بسم الله الرحمان الرحيمو الصلاة و السلام على أشرف المرسليننبينا محمد صلى الله عليه وسلم
السلام عليكم بنات
اختى باذن الله بتتزوج ومهرها 7 الاف دينار كويتى وبتاخذ ولد خالى واحنا بدو حضر ( مخلط )
والوالده تقول ما يكفى وتبى الوالد يزيدها بعد 6 الاف دينار وتقول ما يكفى ؟
بس باعرف ( لهدرجه كل شى غالى وهل الابو ملزوم يدفع وهذا هو العرف بين الناس ان الابو لازم
يزيد المهر ؟ واذا زاد كم يكون يعنى ؟
بصراحه لان موضوع هذا مسبب حساسيه بيننا
السلام عليكم بنات
اختى باذن الله بتتزوج ومهرها 7 الاف دينار كويتى وبتاخذ ولد خالى واحنا بدو حضر ( مخلط )
والوالده تقول ما يكفى وتبى الوالد يزيدها بعد 6 الاف دينار وتقول ما يكفى ؟
بس باعرف ( لهدرجه كل شى غالى وهل الابو ملزوم يدفع وهذا هو العرف بين الناس ان الابو لازم
يزيد المهر ؟ واذا زاد كم يكون يعنى ؟
بصراحه لان موضوع هذا مسبب حساسيه بيننا
" اقلكن مهوراً اكثركن بركه "
الصراحه حييّل مبالغين في المهر 7 تكفي ليش زياده عليها 6 ..
لو زايدنها الف يمكن نمشيها بس 6 الاف … ترى الزوج عنده التزامات للزواج غير المهر ..
لا حول ولا قوه الا بالله ..
(الزياده مو من عند الزوج )
يعنى تصير عند البعض ؟
ربي يخليه لي زاد مهري والله وماحسب جم عسا مانحرم منه
الله يستر من تاليها ….
اشدعوه بنات الناس تجهزوا باقل من 7000
وعايشين بنعمه وخير
والي تبي تفخفخ تزيد من عندها
اما اذا بس كل اللي عليها انها تتقضى لنفسها بهالفلوس لاوالله يكفيها وزياده
بعدين شنو غالي ؟؟ ليش تدورون الغالي طيب عروس ماقلنا شي اخذي الاشياء المهمه مو تاخذين لج محل عطورات ومحل جناط ماركات ووووو ؟؟؟؟ معليش ترا السوق مارح ينقرض بعد العرس انتي اخذي لج الاشياء الاساسيه اللي تحتاجينها بشهر العسل واول سنه وبعدها بتقضين مره ثانيه للسوق
صدقيني سمعي كلامي ولاتروح الفلوس ع اشياء مالها داعي انا مااقول قصري ع نفسج اخذي اللي تبينه وافرحي بس بحدود
وربي يوفقج
بس الحين كم الذهب ياخذ من المهر ؟ وشنو الوضه الدارجه ؟ ذهب ولا الماس ؟
نبى الشى الزين الذرب ؟ كم نخصصله من المهر ؟ وشنو اكثر شى ياخذمن المهر ؟
الله يوفقكم ويسعدكم بالدارين يارب
انتوا بشطارتكم تقدرون تقسمون المهر و تحطون فلوسكم على شي يسوى مو لعب و فسفسة عالفاضي
الحين السوق كله تنزيلات تقدر تجهز بنص سعر السوق
و بعدين اهمه مو غرب يعني اذا اهمه متعودين على ستايل معين او مستوى معين لا تغيرون و تبالغون بالكشخة
اقصد اذا مثلا ستايلها جناطها و لبسها من المهلب .. و اهمه يدرون ان هذا ستايلها و خذوها جذي خلاص لا تجهزونها من الصالحية و الثريا مثلا
اتمنى وصلت نقطتي
و بعدين انا خبري البدو اهمه الي يسوون العرس .. يعني هذا اكثر شي ياخذ من الميزانية اذا اهمه بيسوونه خلاص هم ماله داعي زيادة المهر
حبيبتي .. سهلوها و هونوها وتهون لا تثقلون عالريال و تغثونه من اولها لمصلحة اختج
الفلوس تيي و تروح و التجهيز ٦ شهور و تبي غيره ماله داعي تكبرونها و اهي صغيرة
المهر ٧
اخذولها شبكة ب٢٠٠٠ و ٣٠٠٠ بالكثير
نفنوف عرس ب٦٠٠
تجهيز قمصان و اندر وير ٢٠٠
مكياج و عطور ٣٠٠
بدلات طلعة و عبي ٥٠٠
جناط و جواتي ٦٠٠ اذا تحب الماركات … لا تشتري وايد ماردهم بيتغيرون و بتطلع هبات يديدة
ساعات ٥٠٠
هذه الاساسيات سطرتها عندج
و هم هدوم و فناتق حق البيت من سنتر بوينت h& m قولي ب١٠٠ خو رخص الحمدلله
نفانيف مناسبات و دراريع ب 500
ترى هذه حتى ٦٠٠٠ ماوصلوا .. اللي يبقى خل تشتري شبكة ثانية ناعمة و لا اي شي بخاطرها
موفقين
النفنوف بتلبسه ساعتين و بتقطه لا يعدي ال٩٠٠ وللا ١٠٠٠
و نصيحة اذا حمولتها مو راضين يزيدون خلاص عشان باجر اذا عطوها بدون رضاهم ماتسوى عليها التمنن يذكرونها فيها طول عمرها
بس الحين كم الذهب ياخذ من المهر ؟ وشنو الوضه الدارجه ؟ ذهب ولا الماس ؟
نبى الشى الزين الذرب ؟ كم نخصصله من المهر ؟ وشنو اكثر شى ياخذمن المهر ؟
الله يوفقكم ويسعدكم بالدارين يارب
الذهب غالي هالايام
نطروا خل ينزل
عاملوا لكم محل كل يوم دقوا عليه و سالوا عن سعر الغرام لما تشوفونه نازل طيروا اخذوا اللي تبون
بس الحين كم الذهب ياخذ من المهر ؟ وشنو الوضه الدارجه ؟ ذهب ولا الماس ؟
نبى الشى الزين الذرب ؟ كم نخصصله من المهر ؟ وشنو اكثر شى ياخذمن المهر ؟
الله يوفقكم ويسعدكم بالدارين يارب
شبكة الماس حق ليلة العرس 3000
والذهب 1000
البدلة 1000
مكياج و تصوير 700
والباجي للشغلات الثانية .. وعلى قولة امي السوق مو طاير لا تكثرين !
.. ترى يكفي و الله يبارك لها فيه وبوقتها
ماكفتني لأني ما قسمت عدل ولا كنت اذكر الله لما اصرف
كل ما قل مهركم اللي تطلبونه الله يبارك لكم
خلي أبوج يساعدها