المهر شلون اوزعه و شنو احتاج ساعدوني

السلام عليكم

حبايبي بنات المنتدى اول شي اشكركم على صدوركم الوسيعه و حبكم للخير
لانكم ما شاء الله تساعدون باخلاص و جنا اللي تطلبكم وحده منكم بالدم

يلا بقولكم قصتي او بالاحرى حالتي الصعبه

انا وحيده امي الله لا يحرمني منها و الوالده كلش مو راعيه اسوقه و مجمعات
تروح للضروره من مناسبه لمناسبه غير جذي ما نطب السوق و همن ما تحب انا اروح وايد
لدرجه اني لي وقت قريب والله زين اعرف اسم المجمع بس ولا المحلات ادش و اطلع ما اقرى الاسم
والله ايام الثانويه و بدايه الجامعه كل من يسألني من وين شاريه الشغله الفلانه كنت اتفشل
لان ردي طبيعي بيكون من هالمجمع بس شسم المحل مادري و البنات عبالهم نحاسه مابي اعلم واهي والله غشامه

يلا ما علينا لا اعور راسكم بغشامتي بس ابشركم باديه افتح عيوني و اعرف اسأل و احفظ

نرجع لصلب الموضوع بنات والله ما اعرف شنو اسوي بالمهر كلش كلش و لا ادري شنو اشتري و شنو اخليه بعدين
ولا شنو اللي ابدي فيه و اللي يكون اخر شي او حتن شنو اللي مفروض انا اشتريه و شنو اللي ماله داعي

و بعور راسكم بهالخبر اللي واايد حايسه منه

اهل ريلي مايبون يسوون عرس بيكون عندهم عشى صغير و الريايل صاله و جذي

ف انا مجبورة اسوي كلش شي من عندي الا البوفيه تكرموا شوي فيه

مثل ما قلت لكم انا وحيده امي ولازم اونسها بهاليوم و بسوي عرس صغيرونوا ق بيتنا

يعني ابي كوشا و كراسي للضيوف و تزيين و ديجي ااااخ الله يعين

امااا الشي الثاني اللي احاتيه النفنوف الابيض و الذهب كلهم مشعللين نار يا كافي

انا اصلا بطبعي ما احب الذهب و من عمري 7 سنين وانا كلش ما لبسته ما يعجبني

و امي عكككسي قلت لها مابي ذهب زفتي زف جاااايد شلوون عروس بدون ذهب وانتي من زمان قاثتني ليش ماتلبسين يزين البنت ومادري شنو

مادري مرات اقول اشتري عن خاطرها ومرات احس ماله لزمه اذت بيظل غالبا بالكبت

الخلاااصه انا عطيتكم و ضعي عشان تعيشون جوي و ابي احس انكم خواني وعفيه حطوا بالكم على اخيتكم الفقيره هههه

مهري 7 الاف بليييز الخبيره توزع لي اياه بالضبط هذا حق شنو و ذاك حق شنو
وجان زين تقولون لي عن اسامي المحلات و بأي مجمع او اي منطقه <<<< ركزوا على هذي هههه

حبايبي و لكم دعوة حلوة ان شاء الله و اللي تساعدني عدل مدل بسمي بنتي بأسمها اي اخيتي هذي اللي ما يابتها امي
بس جان زين اسمهاا حلوووو <<< تتشرط ههههه

اخر شي سوري لو فيه بدليات كاتبه من الفون و حدي دايخه

و بانتظاركم