حلمي بالقميص النوم الاصفر

هايات يا زوجات وامهات وبس
الباجي يطلع برا لو سمحتوا

خليني اقولكم عن حلمي بالقميص النوم الاصفر

حلمت مره اني لابسه قميص نوم اصفر طويييييييييل يسحب وراي كان يهبل حيل

المهم قعدت من النوم وطق في راسي الا ادور هالقميص

ما خليت مكان ما رحت له بالسالميه يالله لقيت اللي ابي

المهم رجعت البيت رحت تسبحت وغسلت شعري وبعدها سويت لفافات حق شعري يعني ابيه كيرلي ريلي شافني قال لي اشفيج ينيتي على هاللفافات شعرج ناعم ما يصير
قلت له المهم ابيه يصير غصب طيب

بعدها نومت اتووونه حبيبتي بنتي وقمت فتحت اللفافات والا ينفش جني مخترعه
وبعد صابغته ثلجي فيا سلام على الشكل

المهم

حطيت المكياج الوردي والاصفر وصرت احووس بالغرفه ابي ابو الشباب يرفع راسه من هالاب توب ماكوو
المهم لبست القميص النوم الاصفر والشعر منفوش اصفر والمكياج السنع

صرت على قولت نبيل شعيل

يا شمس لا تغيبي

ومازال ابو الشباب مبقق عيونه بالاب توب

احوس وارجع اضبط المكياج

واخيرا نطق وقال لي يا حلات حبيبي

انا صرت حليمه بولند ورديت عليه بدلع لا والله تو الناس تشوفني

رجع حق راسه في هالاب توب

رحت انسحدت بالفراش

والا اتوونه بنتي تقوم تبجي انا اسكتها واقول في قلبي مو وقتج وانا مسويه حق عمري جوو رومانسي <<< امحق يا الرومانسيه بس

والا فجأه شال راسه من الاب توب وصكره وحطه على الارض انا ويهي صار جذيه

بس قلت خل ادلع اشويه زياده قلت له مادري اشفيني بطني عورني

جان يقول لي اي ماخذه برد مو لابسه عدل

المهم قام من مكانه

قلت الحين راح ايي يمي

جان يروح حق بنته وشالها ودار ويهه انا صرخت وين تبي تروح

قال لي انتي تعبانه بطلعها برا على ما تنام علشان انتي ترتاحين

الحين حلمت اني لابسه قميص نوم رمادي

والله يستر شنو راح يصير