السلام عليكم ورحمة الله وبركاتة
اول مشاركة لي وابي رايكم ما ابي احش بخالتي والله نيتي سليمة بس بعرف التصرفات الي تصدر منها طبيعية؟؟
انا متزوجة صارلي 5 سنوات عندي سلماني والحمد الله على العطية
علاقتي بخالتي سلبية مافيها اي نوع من الوصل اهيا كله مطنشتني برغم من محاولاتي الكثيرة لتقرب منها!!
انا اشوف امي علاقتها بمرت اخوي اتينن معنا مرت اخوي كانت بالبداية مو مندمجة معانا بس امي ادق عليها وتطمن عليها دايما واتنقص لها كلشي حتى اذا شرولي انا شي لازم نفسة حقها!!!!
المهم خالتي ماعندها هالسوالف يعني انا الحين مريضة ما ادق اتطمن او تسال معنا ريلي اذا استمرض ابوي ادق على وزورة ويسال عنا دايما اهيا ما عندها هالسالفة كلش!!
اذا سافرت ماتيب حتى عود حقي او حق ولدي معنا حفيدهم الوحيد وهيا مشا الله عندها خير طريقتها كلة ما ركات وعيالها على قولتها ماتلبسهم الامن الزين بس ما تعطي احسها بخيلة على انا بالذات وعلى ولدي ماديا ومعنويا
انا ربيت ابيئة فيها العطا والعطية والنقصة والصوغة والهدية وتروالي بيوت الكويت كلها جذي مشا الله
يعني مرات ريلي يفتشل منها اذا شاف شلون اهلي طايرين في وفولدة يعني الجمعة ودينا كيكة حق سلماني عيد ميلادة تخيلوا الكيكة من ابوي هدية حق سلماني وديناها بيت خالتي اتصدقون ماحطت بيدة حتى دينار اتفرحة يعني انا وايد حساسة من هالسوالف
يعني انا بالرمضان وديتلها هدية واتنقصلها سوالف حقها وحق بناتها واذا انجحوا اول وحدة يايبة الهدية بس ماكو فايدة ماكو تقدير جنة الي اسوي واجب علي صراحة انا طبعي جذي اعطي متعلمة من اهلي السنع ما امدح عمري بس اشوف سوالف تقهرني
فهل هذا الوضع طبيعي؟؟
السلام عليكم ورحمة الله وبركاتة
اول مشاركة لي وابي رايكم ما ابي احش بخالتي والله نيتي سليمة بس بعرف التصرفات الي تصدر منها طبيعية؟؟
انا متزوجة صارلي 5 سنوات عندي سلماني والحمد الله على العطية
علاقتي بخالتي سلبية مافيها اي نوع من الوصل اهيا كله مطنشتني برغم من محاولاتي الكثيرة لتقرب منها!!
انا اشوف امي علاقتها بمرت اخوي اتينن معنا مرت اخوي كانت بالبداية مو مندمجة معانا بس امي ادق عليها وتطمن عليها دايما واتنقص لها كلشي حتى اذا شرولي انا شي لازم نفسة حقها!!!!
المهم خالتي ماعندها هالسوالف يعني انا الحين مريضة ما ادق اتطمن او تسال معنا ريلي اذا استمرض ابوي ادق على وزورة ويسال عنا دايما اهيا ما عندها هالسالفة كلش!!
اذا سافرت ماتيب حتى عود حقي او حق ولدي معنا حفيدهم الوحيد وهيا مشا الله عندها خير طريقتها كلة ما ركات وعيالها على قولتها ماتلبسهم الامن الزين بس ما تعطي احسها بخيلة على انا بالذات وعلى ولدي ماديا ومعنويا
انا ربيت ابيئة فيها العطا والعطية والنقصة والصوغة والهدية وتروالي بيوت الكويت كلها جذي مشا الله
يعني مرات ريلي يفتشل منها اذا شاف شلون اهلي طايرين في وفولدة يعني الجمعة ودينا كيكة حق سلماني عيد ميلادة تخيلوا الكيكة من ابوي هدية حق سلماني وديناها بيت خالتي اتصدقون ماحطت بيدة حتى دينار اتفرحة يعني انا وايد حساسة من هالسوالف
يعني انا بالرمضان وديتلها هدية واتنقصلها سوالف حقها وحق بناتها واذا انجحوا اول وحدة يايبة الهدية بس ماكو فايدة ماكو تقدير جنة الي اسوي واجب علي صراحة انا طبعي جذي اعطي متعلمة من اهلي السنع ما امدح عمري بس اشوف سوالف تقهرني
فهل هذا الوضع طبيعي؟؟
لاتنتظرين من احد مقابل
وتأكدي ان اكثر المتزوجات يعانون مثلك وأكثر وانا وحده منهم..
لكن ماتواسي آلامي الا هالآية… اذا رددتها أرتاح
((ولاتستوي الحسنة ولا السيئه. ادفع بالتي هي احسن))
موفقه
هاذي مشاكل بسيطه او حتى مو مشاكل
مجرد اختلاف اطباع . . . اهيا طبيعتها جذي
خلج انتي الزينة ييبي هدايا و مع الزمن بتتعودين عليها
و دامها زينه وياج كل شي يهون
ومثل ماقالو البنات هذا طبع
مع التحية……….
لاتقارنين بيئتج مع بيئة حمولتج
(( الناس أجناس ))
تقدرين بطريقتج تتقربين من خالتج وتخلين علاقتكم من احسن مايمكن
مثل ما أمج حببت مرت اخوج فيها ..
وصدقيني سوي الخير وقطيه بحر ،، والطيب عمر محد ينساه
ومثل ماقالو البنات هالشي ولا غيره ..
وعسى الله يألف بين قلوبكم
دايما حطي ببالج انج مو بحاجتها الحمدلله
واهي طبعها جذي مو متعوده على العطايا والهدايا
فما يطري على بالها تعطي وتسخي
أنتي لان ببيت اهلج تعودتي على جذي علشان جذي مستنكره طبع خالتج
بس 5 سنين كافي انج تعرفين طبعها وتطنشينها ولا تعبين روحج معاها
انا اقول طنشي ولا تعورين قلبج لازم تتأقلمين عالوضع ..
ومثل ما قالوا البنات سوي خير وقطيه بحر .. انتي مو ناطره منها شي ادري ان هالشي يحز بخاطرج والدليل انج ليلحين تفكرين بالموضوع .. ودامج بعيده وسعيده خلاص لا تنطرين منها هديه ولا صوغه ولا اتصال وكله بميزان حسناتج يا رب
والله يسخرها ويهديها لج