اللي يملجون من غير ما يشوفون بعض وخصوصا البدو شنو شعورج اول ما تشوفين ريلج بالعرس؟؟

وهو بعد شنو شعورة ؟؟؟

وشعوري شعور اي مواطن بيوم عرسه

والله يعتمد على القبول والقبول من الله

والحمد تم القبول بينا وعسى الله لايفرقنا

قالتها لي وحده صارت مع خالها

تقول خالي مزيووووووووون شويه عليه وكشيخ وذرب

يبي له وحده بمستوى جماله المهم دورا لي والنصيب

جابه لوحده لما خطبوها يقولون تشبه صابرين وجمال وجسم

وطلب يشوف صورتها ورفضت و لما صار العرس تقول البنت انصدمنا حيل

فيها لا ذوووق ولا جمال ولا جسم وخفنا على خالي يصير فيه شي من الصدمه

وخذاها سيده للفندق وثاني يوم لما رجعوا دخلوا الغرفه شوي طلع واهله كلهم

متجمعين جان يخز وحده وحده فيهم جان وانتوا بكرامه يتفل عليهم كلهم

وقال (العن ابوكم لابو اللي جابها ) >> استغفر الله

تقول خفنا ان فيها شي ولما دخلت علينا الا هي مافيها ذرة جمال ..

وصارلهم 4 سنين متزوجين ولي يومكم هذا وهو يقول بعرف منو الحمار اللي مدليكم

عليها ؟<< وا عليه كسر خاطري

وكل يوم يقول تكفووون بتزوج اي وحده مزيونه شايفيني انا مزيون وطويل جايبين لي

وحده قصيره وجيكره هذا غير معاملته وطنازته عليها …

واللي مصبره عليها يقول انها تصلي وامه وابوه يقولون اذا طلقتها لا نعرفك ولا تعرفنا ..

بس جد كاسر خاطري واحد مزيون وكشيخ ياخذ وحده عاديه ولا عرفت طريج

الكشخه حرام والله ..

هذا من عيوب هالزواج

مع اني ملجه اللحين ولا شفت زوجي الا لمحه والله يستر لا انصدم فيه هههههههههههههههههه

بس بسأل سؤال

ما تحسون مرات ودكم تغيرون هالشي ؟؟ يعني ما ودكم تشوفونه ايام الخطبه و الطلعات ايام الملجه عشان تتقربون اكثر ؟؟ ولا انتوا مرتاحين على هالطريقه؟؟