لكل عروس فكره حلوه لتبخير وتعطير الغرفه ^.^

بسم الله الرحمن الرحيم

اخباركم ياحلوات

اول شي الف الف مبروك وان شاء الله عسا يتمم عليكم بخير

ياحلوات الحين كل وحده تفكر شنو تشتري من بخور وعطور

انا في طريقه من فتره جربتها وصراحه حييييل كانت روعه

اول شي انتي تحتاجين :

دهن عود يكون زيتي
وهذي ريحته تحبينه وماتحصلينها مع زيوت الفواحه

+

فواحه كهربائيه

الفواحه احنا متعودين لها زيوت خاصه فيها

ولو تلاحظون دايما العطر يكون هاديء يا انه يكون فواكه او او فانيلا او ورود

بس مانحصل ريحه تشبه البخور ودهن العود

او ممكن نحصل بس مو العطر الي انتي تبينه

احيان افضل ريحة دهن عود وما احصلها للفواحه

فرحت سويت هالطريقه وجربتها

والحاجه ام الاختراع

انا قبل فتره

قلت بجرب ..

رحت يبت دهن عود ريحته تشبه البخور

ودهن العود دايما يكون يشبه الزيوت

انا اول شي حطيت الماي بالفواحه وانتبهي اول شي الماي

وحطيت تقريبا 3 قطرات من دهن العود

ورحت يبت عود الاذن القطني وقعدت احوس الماي ودهن العود لين انخلطوا شوي

وماصار دهن العود بقع زيتيته

ورحت شغلت الفواحه ويوم اشتغلت ريحة الغرفه صارت قمه وروعه

والريحه اترست الشقه وفوق هذا الريحه ماتروح تضل لاصقه بالاثاث

والله احطها واخليها فتره وبعدين اطفيها

اليوم الثاني الغرفه والشقه وكلها ريحة دهن العود

وحتا خواتي يسألوني انتي شتسوين هذي ريحة دهن عود مو بخور

وعلمتهم الطريقه وفي منهم عروس توها يديده

فتذكرت وقلت بحط هالموضوع واخلي العروسات الحلوات

يسوون هالحركات

ويارب يارب تفيدكم وادعولي

وان شاء الله كل ما احصل فكره بفيدكم فيها

ومبروكين مره ثانيه