يكون مبهذل بعد الشور واستغرب لما بنات يقولون نحط مكياج بعد الشور ويسوون شعرهم بعد انا ودي اسأل من وين لهم وقت لكل هذا ؟ اذا الريال ينتظر على جذي وايد بتتأخر !!

وهم اسأل روحي تعدل روحها جدامه وااي فشله ! ومو معقوله كل هذا تسوي بالحمام

ما اتخيل

مادري انا اشوف الوضع وايد محرج ؟ انتوا اشرايكم

زيييين منو الشاطره اللي من خلال سوالفنا بتقولنا على طريقه تحافظ فيها العروس على نظافتها ورائحتها الجميله ! وبخطوات مرتبه قليله ماتسبب لها ربكه او تتخربط بسببها

يعني بدون مبالغه نبي طله حلوه ولوك ناعم بخطوات سهله مو معقده ياريت تفيدونا

ونتناقش بشكل جاد بالموضووووع

بليز كل العرايس وحتى البنوتات والمتزوجات الموضوع للكل فممنوع التطنيييش